Trú - 01.01.1906, Qupperneq 8

88
T R U.
Draumur
■
Fyrir nokkrum árum var hér staddur Einar Jochumsson,
bróðir mannsins míns, Eggerts, og las upp fyrir okkur hjón-
unum part úr fyrirlestri, er hann var þá að taka saman og
skrifa og nefndi í honutn heilaga ritningu, er hann kallaði
„ruslakistu".
Nafn þetta féll mér mjög leiðinlega í geð, og get
eg ekki slept því úr huga ntér. En nóttina 14. jan. 1903
dreymdi mig svohljóðandi draum: Mér þótti Einar Jochum-
son vera staddur hérna í húsi okkar uppi á loftinu. Þá þótti
mér maður koma í alhvítum klæðum upp a loftið mcð kassa
á sfærð við meðallagi stóran ferðakistil. A lokið voru letruð
orðin: „Ritning, ruslakista 1 ‘‘ Kistuna eða kassann bar hann
mjög léttilega í hægri hendinni og hélt í hring eða hanka
upp úr lokinu, Maðurínn var fríður og blíðlegur á svipinn.
Hann tók þannig til máls. „Skoðaðu nú hvað er í rusla-
kistunni, Einar!" — Maðurinn benti mér að koma líka, og
fór eg og staðnæmdist við hlið hans til að vera sjónarvottur
að því, sem í kassanum væri, eins og mér virtist hann ætl-
ast til. Þá réttir hann að Einari lykil og segir honum að
opna kassann. Einar tók við lyklinum þegjandi og lýkur upp.
Þá er innan í lokið skrifað þetta: „Rannsakið ritningarnar".
Maðurinn sagði Einari, að kassinn væri með 3 hólfum, þ. e.
skift í tvo hluti að ofan um þvert, og leynihólf undan hin-
um tveimur. Yfir því hólfi, er hann sagði Einari að opna
fyrst, var svart' klæði, og undir því snjóhvítt klæði. Þegar
hvíta klæðið var tekið burtu, var ljómandi bjart að sjá ofan
i hólfið, sem alt var logagylt að innan. I hólfinu var blóm-
krans úr skýra gulli, er nær því náði upp að börmum, Og
innan í blómhring þessum var stórt „nista" úr skíru gulli og
var letrað á það með hvítu letri tvö orð, sem mér í fyrstu
fanst eg ekki glögt geta lesið, en þegar eg hafði litið til
mannsins, sem hjá mér stóð, gat eg vel lesið þau. „Eilífur
veldissproti" voru þessi orð. (Framh.).
Prentuð í prentsmiðju Þjóðólfs 1905,