Templar - 10.11.1912, Blaðsíða 3

TEMPLAR.
67
Frá stúkunum.
Reykjavikurstúkurnar eru nú farnar að
starfa með fullu fjöri. Sumar hafa tekið
inn nýja fólaga. Þær hafa sumar sett á
fót. skemtiflokka og undirbúið fræðandi
fyrirlestra og uppiestra á fundum sínum,
söng og hljóðfæraslátt o. þ. h.
Umdæmisstúkan nr. 1 heldur aðalfund
sinn núna í þessum mánuði (síðasta laug-
ardag) í G.-T.-húsinu í Reykjavík. Stúk-
urnar eru farnar að kjósa fulltrúa t.il þess
að taka sæti i Umdæmisstúkunni næsta
ár. Áliir Templarar, sem hafa umd.st.stig,
eiga að mæta á fundinum. Þar fer fram
stigveiting og ættu sem flestir, er rétt hafa
til stigs, að sækja um það í t.íma. Embm.
Umdst. hafa undanfarið verið að heimsækja
stúkurnar og leiðbeina og vekja máls á
ýmsum áhugaefnum starfinu viðvíkjandi.
Brú nr. 168 (yngsta stúkan á landinu)
er nú komin alveg á laggirnar og fer úr
þessu að starfa af fullu kappi. Hún hefir
eignast alt hið nauðsynlegasta, sem stúka
þarfnast, til þess að geta starfað. Útlitið
er mjög gott með framtíð hennar og áhrif.
Hafnarfjarðarstúkurnar héldu fagnaðar-
samkomu sunnudaginn 3. þ. m. fyrir alla
þá félaga sína, er fjarverandi hafa verið í
sumar, annaðhvort í sveit eða á sjó. —
Aðalræðuna hélt br. síra Jens próf. Páls-
son i Görðum. Var það ágæt viðvörunar-
og hvatningarræða. -Ýmsar fleiri ræður
voru haldnar. Samkoman var hin ánægju-
legasta. Stúkurnar í Hafnarfirði eru nú
teknar til starfa með fullu fjöri og kappi.
ísafjarðarstúkurnar eru fyrir nokkru
teknar til starfa eftir sumardvalann og farn-
ar að hugsa um móttöku stórstúkuþings-
ins næstkomandi vor.
Haandbog i Alkoholspörgsmaalet er ný-
útkomin í Danmörku eftir Larsen-Ledet,
ritstjóra 1 Árósum. Útgefandi er „Stór-
stúka Danmerkur" af I.O.G.T. — Tilgang-
ur bókarinnar er að bæta úr hinni miklu
vöntun á stuttum og greinilegum upplýs-
ingum og sönnunum viðvíkjandi hinum
ýmsu hliðum áfengismálsins. Það verður
ekki annað sóð, en höf. hafi tekist það
mætavel. Að sjáifsögðu er bók þessi aðal-
lega sniðin fyrir danska notendur og þess
vegna er þar gerð frekari grein fyrir dönsk-
um ástæðum og sérstaklega iögð áherzla
á þær. En eigi að síður eru þar athug-
anir viðvikjandi mörgu útlendu, sem al-
staðar á við og getum við sérstaklega fært
okkur í nyt það sem þar er sagt. — Bókin
er 92 bls., auk titils, formála og efnisyfir-
lits. — Hún kostar 1 kr., séu keypt 5 eint.
minst, þá 80 aura eintakið. — Bók þessa
ættu allir, sem áhuga hafa á þessu máli,
að kaupa, því hún verður þeim ómetan-
legur ieiðarvísir sem málsvara bindindis-
og bannmálsins.
Bókin fæst hjá:
I.O.G.T.s Sekretœriat, Aarhus, Danmark.
Einfalt lif eftir C. Wagner. Jón Jakobs-
son þýddi. Útgef. Sigurður Kristjánsson.
— Eins og nafnið bendir til, er efni bók-
arinnar að benda á hætturnar, sem þjóð-
unum eru búnar með hinu margbrotna,
hóflausa og eirðarlausa lifi og um leið bendir
hún svo glögt og greinilega á, í hverju hið
einfalda, holla líf sé innifalið. Hún ræðst
hispurslaust á gallana og segir til synd-
anna; en alt er þetta þrungið af hugarþeli
og sönnum velvilja.
Þar er áfengisdrykkjan tekin til athug-
unar, eins og alt. annað, sem miður má
fara og er höf. þar ekki myrkur í máli,
fremur en i öðrum atriðum. Lýsir hann,
hversu voðalega truflandi áhrif hún hefir
á heilbrigt líf manna og þjóðarinnar í heild
sinni.
Ymsar skoðanir koma fram í bókinni,
sem maður sér ekki allajafna; er hór ekki
rúm til að athuga það nánar, enda þótt
bráð nauðsyn bæri til að undirstryka þær.
Víðast hvar er framsetningin glögg og
greinileg og hugtökum lýst vei, en þó
bregður fyrir of miklum lærdómsblæ á stöku
stað, sem tefur fyrir skiiningi óbreyttra
leikmanna á efninu, svo þeir muni þurfa
að lesa þá kaflana oft.ar en einu sinni til
þess að hafa þeirra full not.
Bókin hlýtur að vera kærkomin öllum
sönnum endurbótavinum og nauðsynleg
hugvekja öllum, eldri og yngri.
Ytri frágangur bókarinnar er látlaus og
smekklegur.
