Iðnneminn - 01.06.2002, Síða 31

‘Norríöpína
Aðstaða til verklegs náms er ágæt í skólanum en það skortir dálítið upp á að aðstaða fyrir bóklegt
nám sé fullnægjandi, en það er eingöngu sökum plássleysis. Skólinn á þónokkurn bílaflota,
misgamlir og misdýrir, allt frá SAAB 900 ’90 upp í Volvo S-80 ’OO og ýmislegt þar á milli. Þar
gátum við reynt fyrir okkur í að finna ísettar bilanir, prófa rafkerfi, lesa bilanakóða úr mælitölvum
o.fl. Minna fórfyrir bóklegu fögunum en þá var einna helst kennsla í rafmagnsfræði, enda höfðum
við Ásgeir lagt áherslu á að þar lægi áhuginn. Það sem var svo einna mest spennandi var að
fá tækifæri til að starfa á stórum bílaverkstæðum og sjá hvað er að gerast í greininni og kynnast
öðruvísi vinnubrögðum heldur en hér heima. Við fengum að vera á stóru Volvo verkstæði/umboði
í eina viku og þar að auki fékk ég að vinna 2 vikur hjá Söderbergs sem er umboðsaðili Volkswagen
í Norrköping. Þar kynntist ég skemmtilegum svíum og öðlaðist þó nokkra reynslu auk þess að
vera boðið starf en ég afþakkaði pent og sagðist mundu koma aftur síðar.
Norrköping er ein af elstu iðnaðarborgum
Svíþjóðar og telur c.a. 130 þúsund íbúa í
dag. Hún liggur við fljótið Strömmen og var
það virkjað til ýmiss iðnaðar hér áður fyrr og
þá helst vefnaðariðnaðar. Skömmu eftir síðari
heimsstyrjöldina átti vefnaðurinn orðið erfitt
uppdráttar sökum samkeppni frá öðrum
löndum og lacjðist hann alveg af á áttunda
áratugnum. I dag er hins vegar blómlegt
atvinnulíf í Norrköping og hefur borgin hasiað
sér völl sem staður þar sem hátækni-iðnaður
sem og annar iðnaður blómstrar og
uppbygging háskólaumhverfis er eitt af
forgangsatriðunum. í miðbænum, sem svíar
kalla industrilandskabet, er aragrúi af
fallegum byggingum frá uppbyggingu
iðnaðarins og stutt er síðan allur
miðbæjarkjarninn var gerður upp og þar
blómstrar nú fjölbreytt menningarstarfsemi,
s.s. söfn, rannsóknarstofur háskólans og
starfsemi sinfóníuhljómsveitar staðarins.
Ég er feginn því að hafa fengið tækifæri til að taka þátt í
þessu samstarfi og hvet alla sem áhuga hafa til að kanna
möguleikann á því að svona lagað sé í boði fyrir þeirra
námsgrein. í því tilefni vil ég einnig benda á Leonardo da
Vinci styrkinn sem Iðnnemasambandið sér m.a. um að úthluta.
Helgi Guðbjartsson
Tenglar:
http://www.ingelstagymnasiet.com
http://www.norrkoping.se
http://www.bhs.is