Vikan - 15.09.1977, Síða 9
' '
*
Hvirfilvindur reið yfir bæinn
Harrodsburg í entucky, U.S.A.
og lagði þar í rúst verksmiðju,
sem framleiddi bandprjóna.
Prjónahríðin, sem orsakaðist af
þessu, drap marga íbúa.
★
Eitt sinn þegar vísindamenn
komu til óbyggðrar eyjar í
Suður-ishafinu, mættu þeir
mörgæsum, sem bókstaflega
ultu um koll af undrun.
★
Það var Rowland Hill sem
fékk þá hugmynd að hafa
bréfsnepil nógu stóran til að
stimpla mætti á hann, en hafa
bakhlið hans kvoðukenndan
vökva, svo að notandinn gæti,
með því að væta það, fest það
á bréfið. Þegar þetta bar fyrir
augu yfirpóstmeistarans Lord
Lichfield sagði hann: „Margt
vitlaust og kjánalegt hef ég nú
séð um ævina, — en aldrei
neitt svipað þessu...."
*
Rannsóknir í Bandaríkjunum
hafa leitt í Ijós. að barn, sem
móðirin hefur á brjósti, dreymir
samskonar drauma og móður-
ina.
★
I útborginni Barnet í Norð-
ur-London eru kynsjúkdómar
aðeins næstalgengastir far-
sótta, mislingar eru þar
algengastir.
★
Aðeins tvær tegundir dýra
fara í stríð gegn hópum af sínu
sama kyni — maurar og menn.
*
-
I NÆSTU VIKU
„ÁKVAÐ FIMM ÁRA AÐ
FARA TIL JAPANS.”
Haukur Jón Gunnarsson heitir ungur leikhúsfræðing-
ur, sem hefur stundað nám i Japan og Bretlandi. Hann
kom hingað heim að loknu námi og hefur sett upp
nokkur verk með leikfélögum úti á landi, t.d. í
deiglunni með Leikfélagi Húsavíkur á síðastliðnum
vetri, en það hlaut mjög góða dóma hjá gagnrýnendum
og almenningi. Um þessar mundir stjórnar Haukur
sjónvarpsleikriti eftir Davíð Oddsson, sem enn hefur
ekki hlotið endanlegt heiti, og einnig er hann að setja
upp leikrit með Skagaleikflokknum. í næstu Viku er
spjallað við Hauk um nám hans erlendis, Japan og
fleira.
MYNSTUR Á
FATNAÐINN
Hér áður fyrr tiðkaðist það mikið, að krakkar krotuðu
út skólatöskurnar sínar, pennaveskin, og jafnvel
rúskinnsjakkana sina. Nú er víst komið í tísku aftur að
hafa allt sem mest útflúrað, a.m.k. fatnaðinn. Ýmsar
skemmtilegar hugmyndir hafa komið fram, hvernig
hægt er að hafa fötin sem skrautlegust. Sumir sauma
alls konar mynstur í þau, aðrir festa fleiri tugi af tölum
á þau, og þannig mætti lengi telja. 1 næstu Viku
birtum við myndir af fatnaði, sem eigendurnir hafa
,,gert upp” og kennir þar ýmissa grasa.
HVERRI GIFTIST KARL
BRETAPRINS
Flestir hafa nóg á sinni könnu, með eigin áhyggjuefni.
Englendingarnir hafa það þó öllu verra en við, því ofan
á eigin vandamál bætist sameigii legt áhyggjuefni:
Hverri skyldi erfingi krúnunnar, Karl, giftast? — Karl
er nú ekkert augnayndi, — en hann hefur þó verið við
kvenmann kenndur. Hann má ekki sjást á mvnd með
stúlku, þá er viðkomandi trúlofuð honum, og ef einhver
stendur á milli þeirra, er álitið að verið sé að hylja
samband þeirra. — Ýmsar stúlkur hafa verið bendlaðar
við Karl Bretaprins, á einn eða annan hátt, og í næstu
Viku birtum við myndir og grein um ,,Karl og
stúlkurnar hans.”
VIKAN. Útgefandi: Hilmir hf. Ritstjóri: Kristín Halldórsdóttir. Blaðamenn: Aðalsteinn Ásb. Sigurðsson,
Anna Kristine Magnúsdóttir, Sigurjón Jóhannsson. Útlitsteiknari: Þorbergur Kristinsson. Ljósmyndari:
Jim Smart. Auglýsingastjóri: Ingvar Sveinsson. Ritstjórn og auglýsingar í Síðumúla 12. Simar
35320—35323. Afgreiðsla og dreifing i Þverholti 11. Simi 36720. Pósthólf 533. Verð i lausasölu kr. 400.
Áskriftarverð kr. 1500 pr. mánuð, kr. 4500 fyrir 13 tölublöð ársfjórðungslega, eða kr. 8460 fyrir 26 tölubl.
hálfsárslega. Áskriftarverð greiðist fyrirfram. Gjalddagar: Nóvember, febrúar, maí, ágúst.
37. TBL. VIKAN 9