Þjóðmál - 03.05.1971, Blaðsíða 2

2
Þ J 0 Ð M Á L
i U1111111 ■ 1111111111111111 ■ 111111111111111111111111 i 1111111111111111111111111111111111B1111 ■ I Ml
Útgefandi:
Samtök frjólslyndra í Vestmannaeyjum.
E Ritstjórn: Jón Kristinn Gíslason
Dr. Bragi Jósepsson (ób.)
Pósthólf 173 |
5 Afgreiðsla: Bjarni Bjarnason, Heiðarvegi 26, =
símar 1253 og 2225
= Auglýsingar: Hafdís Daníelsd., Höfðavegi 23, sími 1529 E
Prentstofa G. Benediktsson, Bolholti 6, Reykjavík.
iTi ■ i m 11111111111111 ■ 1111111111 ■ i ■■ 111111111111111111 ■ 1111111 ■ 11 ■ 11111111111 ■ 1111111111 ■ 1111 nTi
Fall Karls er kjafts-
högg á Gylfa
Þær raddir verða nú æ háværari, sem tala um, að þessi
ríkisstjórn verði að falla, að hún sé búin að vera of lengi
við völd. Þetta er nú allt satt, en það sem mun sennilega
hafa mest að segja er, að menn eru yfirleitt orðnir leiðir á
þessum ráðherrum. Það er til dæmis alveg augljóst, að ef
þessi ríkisstjórn heldur meirihluta sínum eftir þessar kosn-
ingar, munum við enn sitja uppi með væmnasta fyrirbærið
í íslenzkri stjórnmálasögu, Gylfa Þ. Gíslason. Karl Guðjóns-
son hefur nú gengið á mála hjá þessum manni, sem með
stanzlausri íhaldsþjónustu hefur leitt Alþýðuflokkinn út í
slíkar ógöngur, að hann mun að öllum líkindum fá minna
atkvæðamagn í Reykjavík, en hinn nýstofnaði flokkur, Sam-
tök frjáislyndra og vinstri manna.
ögæfa Alþýðuflokksins liggur einmitt í því, að hafa látið
blekkjast af smjaðurrödd þess manns, sem meira er tengdur
orðinu hentistefna en nokkur annar maður í þessu landi.
ýmsir munu hafa haldið að úrsögn Karls Guðjónssonar úr
Alþýðubandalaginu hafi stafað af því, að hann hafi verið
órétti beittur af Þjóðviljaklíkunni, og ekki er útilokað, að
svo hafi verið. Hitt dylst svo engum, að stökk Karls Guð-
jónssonar inn í óháð framboð á vegum Alþýðuflokksins er
ekkert annað en trúðleikur, þar sem Karl Guðjónsson leikur
eftir snúrum Gylfa Þ. Gíslasonar. Þeir Alþýðuflokksmenn,
sem í einlægni trúa á jafnaðarstefnuna eiga því í eitt skipti
fyrir öll að gefa Gylfa Þ. Gíslasyni verðuga ráðningu með
því að hafna Karli Guðjónssyni.
Samtök frjálslyndra og vinstri manna eiga nú vaxandi
fylgi að fagna um allt land. Með kosningu eins fulltrúa í
Reykjavík ætti að vera hægt að tryggja flokknum fjóra
þingmenn, og þar með er stjórnin fallin. Samvinna við Al-
þýðuflokkinn eftir kosningar er mjög æskileg. Á hinn bóg-
inn er alveg útilokað að hafa nokkra samvinnu við þann
flokk, meðan Gylfi Þ. Gíslason ræður þar húsum. Sam-
einumst því um að gefa Karli Guðjónssyni og Gylfa slíka
ráðningu, að þeir muni lengi muna, og með því stuðla að
einingu allra sannra jafnaðar- og samvinnumanna á Islandi.
Skoðanakúgun
— úrelt flokkakerfi —
Ungir framsóknarmenn hafa nú um langan tíma barizt
fyrir auknu lýðræði innan flokks síns og fyrir skýrari og
afdráttarlausari stefnu Framsóknarflokksins í landsmálum.
Þeir hafa gert tilraunir til að fá hina lokuðu flokksvél opn-
aða, fá klíkuvaldið afnumið og fá meiri áhrif fólksins á
ákvarðanatökur. Þeir hafa krafizt þess af forystu sinni, að
hún ræki stjórnmálastefnu, sem væri í þágu fólksins í land-
inu, í þágu atvinnustéttanna, í þágu fólksins í samvinnu-
félögunum út um allt land.
