Æskan - 01.09.1933, Blaðsíða 7
ÆSKAN
71
Orðsending.
Ennþá hafa fáir af lesendum »Æsk-
unnar« sent mér pantanir að ljóðabók
minni, en peim, sem hafa þegar gert
það, þakka eg fyrir undirtektirnar.
Eg vil nú biðja útsölumenn og aðra,
er fengið hafa áskrifla-lista, að draga
það ekki lengur, en senda mér listana
sem allra fyrst. Pótt þið haflð ekki
fengið nema 1—2 kaupendur hver, þá
látið ekki dragast að gera mér aðvart.
Kæru lesendur »Æskunnar!« Eg get
ekki trúað öðru en að eg eigi ýmsa
vini meðal ykkar, og að þið viljið
sýna það með þvi, að greiða fyrir
sölu bókar minnar og gerast sem flest
kaupendur að henni.
Bókin verður send út fyrir jól eða
ef til vill í október.
Með kærri kveðju.
Margrél Jónsdótlir,
ritstjóri.
ooooooooooooooooooooooooco
Skemmtiferð.
Pað var sólskin og blíða, annan
sunnudag í ágústmánuði. Við vorum
fjórir strákar búnir að taka okkur
saman um að við skyldum fara
skemmtiferð á reiðhjólum: Bergur
Andrésson, Gísli Andrésson, Porkell
Þorkelsson og eg, og ætluðum við að
fara hringferð, suður og austur fyrir
Meðalfellsfjall, norður yfir Reynivalla-
háls fyrir austan Sandfell, og vestur
fyrir hann að norðan.
Við lögðum af stað nokkru fyrir
hádegi, gátum við farið yfir Laxá á
plönkum, því að brúin var i smiðum.
Gekk svo allt tíðindalaust, þar til við
komum að Bugðu, en það er á, sem
rennur úr Meðalfellsvatni. Pá tók
Bergur eftir þvi, að komin var blaðra
á dekkið á hjólhestinum. Við hleypt-
um vindinum úr slöngunni og settum
bót á gatið, sem komið var á dekkið.
Nú var eftir að komast yfir ána. Það
var heldur lakara, því að engin var
brúin. Fórum við nú úr sokkunum
og óðum yfir ána, og afréðum, að við
skyldum hjóla berfættir, þangað til við
værum komnir yfir Laxá.
Pað gekk allt slysalaust. Við fórum
aftur í sokkana og hvildum okkur
góða stund, því að næsti áfangi var
hlíðin upp Reynivallaháls, og lítið
hægt að hjóla.
Þegar ofarlega kom í hlíðina nám-
um við staöar, settumst niður og
snæddum nesti okkar og skemmtum
okkur við að horfa í kringum okkur.
Við sáum fólk, sem reið um veginn
fyrir neðan okkur, og sumt var að
tína ber i hlíðinni, þvi að þar er
krökkt af berjum.
Við héldum nú áfram. Á móts við
Sandfell mættum við fjórum stúlkum
gangandi. Þær komu frá Borgarnesi
og voru á leið til Reykjavíkur. Þær
spurðu okkur til vegar að Möðruvöll-
um. Við vísuðum þeim til vegar, svo
vel sem við gátum, og héldum síðan
áfram sem leið liggur að Fossá. Það
er næsti bær fyrir neðan háisinn.
Okkur gekk allvel þangað, og kom-
um við þar og fengum kaffi. Við stóð-
um þar við i klukkutima og ræddum
við heimafólkið. Lögðum við siðan af
stað vestur með hálsinum. Þar er mjög
fallegt útsýni yfir Hvalfjörð. Við stönz-
uðum á leitinu fyrir utan Hvitanes og
virtum útsýnið fyrir okkur. Við sáum
Botnssúlur, Múla, Þyril, Þyrilsnes,
Geirshólma, sem Hörður Hólmverja-
kappi bjó i, og Harðarhól, þar sem
hann var veginn. Það er mesti hóllinn
á Þyrilsnesi. Auðvitað sáum við ótal
margt fleira.
