Vikan - 27.10.1949, Page 10

10
VIKAN, nr. 43, 1949
• HEIMILIÐ •
FJALLAGRÖS.
Notið fjallagrös í ábætisrétti og
tertur, i staðinn fyrir möndlur.
Notið fjallagrös í mjólk, í staðinn
fyrir grjón.
Drýgið kornvöru í slátrið með
fjallagrösum.
Hér eru 3 uppskriftir á fjallagrasa-
réttum.
Fjallagrasakaramellu-
búðingur.
25 gr. söxuð fjallagrös, 2 msk.
sykur, 1. rjómi, 3 tsk. matar-
límsduft, 2—3 msk. vatn.
Sykurinn er brúnaður, þegar kem-
ur hvít froða, eru fjallagrösin sett
út í, hitað vel. Sett á bökunarplötu,
kælt og mulið smátt — ef illa gengur
að mylja, má bræða sykurinn í
heitu vatni. Matarlímið hrært út með
köldu vatni, ílátið sett ofan i heitt
vatn og brætt — kælt. Rjóminn
þeyttur. Þar í blandað fjallagrösum
og matarlími, sem er hér um bil kalt.
Gott er að láta 1 msk. af víni
(rommi) í búðinginn. Hrært í þar til
byrjar að þykkna, sett í skál og
skreytt með þeyttum rjóma.
Fjallagrasa-ís.
25 gr. söxuð fjallagrös, 2 msk.
sykur, 1 egg, y2 msk. sykur, 2
dl. rjómi.
Fjallagrösin brúnuð eins og áður
er sagt. Mulin. Eggið aðskilið og
rauðan hrærð með sykri, þar í er
blandað fjallagrösum, þeytta rjóm-
anum og þeyttri eggjahvítunni.
Fryst.
Fjallagrasamjólk.
25 gr. fjallagrös, 1 1. mjólk,
1 tsk. salt, 1 msk. sykur.
Fjallagrösin þvegin, þegar mjólk-
in sýður, eru þau sett út í, soðið
í 3 mínútur. Salt og sykur látið i.
(Frá Húsmæðrakennaraskóla
Islands).
Patricia Roc, kvikmyndaleikkona.
(Frá J. Arthur Rank, London).
Ármann J(akob) Lárusson
er fæddur í Reykjavík 12. marz 1932,
sonur hjónanna Kristínar Gísladótt-
ur frá Haugi og Lárusar Salómons-
sonar, lögregluþjóns og glímukappa.
Hann tók að iðka islenzka glímu
hjá Ungmennafélagi Reykjavíkur
árið 1946 undir handleiðslu föður
síns. Hefur tvisvar tekiö þátt í lands-
keppni drer.gja og unnið í bæði skipt-
in. Sömuleiðis hefur hann tvis-
var keppt um drengjameistaratitil
Reykjavíkur og einnig unnið hann í
bæði skiptin.
FegurðarverSlaun í glímu hefur
hann unnið þrásinnis.
1 vor sem leið varð hann nr. 2 í
Islandsglímunni, og verður það að
teljast mikið afrek af 17 ára göml-
um dreng. Sumarið 1947 fór hann
sýningarför til Noregs á vegum
U.M.F.l. — Ármann er, eins og
myndin sýnir, mjög vel vaxinn og
drengilegur piltur, enda eru við hann
tengdar miklar vonir. Hann er nú
188 cm á hæð, en mun ekki full-
vaxinn og vegur rúm 90 kg. Ármann
' er verkamaður hjá Eimskipafélági
íslands, en heimilisfang hans er
Káranesbraut 36, Kópavogshreppi.
Hann er ótrúlofaður.
(Mynd þessi er birt vegna óska).
Húsmæðrakennaraskólinn heldur mafarsýningu
Dagana 14. til 16. þ. m. hélt Hús-
mæðrakennaraskóli Islands matar-
sýningu í húsakynnum sinum í
kjallara háskólans. Sýndu náms-
meyjar þar ýms handtök við matar-
gerð, sem skólinn telur hagkvæm, en
forstöðukona skólans, ungfrú Helga
Sigurðardóttir og aðrir kennarar
leggja sig mjög fram um að húsmæð-
ur læri þær aðferðir, sem auðveldast-
ar eru óg jafnframt hagnýtastar.
Þegar komið var inn í gang skól-
ans, stóðu nokkur borð með fram
veggjum og á þau var raðað ýmis-
konar matartegundum. Á fyrsta borð-
inu var megrandi fæði og var þar
sérstök áherzla lögð á, að engrar
fitu væri neytt, t. d. ekki með fiski.
