Vikan - 02.02.1956, Qupperneq 12
HIJN ER ÖVIÐJAFNANLEG í augum Grikkja. Jafnvel hinar
alþjóðlegu kvikrnyndastjörnur komast ekki í hálfkvisti við
hana um vinsældir. Hún fékk fleiri jólakveðjur (segja
Grikkir) síðastliðin jól en nokkur önnur kona í veröld-
inni. Hún heitir Frederica og er drottning í Grikklandi.
Það er til marks um vinsældir þessarar óvenjulegu
drottningar, að maður virðist ekki þurfa annað en að nefna nafn
hennar til þess að koma jafnvel hinum raunamæddasta af þegn-
um hennar í gott skap.
Gríska þjóðin keppist um að hylla hana. Viðstaddir ganga
bókstaflega af göflunum, þegar hún kemur fram opinberlega.
Það vilja allir fá að taka í hendina á henni, allir komast nógu
nálægt til þess að heyra hinn skæra hlátur þessarar hláturmildu
drottningar.
Bandaríkjamenn kalla hana stundum ,,háleista-drottninguna“
og meina með því, hve telpuleg hún sé og sporlétt og frjáls-
mannleg í framkomu. Hún er raunar ákaflega lítið hátíðleg
1 klæðaburði og hikar ekki við að sýna sig í háleistum, þegar
henni býður svo við að horfa.
Hún er 38 ára, en sýnist mikið yngri. Hún er bláeyg, með
lítið, kesknislegt nef, stóra spékoppa og brúnt hár. Hún er
ákaflega lífsglöð og broshýr.
Dag nokkurn sá ungur hermaður, sem settur hafði verið
á vörð við sumarbústað skammt frá Aþenu, hvar lagleg stúlka
kom gangandi. Þegar hún var komin framhjá, blístraði hann
á eftir henni af mikilli hrifningu. ,,Stúlkan“ sneri sér við og
brosti gletnislega til hans.
Fáeinum andartökum síðar tjáði háttsettur embættismaður
hermanninum, að hann hefði raunar verið að blístra á drottn-
ingu Grikkja.
I Aþenu gerðist það líka, að bandarískur liðþjálfi lagði^ það
í vana sinn að vinka til ,,stúlkunnar,“ sem hann var sífellt
að mæta í opnum blæjubíl af svipaðri tegund og bíllinn hans.
Svo bar það við einu sinni, að bílarnir þeirra lentu hlið
við hlið í umferðarteppu. Liðþjálfinn vinkaði til þeirrar brún-
hærðu og kallaði: „Þú átt eftir að hálsbrjóta þig, ef þú hættir
ekki að aka svona hratt.“
Um leið og hann sleppti orðinu, rann það upp fyrir honum,
að hann var að tala við drottninguna í Grikklandi. Hann kaf-
roðnaði og bar hendina í fáti upp að húfunni.
„Láttu þér ekki verða svona bylt við, liðþjálfi," sagði
Frederica. „Og hættu fyrir alla muni ekki að vinka.“
Frederica var þýsk prinsessa, áður en hún giftist Páli Grikkja-
kóngi. Þá var hann raunar ekki enn orðinn kóngur. Hjónavígsl-
an fór fram með svo mikilli viðhöfn, að annað eins hafði sjaldan
sést í Evrópu. Brúðkaupsveizluna sátu (meðal annars) 55 prinsar
og prinsessur, 40 biskupar og tugir aðalsmanna.
Prinsinn, sem Frederica giftist, var þó engin höfðingjasleikja.
Nokkrum árum áður hafði hann unnið venjulega verkamanna-
vinnu í breskri verksmiðju undir dulnefninu ,,Beck.“
Og Frederica hafði verið í tvö ár í skemmtilegum brezkum
heimavistarskóla, þar sem öllum stóð hjartanlega á sama um
alla titla. Þar lærði hún meðal annars smábrellu, sem hún not-
aði mörgum árum seinna.
Það var um borð í bresku herskipi, sem Mountbatten lávarður
(núverandi yfirflotaforingi Breta) kom á í kurteisisheimsókn til
Grikklands.
Grísku konungshjónin dvöldust lengi um borð í skipinu, og
þegar þau kvöddu, hvíslaði Frederica að lávarðinum: „Þér
verður hugsað til mín í kvöld, frændi.“
Mountbatten skildi hvorki upp né niður fyrr en hann háttaði.
Þá uppgötvaði hann, að það var búið að sauma sængina hans
kyrfilega fasta við lakið. Frederica hafði laumast til þess á meðan
hann ræddi við manninn hennar.
Páll og Frederica eiga þrjú börn. Þau eru: Constantine krón-
prins (15 ára), Sophie prinsessa (17 ára) og Irene prinsessa
(13 ára).
Fyrir nokkrum árum tniði Constantine móður sinni fyrir
DROTTIMIIMGIIM
í GRIKKLAIMDI
eftir BERT MANSFIELD
því, að hann væri orðinn dauðleiður á að leika sér við strákana,
sem að dómi siðameistarans voru nógu „góðir og prúðir“ til að
vera leikbræður prinsins.
Daginn eftir birtust 150 dugnaðarstrákar í hallargarðinum.
Frederica hafði boðið heilu munaðarleysingjahæli í heimsókn,
og hún bakaði sjálf kökur í veizluna.
Páll og Frederica reyna eftir mætti að kynnast þegnum
sínum og kjörum þeirra. Þau ferðast mikið um landið. Heim-
sóknir þeirra snúast ósjaldan upp í herlegustu veizlur með
þjóðdönsum og söng. Og konungshjónin dansa og syngja af
kappi.
Þau kváðu forðast óhóflegan íburð. Það er haft fyrir satt,
að íbúð þeirra í konungshöllinni sé látlausari en margra þegna
þeírra í Aþenu. I svefnherberginu þeirra er einungis eitt hjóna-
rúm úr dökkri eik, tvö náttborð, tveir stólar og borð.
Þau eiga sumarbústað í grennd við Aþenu. En bezt þykir
þeim að hvíla sig og skemmta sér á pínulítilli eyju, þar sem
húsakostur er svo lítill, að það er ekki pláss fyrir einn einasta
hirðmann.
Líka hafa konungshjónin gaman af að fara í skemmtisiglingu
um helgar. Þau nota til þess lítinn vélbát, sem þau eiga.
Það hefur gengið á ýmsu fyrir kóngunum í Grikklandi og
drottningum þeirra. Grikkir eru harðir í horn að taka og þegar
þeim fellur ekki við þjóðhöfðingjana sína, gera þeir sér gjarnan
lítið fyrir og sparka þeim úr landi.
Það er í meira lagi ólíklegt, að slík eigi eftir að verða
örlög Páls og Fredericu.
Myndin: Drottningin (örin) og maður hennar meðal þegna sinna.
SAMEINUBU ÞJÖÐIRNAR hafa veitt nokkrum verksmiðjum í
Jordaníu lán, til þess að gera þeim kieift að auka starfsemi sína
og útvega arabiskum flóttamönnum frá Palestínu vinnu. Myndin
er úr einni verksmiðjunni. Hún framleiðir sígarettur.
12