Héldum við svo áfram út hjá
Hvammi og Hvammsvík út að háls-
enda. Þar hvíldum við okkur um stund,
áður en við iögöum upp á hálsendann.
Þegar upp var komið námum við
staðar og liorfðum á sólarlagið, það
er eitt hið fegursta, sem hægt er að
sjá, þegar sólin sezt á bak við fjöllin
eða hnígur í haf. Okkur gekk ágætlega
heim að Neðra-Hálsi, en það er bær-
inn, sunnan við hálsendann. Þar ætl-
uðum við að skilja, þvi að Bergur og
Gísli eiga þar heima. Við Þorkell stóð-
um þar dálitið við og þágum góð-
gjörðir og spjölluöum allir saman um
ferðalagið og létum vel yfir.
Kvöddum við siðan heimilisfólkið á
Hálsi og héldum heimleiðis glaðir og
kátir.
Sogni 12. febr. 1933.
Guðlaugur Jakobsson
16 ára.
ooooooooœooooooooooœoooo
Barna-kvöldsálmur.
Ó, gott er guð að lofa,
að geta og mega sofa
f sinni rekkju rótt;
við blessað ljósið bjarta
að biðja guð af hjarta
að gefa öllum góða nótt.
Svo undur gott við eigum
í auðmýkt játa megum
og þakka guði það.
En þess við megum minnast,
að mörg ein börnin finnast,
sem eiga naumast nokkurn að.
Þau fara svöng að sofa
í sinum dimma kofa
og reyna atlot ill.
Þau enginn ofan’ á breiðir,
og engin hjörtun leiðir
til guðs, er allra velferð vill.
Þótt enginn að þeim hyggi
og einmana þau liggi,
mun guð ei gleyma þeim.
Hinn hæsti himnasjóli
frá háum konungsstóli
sér alla hluti um allan heim.
Tak að þér auma, þjáða
og alla seka náða,
veit öllum þreyttum þrótt.
Og lækning veikum vertu,
og verndari’ allra sértu.
Ó, gef oss öllum góða nótt.
S. B.
oooooooooooooooooooooooooo
OO0OO0OO0O00OO00O00O00O00O
o o
° ORÐSENDINGAR g
Öllnm liinnm mörgn, sem borgun
hafa sent fyrir blaðið,færum við okkar
beztu þakkir, en því miður eru hinir
alltof margir, sem hafa ekki sent greiðslu.
Bregðist ekki þeirri skyldu ykkar
að borga þetta litla og ódýra blað
skilvislega. Skilvisin er fögur dyggð,
sem gott er fyrir börn og unglinga að
temja sér.
Ennþá einu sinni skal það tekið
fram, að ódýrast er að senda borgun
fyrir blaðið í póstávísun.
Eeir, sem liafa nnnið til verðlauna
fyrir kaupendafjölgun á þessu ári,
samkvæmt auglýsingu í jólabókinni
í fyrra bls. 24, eru beðnir að láta af-
greiðsluna vita nú þegar, hvaða verð-
launa þeir sérstaklega óska eftir.
Hin auglýstu verðlaun voru: Vasaúr,
Myndavél, Kaffistell, Lindarpenni, Blý-
antar, Skautar, Skíði, Eldri árgangar,
Sögur Æskunnar og ýmsar aðrar bæk-
ur. Herðið ykkur nú í þessum mán-
uði að safna nýjum kaupendum, þvi
aðeins vantar herzlumuninn hjá sum-
um til að ná i eitthvað af ofangreind-
um verðlaunum.
Davíð Copperfield 3. hefti kemur út
í þessum mánuði. 4. og siðasta heftið
mun koma í nóvember. Ef einhverjir
skyldu hafa gleymt að senda áskrifta-
lista sína, þá eru þeir beðnir að gera
það sem fyrst.
Ef einliverjir skyldu óska eftir að fá
Sögur Æskunnar, Ottó og Karl eða
Davíð Copperficld til sölu, þá geri
þeir afgreiðslunni viðvart sem fyrst.
Þá væri mjög gott, að þeir, sem ekki