Á öðru borði var venjulegt eins dags
fæði meðalmanns og síðan fitandi
fæði. Á veggjunum voru margs-
konar töflur um næringargildi mis-
munandi fæðutegunda og væri freist-
andi, að Vikan birti einhvem tíma
þessar töflur, svo að húsfreyjur í
fjarlægjum landshlutum gæti notið
einhvers góðs af til gagns og fróð-
leiks. Á vegg í eldhúsinu var mat-
seðill fimm manna fjölskyldu fyrir
eina viku og var þar gert ráð fyrir
að vikuleg útgjöld til matarkaupa
séu kr. 300,00.
Hér er ekki rúm til þess að rekja
gang sýningarinnar í smáatriðum, en
hins vegar birtum við að þessu sinni
matseðil frá Húsmæðrakennaraskóla
Islands.
Húsmæðrakennaraskólinn hefur nú
brautskráð alls 38 húsmæðrakennara,
sem allir hafa nóg að gera við fræð-
slustarf út um sveitir og kaupstaði
landsins. Nú eru í skólanum 14 náms-
meyjar og verða þær brautskráðar
í júni næsta sumar. Hafa þær þá
hlotið nær tveggja ára bóklegrar og
verklegrar fræðslu og hafa réttindi
til þess að kenna við húsmæðraskóla
,að prófi loknu.
Fyrírmyndar eldhús.
Eitt af því, sem menn beindu mjög
huga sínum að í húsakynnum Hús-
mæðrakennaraskólans var eldhús,
sem innréttað hefur verið í einu
herbergjanna. Er þar öllu svo prýði-
lega fyrir komið, að til fyrirmyndar
hlýtur að verða fyrir þá, sem kynn-
ast því. Er hverri skúffu og hverj-
um skáp þannig hagað, að húsfreyj-
urnar eigi sem fæst sporin og fyrir-
höfn þeirra við matseld og önnur
eldhússtörf verði sem minnst. Er von-
andi, að tilvonandi húsmæðrakenn-
arar leggi áherzlu á þetta atriði
við væntanlega nemendur sína, þeg-
ar þær flytjast út á landsbygðina til
kennslustarfa.
Frá Sameinuðu þjóðunum í október 1949
Samkvæmt tillögu aðalrit-
ara hefur allsherjarþing- Sam-
einuðu þjóðanna tekið að fjalla
um það, hvort þær skuli gefa
út sérstök frímerki til þess að
lækka frímerkjakostnað sinn,
sem nú nemur 241, 480 dollurum
á ári. Áætlað er, að lækka megi
póstkostnaðinn um 20,000 doll-
ara, ef ráðist yrði í að setja upp
sérstaka póstþjónustu fyrir
S. Þ. Auk þess er gert ráð fyrir
að mikið verði hægt að hafa
upp úr frímerkjasölu, enda
munu frímerkin fá alþjóðlegt
gildi. Óbeinn hagnaður yrði
líka að þessu, þar sem það yrði
ekki lítil auglýsing fyrir Sam-
einuðu þjóðirnar.
í lok ágústmánaðar unnu 64
Norðurlandamenn hjá S. Þ. En
starfsmannafjöldi þeirra er alls
4166. Svíar eru 24 talsins, Dan-
ir 21, Norðmenn 18 og 1 íslend-
ingur.
Aðalbygging Sameinuðu þjóð-
anna í New York hefur senn náð
fullri stærð, 39 hæðum. Samt er
ekki enn búið að leggja horn-
steininn og þótt hann hafi ekki
beinlínis ,,byggingargildi“ hef-
ur hann a. m. k. táknrænt gildi.
Ætíunin var að Truman forseti
legði hornsteininri i vpr, er leið,
en sökum annríkis gat ekki af
því orðið. En nú standa vonir
til, að athöfnin geti farið fram
innan tíðar meðan fulltrúar
sitja allsherjar þingið. Að öll-
um líkindum mun ,,reisugillið“
og hornsteinslögnin fara saman,
og er slíkt ekki venjulegt, en
gerir athöfnina hinsvegar tví-
hátíðlega og ber ekki að lasta
það, þar sem Sameinuðu þjóð-
imar eiga hlut að máli.
Eitt af hlutverkum alþjóða-
samvinnu er að tryggja öllum
þjóðum heims nóg að bíta og
brenna — forða þeim frá því að
verða hungrinu að bráð. Lán
það, sem Alþjóðabankinn hefur
veitt Indlandi er talandi tákn
þessarar viðleitni. Indverjar
lifa mestmegnis á jurtafæðu og
iðulega bregst uppskeran, svo
að milljónir manna standa á
hungurbarmi. Indverjum fjölg-
ar um 3,5 milljónir árlega, en
aukning landbúnaðarins hefur
ekki verið að sama skapi. Þetta
nýja lán mun verða notað til
þess að kaupa fyrir landbúnað-
arvélar og annað, sem til þurft-
ar má verða indverskri ræktun.
Er ætlunin að ryðja víðlend
Ærumskógarsvæði ■ og breyta
þeim í akurlendi.v :