Vikan - 29.04.1976, Page 2

/ ULLMtVÖRUM
Undanfarin ár hefur Álafoss
unnið að því að koma fatnaði úr
íslenskri ull á markað erlendis og
orðið vel ágengt. Álafoss hefur
samvinnu um framleiðsluna við 14
prjóna- og saumastofur víða um
land. Álafoss spinnur bandið og
vefur voðirnar, en prjóna- og
saumastofurnar sjá um að full-
vinna flíkurnar auk þess sem að
sjálfsögðu er mikið saumað á
saumastofu Álafoss.
Álafoss starfrækir sérstaka
hönnunardeild, þar sem lögð eru á
ráðin um framleiðsluna. Pálína
Jónmundsdóttir er tískuráðgjafi
hönnunardeildarinnar og í hennar
verkahring er meðal annars að
samræma hugmyndirnar, sem
fram koma á hinum ýmsu prjóna-
og saumastofum, óskum kaup-
enda. Auk Pálínu starfar amerísk-
ur hönnuður sem ráðgjafi í hönn-
unardeildinni, en Álafoss leggur
mikla áherslu á að nota hugmynd-
ir starfsfólksins á prjóna- og
saumastofunum, en að sjálfsögðu
eru þær samræmdar óskum vænt-
anlegra viðskiptavina.
Stærstu markaðssvæði fyrir
útflutningsvörur Álafoss eru í
Norður og Vestur-Evrópu, Norð-
ur-Ameríku og Japan, en stöðugt
er unnið að því að vinna nýja
markaði, og sem dæmi má nefna,
að Álafoss skiptir nú við fjarlæga
staði eins og St. Pierre & Miqu-
elon, Andorra, Nýju-Guineu, Kór-
eu og Kuwait. Það má því með
sanni segja, að íslenska ullin komi
víða við.
Verðmæti útflutnings Álafoss á
síðastliðnu ári nam 575 milljónum
króna og svaraði það til 2/3 af
heildarsölu fyrirtækisins.
Vikan birtir nú nokkrar myndir
af flíkum frá Álafossi sem nú
eru á heimsmarkaðnum, og von-
ar, að þær gleðji augu lesenda og
gefi um leið einhverja hugmynd
um, hve mikla möguleika ullin,
þetta alíslenska hráefni, býður
upp á.
Þessar úlpur eru saumaðar af
Mode/ Magasini úr voð frá Ála-
fossi.