Kirkjublað - 15.06.1934, Side 4

164
KIRKJUBLAÐ
Séra Davíð Guðmundsson kvæntist 19. júní 1860
Sigríði Ólafsdóttur timburmeistara Briem á Grund í
Eyjafirði. Var það frábær kona, glæsileg í sjón og raun.
Hún andaðist á Hofi 2. nóv. 1920 í hárri elli, virt og
elskuð af öllum. Þeim hjónum varð 14 barna auðið, en
aðeins 5 komust úr æsku:
1. Ólafur, f. 26. febr. 1862, fræðimaðurinn alkunni,
drukknaði í Hörgá 6. sept. 1903.
2. Ragnheiður, f. 23. nóv. 1864, átti Stefán alþingis-
mann í Fagraskógi Stefánsson prests Árnasonar, er
fyrr gétur. Meðal barna þeirra er Davíð skáld.
3. Guðmundur, f. 22. jan. 1866, hreppstjóri á Hraun-
um í Fljótum, kvæntur Ólöfu Einarsdóttur, bónda
á Hraunum, Guðmundssonar.
4. Valgerður, f. 4. nóv. 1874, og
5. Hannes, f. 4'. nóv. 1884, er búa saman á Hofi, föð-
urleifð sinni.
Sunnudaginn 17. júní er ákveðið, að aldarafmælis
séra Davíðs verði minnst við opinbera guðsþjónustu í
hinni gömlu kirkju hans að Möðruvöllum. Með því vilja
söfnuðirnir, sem lengst nutu hins blessunarríka starfs
hans, votta viðurkenning sína og þökk. Því enda þótt nú
séu bráðum liðnir þrír tugir vetra frá andláti „prófasts-
ins á Hofi“, skyggir'enn ekkert á minningu hans ,,í hug-
túnum fólksins, sem var í hans sveit“.
Slík eru laun trúrrar þjónustu góðra manna.
Möðruvöllum í Hörgárdal, á Dýradag 1934.
Sigur&ur Stefánsson.