Bjarmi - 01.07.1992, Qupperneq 21

Þá hringdum við í Jóhannes og hann kom
strax. Við sögðum honum hvað væri að brjót-
ast innra með okkur. Hann tók Biblíuna fletti
upp í 10. kap. Rómverjabréfsins og las 8.-13.
v. Það nægði og óvissunni var eytt, að minnsta
kosti í það skiftið. Síðan báðum við saman.
Þetta er gott dæmi um það hversu fljótur hann
var að bregða við þegar sál var í nauð.
Við höfðum heldur ekki verið lengi með í
hópnum í Betaníu þegar Jóhannes og Stein-
unn buðu okkur inn á sitt kærleiksríka heimili.
Það varð sem vermireitur fyrir okkur meðan
við stigum fyrstu skref trúarinnar á Jesú.
Að lokum vil ég svo minnast þess að hann
var mikill og einlægur kristniboðsvinur. Hann
elskaði kristniboðsmálefnið og vann því allt
sem hann gat. Það má raunar segja að hann
hafi, eins og áður er að vikið, verið ólaunaður
starfsmaður Kristniboðssambandsins mest
alla tíð.
Guð blessi ástvinum hans og vinum minn-
ingarnar um hann.
Baldvin Steindórsson
B0
Sérhver kristinn maður...
salnum um kvöldið og stjórnaði henni Skúli
Svavarsson. Sigurjón Gunnarsson mælti inn-
gangsorð og bað bæn.
Ragnheiður Guðmundsdóttir flutti vitnisburð.
Hún las Jes. 41,10 og kvað það öllu öðru betra
að eiga þá fullvissu að þau hjónin færu ekki ein
út heldur væri Drottinn með þeim.
Sr. Olafur Skúlason biskup flutti ávarp. Hann
sagði að með starfi sínu hvetti Kristniboðssam-
bandið íslenska kirkju til að forðast „nærsýni“
og líta yfir höf og álfur. Hann taldi starf leik-
mannahreyfinga innan kirkjunnar vera ntjög til
hvatningar. Biskup árnaði ungu kristniboðunum
blessunar Guðs.- Laufey Geirlaugsdóttir söng
einsöng.
Hugleiðingu flutti í lokin Katrín Þ. Guð-
laugsdóttir. Hún las Hebr. 13,8, um Jesúm sem
er í gær og dag hinn sami og um aldir. Ræddi
hún m.a. um guðdóm Jesú og um kærleika hans.
Einnig vitnaði hún í Sálm. 147,15: „Hann sendir
orð sitt til jarðar, boð hans hleypur með hraða,“
og talaði um gleðina sem fyllti hjarta hennar og
manns hennar er sonur þeirra og fjölskylda hans
væru nú vígð til að fara með orð Drottins.
Margt manna var á samkomunni og þurfti að
bera inn aukastóla. Söngur var þróttmikill.
Kaffiveitingar voru að lokinni samkomunni.
Gjafir bárust kristniboðinu bæði í Dómkirkjunni
og á samkomunni og námu samskot rúmum 123
þúsund krónum. Báðar samverustundirnar voru
hátíðlegar og góður boðskapur fluttur.
Þau Ragnheiður og Karl Jónas og börn þeirra
Asta María og Gísli Davíð leggja væntanlega af
stað til Eþíópíu í lok júlí.
ALMENNA MÓTIÐ í VATNASKÓGI
„Leitið fyrst ríkis hans“
Almenna mótið verður í ár haldið 26.-28. júní, í Vatna-
skógi eins og venja er. Yfirskrift mótsins verður: „Leitið fyrst rík-
is hans“ en flestar yfirskriftir samveranna tengjast Guðs ríki á
einhvern hátt.
Fyrsta samverustundin verður á föstudagskvöld kl. 21.30 með
yfirskriftinni: „Guðs ríki er í nánd.“ Biblíulestur fyrir hádegi á
laugardegi hefst kl. 10.00 með sömu yfirskrift og mótið sjálft.
Tilhögun samverustunda seinni hluta laugardags hefur verið
breytt lítillega frá því sem verið hefur undanfarin ár. Boðið verð-
ur upp á valstundir kl. 16.00 þar sem fólk getur valið um mismun-
andi efni til að fræðast um. Kl. 19.30 verður svo fjölskyldusam-
vera og verður hún utandyra ef veður leyfír. Ætlunin er að hún
standi til kl. 20.30, en að altarisganga og vitnisburðarstund hefjist
klukkustund síðar.
A sunnudag verður guðsþjónusta kl. 10.30, kristniboðssam-
koma kl. 14.00 og mótsslit í kjölfarið og ætti dagskrá mótsins að
Ijúka um kl. 17.00 á sunnudeginum.
Lesendur blaðsins eru hvattir til að biðja fyrir mótinu. Vænt-
um þess að Guð tali til okkar og vinni sitt verk í hjörtum og lífi
þeirra sem koma í Vatnaskóg þessa daga.
Ekki þarf að skrá sig sérstaklega á mótið, nema þeir sem vilja
sofa í svefnskálum staðarins eða þurfa ferð með rútu. Mótsgestir
þurfa að greiða lítilsháttar mótsgjald, væntanlega um 600 kr. fyrir
12 ára og eldri. I því felst aðgangur að tjaldstæði, svo og að þjón-
ustu á staðnum, en mótsgjaldið er notað til að greiða fyrir leigu á
staðnum meðan á mótinu stendur.
Nánari upplýsingar um mótið eru veittar kl. 8-16 á Aðalskrif-
stofu KFUM og KFUK og SÍK við Holtaveg, sími 678899
„Arsmaður“ í Kenýu
Edda Björk Skúladóttir í Reykjavík verður sjálfboðaliði í norska
barnaskólanum í Nairóbí, höfuðborg Kenýu, í eitt ár frá næstkom-
andi hausti. Hún mun sinna þar ýmsum störfum en einkum þeim
er snerta félagsmál nemenda í heimavistinni. Edda er dóttir Kjell-
rúnar og Skúla Svavarssonar kristniboða. Hún var sjálf þrjú ár í
heimavist í þessum skóla og þekkir því vel allar aðstæður. Þrjú
börn Valdísar og Kjartans Jónssonar eru meðal nemenda í skólan-
um. Edda gerir ráð fyrir að leggja af stað til Afríku í ágúst. Bænir
kristniboðsvina fylgja henni.
9