Miklar þakkir eiga þeir þvi, þýðandi og
útgefandi, fyrir að hafa fært okkur þessa
góðu bók.
Frá útlöndum.
Br. Torn Wing hefir skrifað grein í „Inter-
national Good Templar" um áhrif Good-
Templara-Reglunnar hér á landi. Er þar
margt vel sagt og mun „Tpl." birta síðar
ágrip af greininni.
Ölframleiðsla heimsins er taiin að hafa
verið árið 1910—11 hér um bil 300 miij.
hektólítra. Framleiðslan skiftist þannig á
hin ýmsu iönd, talið í þúsundum hektólítra.
Bandaríki N.-A. . . . 74,231
Þýzkaland 69,709
Stóra-Bretland .... 58,777
Austurríki og Ungverjal. 25,628
Frakkland 17,942
Belgía 17,052
Rússland. 10,897
Sviss . . 3,050
Danmörk 2,663*
Svíþjóð . 2,641*
Ástralía . 2,382
Holland . 1,950
Kanada . 1,879
Argentina 1,080
Chile . . 800
Ítalía . . 598
Brasilía . 590
Noregur . 450*
Af öðrum löndum nær ekkert 500,000
hektólitrum.
* Talan sýnir alla áfenga maltdrykki.
Svertingjarnir mótmæla áfengisverzlun
hvítra manna. Á bindindisfundi, eem ný-
lega var haldinn í Oxford, hélt mr. John
A.bbey ræðu. Hann hefir verið um mörg
ár í Suður-Afríku. Hann gat þess, að
margir hinna innfæddu höfðingja hefðu
mótmælt harðiega innflutningi og sölu áfeng-
is í lönd þeirra af hvítum mönnum. Höfð-
ingi nokkur, sem hefði leyft verzlunarmanni
einum landvist, hefði tekið af honum rétt-
inn, þegar hann varð þess var að hann
seldi áfenga drykki. Sendinefnd höfðingja
hefði eitt sinn farið á fund Viktoríu drotn-
ingar og óskað þess, að lönd þeirra yrðu
vernduð gegn freistingum þeim, sem áfeng-
isverzlunin hefir í föi með sér, því þeir vildu
ekki að þjóðir þeirra yrðu jafn-spiltar og
hinir áfengisdrekkandi hvítu menn.
Rómverska konan.
Saga eftir Paul Ileyse.
(Framh.).
Ég dróst aftur að legubekknum, en niáttlit-
ill var ég 1 meira lagi. Ég varð samt að seðja
forvitni mína og leit mn í hliðarherbergið.
Það var eins og lítil borðstofa á að llta, þar
sem ekki haíði verið breitt á borð mánuðum
saman. Fagurlega gullskreytt fóður var á
veggjunum, blá silkitjöld fyrir gluggum, lltið
matarborð var þar með ýmsum munum á,
öllum á ringulreið, og engar myndir voru þar
á veggjum. Stór, rykugur blómskúfur var í
illa gerðu skrautkeri úr mjólkursteini. Þar
stóð stráriðin flaska með víni og á diski var
afgangur af morgunverði — alt bar þetta vott
um hirðuleysislega ftalska búsýslu. Dyr voru
lfka til hægri handar. Ég gerðist svo djarfur
að opna þær og leit þar inn í herbergi sem
var alveg gluggalaust; en svolftil ljósglæta
barst inn í það í gegn um glerhurð, sem lá
út að ganginum. Hér var jafn-hryssingslegt
um að litast, eins og á bak við tjöld á leik-
sviði, sem átti að sýna fursta-bústað. Ég varð
fyrst að venjast dimmunni áður en ég gæti
aðgreint það sem var inni í herberginu. Út
við þilið var óyfirbreitt rúm og á miðju gólfi
var kringlótt borð, dúklaust, og hjá því stóðu
tveir strástólar. Þar var lítilfjörlegt þvotta-
borð og í horninu hékk helgimynd og fyrir
framan hana var daufur, rauðleitur ljósblossi
— það var alt og sumt.
í einu vetfangi varð ég mjög sorgbitinn án
þess þó að geta gert mér grein fyrir af hverju.
Ég hafði séð nægilega mörg ítölsk heimili til
þess að fá vitneskju um það, að jafnvel hinar
ágætustu greifa- og hertogafrúr, sem létu aka
sér í skrautlegum vögnum og voru klæddar
fegursta Parfsar-skrúði, höfðu svo lítilfjörlega
umgengni heima fyrir, að jafnvel engin iðn-
aðarmannskona í Þýzkalandi hefði gert sig á-
nægða með slíkt. í Suðurlöndunum lifa menn
fyrir götuna og á götunni. Hvers vegna ávft-
aði ég með sjálfum mér stórhuguðu konuna,
sem frelsaði mig, hina miskunnsömu systur
mína, fyrir það, að hún hefði ekki þá hæfi-
leika, sem húsmóðir hjá Norðurlandabúum er
gædd?
Hjá móður sinni hafði hún áreiðanlega ekki
tamið sér smekk fyrir heimilisþægindum, henni,
sem altaf var svo drusluleg til fara. í gegn
um hurðina með rúðunum sá ég gömltt kon-
una við vinnu sína frammi f eldhúsinu. Það
var vel til þess fallið að vekja tortryggni gagn-
vart öllu, sem kom úr þessum sótugu hlóðum.
Stór fressköttur nuddaði sér upp við hana og
alls konar undarlegar hugsanir fæddust í heila