Alþýðublað Hafnarfjarðar - 06.11.1993, Blaðsíða 2

2 Alþýðublað Hafnarfjarðar
Alþýðublað
Hafnarfjarðar
Strandgötu 32, 220 Hafnarfirði
Útgefandi: Alþýðuflokkurinn í Hafnarfirði
Ritstjóri og ábyrgðarmaður: Tryggvi Harðarson
Ritstjórn, auglýsingar og dreifing;
símar: 50499 og 54312
Prentun: Steinmark
Afram Hafnarfjörður
Núna á miðvikudaginn var haldin ráðstefna á
vegum bæjarins um atvinnumál undir yflrskriftinni
Áfram Hafnarfjörður. Ráðstefnan tókst einstaklega
vel og var gríðarlega fjölsótt. Vel á annað hundrað
manns sóttu ráðstefnuna sem haldin var í framhaldi
af atvinnusýningunni Vor '93. Það er greinilega
hugur í Hafnfirðingum þrátt fyrir þá erfiðleika sem
hafa sett svip sinn á íslenskt atvinnulíf að undan-
förnu.
A ráðstefnuninni kom fram greinilegur vilji til
aukinnar samvinnu allra aðila vinnumarkaðarins
með það fyrir augum að bæta atvinnuástandið.
Ljóst er að sýningin Vor '93, þar sem hafnfirskt
atvinnulíf var kynnt, skilaði verulegum árangri og
jók mönnum þrótt og þor. Það sem skiptir þó mestu
máli er sá vilji sem fram hefur komið til að vinna
áfram að eflingu og uppbyggingu atvinnulífs í
Hafnarfirði. Þannig má segja að atvinnumálaráð-
stefnan Áfram Hafnarfjörður hafi veriö upphaf að
frekari sókn en ekki neinn lokapunktur þess sem
þegar hefur verið gert.
Aldrei aftur svefnbær
Á undanförnum árum hefur orðið mikil breyting í
Hafnarfirði hvað atvinnulíf varðar. Undir stjórnar-
tíð sjálfstæðismanna á árum áður var Hafnarfjörð-
ur á góðri leið með að breytast í svefnbæ. Fólk úr
Hafnarfirði var farið að sækja flest það sem fellur
undir menningu og listir eða skemmtan til höfuð-
borgarinnar. Miðbærinn hafði koðnað niður og
verslun hvers konar og þjónusta átti í vök að verj-
ast. Á þessu hefur orðið mikil breyting eftir að Al-
þýðuflokkurinn tók við forystu bæjarmála fyrir
tæpum átta árum.
Nú sækja margir til Hafnarfjarðar til að njóta þar
menningar og lista auk ýmis konar þjónustu. Heim-
amenn þurfa ekki lengur að halda til höfuðborgar-
innar ætli þeir á kaffihús eða út að skemmta sér.
Hafnarfjörður hefur verið að breytast aftur í alvöru
bæjarfélag. Þótt miklar breytingar hafi átt sér stað í
þessum efnum eru enn ótal verkefni framundan.
Eitt þeirra lykilatriða sem gerir bæjarfélag að
alvöru bæ er öflugur miðbær. Nú eiga sér stað
miklar framkvæmdir í miðbæ Hafnarfjarðar bæði
af hálfu bæjaryfirvalda og einstaklinga. Með þeim
er verið að leggja grunninn að aukinni verslun og
þjónust í Hafnarfirði. Alþýðuflokkurinn í Hafnar-
firði hefur staðið fyrir eflingu miðbæjarins og
markvisst stuðlað að fjölbreyttara mannlífi í Hafn-
arfirði. Hafnarfjörður má aldrei lenda í því fari
aftur, að breytast í svefnbæ eins og átti sér stað á
stjórnarárum sjálfstæðismanna.
Sól og Sæla í miðbænum
Við vildum hvergi
annars staðar vera
„Það á eftir að verða rosalega
flott hérna en þegar búið að gera
mikið við að lagfæra og snyrta
umhverfið hér í miðbænum”,
sagði Arni Stefánsson í Sól og
Sœlu í spjalli við Alþýðublað
Hafnarfjarðar. Hann segir að
reksturinn hafi gengið injög vel.
Hann hafi ekki getað merkt að
þær framkvæmdir og það rask
sem ætti sér stað í miðbænum
hefði haft nokkur áhrif þar á.
Miklar framkvæmdir eru nú í
miðbæ Hafnarfjarðar. Ný hús eru að
rísa eða þegar risin. Eitt
þeirra er að Fjarðargötu
11 en þar er nú að finna
bakarí, pizzastað, osta-
búð og sólbaðstofu.
Sólbaðstofuna, Sól og
Sœlu, eiga og reka þau
Árni Stefánsson, Helga
Sveinsdóttir, Helgi
Gunnlaugsson og Lauf-
ey Hrönn Jónsdóttir.
Þeir Heigi og Árni
sögðu aðspurðir, að þeir
hefðu ekki verið neitt
smeykir við að hefja
starfsemi sína í nýjum
miðbæ í Hafnarfirði.
„Við vildum hvergi ann-
ars staðar vera” sögðu
þeir og að staðarvalið
hafi verið niðurstaðan að
vel athuguðu máli. Þeir Ami
sögðust ekki sjá eftir því.
Sól og Sœla opnaði í febrúar sl.
Húsnæðið var sérhannað fyrir þá
starfsemi sem þar er nú til húsa og er
einkar skemmtilegt og opið. Það er
opnað snemma á morgnana í Sól og
Sœlu eða klukkan hálfátta og segja
þeir félagar að meiri aðsókn sé í
tímanna fyrir vinnutíma á morgnana
en á kvöldin.
Sól og Sœla en meira en bara
sólbaðsstofa. Þar eru að sjálfsögðu
sólarbekkir af nýjustu og bestu gerð.
Auk þess býður staðurinn upp á
nudd og Trimform og þar er að finna
snyrtistofu. Trimform er nokkurs
konar rafmagnsnudd þar rafstraumur
er notaður til að fá vöðvana til að
vinna. Sögðu þeir Ámi og Helgi að
það væri sérstaklega hentugt fyrir
feitt fólk til að byggja sig upp og
einnig þá sem væru mjög grannir.
Að lokum kváðust þeir Árni og
Helgi vera þakklátir fyrir hversu vel
fólk hefði tekið þeim og fyrirtæki
þeirra. Þeir litu því björtum augum á
framtíðina.
í Sól oy Sælu viS trimformtœkiií sem gefur frá sér rafstuS og fær þannig vöSvana til aS vinna
CHANEL KTNNING
Fimmtudaginn 11. okt.
og föstudaginn 12. okt.
Hægt er að panta tíma
hjá snyrtifræðingi
í síma 52615
Alþýðuflokksfélöginn í Hafnarfirði munu standa að
sameiginlegri Árshátíð laugardaginn 20. nóvember í
Hraunholti við Dalshraun.
Allt Alþýðuflokksfólk og stuðningsmenn flokksins
eru velkomnir á árshátíðina
sem hefst klukkan 20:00 stundvíslega.
Boðið verður upp á þríréttaða máltíð
og ýmiskonar skemmtiatriði.
En umfram allt er ætlast til að fólk skemmti sér sjálft.
‘V’erð aðeiits kr. 1900
Tilkynna þarf þátttöku eigi síðar
en þann 15. nóvember í síma 51920 eða 50499