Vikan - 03.06.1993, Blaðsíða 66

TEXTIOGUÓSM.: KARL PÉTUR JÓNSSON
Helgi Björnsson í sprækara lagi viö upptöku á kynningarmyndbandi fyrir
nýja diskinn.
SAFARIKT
SOLARPOPP
Nú er loks komin ný
plata frá piltunum í
Síðan skein sól sem
heitir alls ekkert Síðan skein
sól lengur heldur SSSól. Plat-
an ber nafn skapara sinna,
heitir einfaldlega SSSól. Að-
dáendur sveitarinnar máttu
bíða í tvö og hálft ár eftir
breiðskífu frá sveitinni og ef
marka má þá sem heyrt hafa
efni plötunnar ætti enginn að
verða fyrir vonbrigðum. Platan
er pottþéttur stuðpakki, fullur
af safaríku sólarpoppi. Á
henni eru sex ný lög með
SSSól og átta eldri lög sem
ekki hafa áður fengist á einni
plötu heldur hafa verið á hin-
um og þessum plötum út um
allar jarðir.
Það vekur athygli að í einu
lagi plötunnar syngur Euro-
visiondrottningin okkar, Ingi-
björg Stefánsdóttir, með
Helga Björnssyni en auk
hennar lagði fjöldi valmenna
hönd á plóginn við gerð plöt-
unnar. Þar eru efstir á blaði
þeir lan Morrow og Sandy
Jones en þeir eru upptöku-
menn frá Skotlandi sem
fengnir voru sérstaklega til
landsins til að taka nýju lögin
upp. Þeir hafa meðal annars
unnið með Wet Wet Wet,
Emerson, Lake og Palmer og
tónlistarmanninum Seal sem
gerði það gott á síðasta ári
beggja vegna Atlantsála. Auk
þeirra lagði Jón Ólafsson
hljómborðsleikari Nýdanskrar
sveitinni lið, reyndar svo
hressilega að ekki reyndist
annað unnt en að fjölga í
hljómsveitinni til að lögin
kæmust til skila á tónleikum.
Það er enginn annar en Atli
Örvarsson úr Sálinni hans
Jóns míns sem bættist við
sveitina og er hann kærkomin
viðbót enda löngu kominn tími
til að hljómborðsleikari bættist
við hina hefðbundnu rokkskip-
an SSSólar.
í kjölfar útkomu plötunnar
leggur SSSól upp í mikla tón-
leikaferð með Pepsi. Ferðinni
hefur verið gefið nafnið „Verð
að fá það túrinn" og mun
hann fara víðs vegar um land-
ið í allt sumar og þannig gefst
flestum landsmönnum kostur
á að hlýða á hið nýja efni
SSSólar á tónleikum þar sem
það nýtur sín best. Líklegt má
telja að tónleikaferð SSSólar
nái hámarki sínu á þjóðhátíð í
Eyjum þar sem hljómsveitin
hefur verið ráðin til að leika
fyrir dansi. Reyndar hitaði
hljómsveitin upp fyrir Eyja-
menn um síðustu helgi þegar
hún lék þrjú kvöld í röð fyrir
poppþyrsta æsku Eyja. Núna
um helgina hefst Verð að fá
það tónleikaferðin fyrir alvöru
og það eru (búar suðvestur-
hornsins sem fyrstir geta
komið á Verð að fá það tón-
leika en þeir verða að kvöldi
3. júní í Tunglinu. Um helgina
verður svo ekið alla leið til
Egilsstaða þar sem tvennir
tónleikar verða í Hótel Vala-
skjálf. □
HJÖRTUR
NIELSEN HF.
40 ÁRA
VERÐIAUNAGETRAUN
Itilefni af 40 ára afmæli
verslunarinnar Hjörtur
Nielsen, sem nú er til
húsa í Borgarkringlunni í
Reykjavík, efndi fyrirtækið til
verðlaunagetraunar í sam-
vinnu við Vikuna. I boði voru
þrenn verðlaun, sem fólgin
eru í vöruúttekt í versluninni
að andvirði 40.000 króna
hver.
Lagðar voru þrjár spurning-
ar fyrir lesendur en svörin við
þeim var að finna í grein um
verslunina í sama tölublaði;
hversu gömul verslunin væri,
fyrir hvaða kristalsmunstur
verslunin væri þekktust og
hvað breska postulínið héti
sem væri nýjasta vara versl-
unarinnar. Svörin eru: 40 ára,
matta rósin og Wedgwood.
Þátttaka í getrauninni var
mjög góð og nú hafa eftirfar-
andi nöfn verið dregin úr
lukkupottinum:
Guðríður Margrét Kristjáns-
dóttir, Flókagötu 45 Reykja-
vík, Hildur Edda og Guð-
mundur, Hvassaleiti 38
Reykjavík og Magnea Ósk
Böðvarsdóttir, Norðurvör 3
Grindavík.
Vikan og Hjörtur Nielsen hf.
þakka öllum þeim fjölmörgu
lesendum sem brugðu á leik
fyrir þátttökuna. □
fi NÆSTU VIKU
BRÚÐKAUP
■ FYLGST MEÐ BRÚÐKAUPI GUÐMUNDAR HRAFNKELSSONAR MARKVARÐAR OG VALDÍSAR ARNARS-
DÓTTUR ■ BRÚDARGREIDSLA | FYRSTU KYNNI ÞEKKTRA ÍSLENDINGA SEM NÚ ERU Í HJÓNABANDI
66 VIKAN ll.TBL. 1993