Þessar kröfur og tillögur ungi'a framsóknarmanna um
endurbætur á flokksskipan og stefnu Framsóknarflokksins
eru í fullu samræmi við þær grundvallarhugsjónir, er skópu
Framsóknarflokkinn. Samt sem áður hefur forystuklíka
flokksins daufheyrzt við óskum nýrra tíma. Hún hefur
færzt undan í flæmingi, lofað einu í dag og öðru á morgun,
Áskorun
1 beinu framhaldi af fundargerð Sundlaugarnefndar hinn
21. janúar 1971 þar, sem til umræðu voru fullnaðarteikning-
ar væntanlegrar sundhallar o. fl. vilja forsvarsmenn undir-
ritaðra félagasamtaka og stofnana skora á bæjarstójrn Vest-
mannaeyja og bæjarstjóra að hraða þessu verki eins og
unnt er.
Ennfremur viljum við eindregið taka undir áskorun Sund-
laugarnefndar í 4. lið fundargerðar þar, sem segir:
„Nefndin samþykkir að skora á bæjarstjóra að hefja
samninga við Menntamálaráðuneytið varðandi byggingar-
framkvæmdir strax og nauðsynlegar teikningar liggja fyrir
og freista þess að fá undanþágu ráðuneytisins til bygging-
arframkvæmda og hefja síðan framkvæmdir eins fljótt og
unnt reynist".
Skorum við á bæjarstjórn að hefja byggingarframkvæmd-
ir strax nú í sumar við grunn byggingarinnar eins og arki-
tektinn álítur að sé framkvæmanlegt, þó að fullnaðarteikn-
ingar, ásarnt verklýsingu verði ekki tilbúnar fyrr en í
ágúst.
F.h. S.V.D. Eykyndills, Anna Halldórsdóttir.
F.h. Kvenfél. „Líknar“, Anna Þorsteinsdóttir.
F.h. Skipstjóra- og stýrimannafélagsins Verðandi,
Guðjón Pálsson.
F.h. Sjómannafélagsins Jötuns, Jónatan Aðalsteinsson.
F.h. Vélstjórafélags Vestm., Magnús Jónsson.
F.h. Sjálfsbjargar, Gísli Bryngeirsson.
F.h. G. í V., Eyjóifur Páisson.
F.h. Stýrimannaskólans í Vestmannaeyjum,
Guðjón Ármann Eyjólfsson.
F.h. Í.B.V., Stefán Runólfsson.
F.h. Barnaskólans í Vestmannaeyjum, Reynir Guðsteinss.
F.h. Vélskóla tslands í Vestmannaeyjum,
Jón Einarsson.
BROSTNAR HUGSJÓNIR —
Framhald af bls. 1.
land. Nei, aðalatriðið er hitt, hvort
bjóðfélagið hafi mótazt í anda
jafnaðarstefnunnar. Hafa draumar
jafnaðarmanna um frelsi, jöfnuð,
lýðræði, öryggi, réttláta tekju-
skiptingu og lífshamingju einstakl-
inganna rætzt? Hvað hefur Al-
þýðuflokkurinn lagt til þessara
mála á síðasta áratug? Hverju
hefur hann um þokað? Hér á eft-
ir skal drepið á örfá atriði.
Lýðræði — eða hvað?
Lýðræðishugtakið þenst stöðugt
út, en á Islandi hefur það að
mestu staðið í stað. Atvinnulýð-
ræði, skólalýðræði, stjórnunarlýð-
ræði og menningarlýðræði eru
nánast ókunn fyrirbæri hér á
landi. Hins vegar hefur ein teg-
und lýðræðis blásið út eins og
fýsibelgur. Það er peningalýðræð-
ið. Enginn lagasetning er til um
starfsemi stjórnmálaflokka er
tryggi, að peningaráðin ein ráði
ekki úrslitum í kosningum. Og
flokkarnir hafa með fullri þátt-
töku Alþýðuflokksins komið sér
upp tryggingarkerfi í ríkisbönkun-
um með því að skipta með sér
bankastjórum þeirra. Samtrygging
gömlu flokkanna stendur gegn
lýðræðisþróuninni.
Svikari viö málstað
alþýðunnar
Alþýðuflokkurinn er sprottinn
upp úr jarðvegi verkalýðsbarátt-
unnar, hinni knýjandi nauðsyn
hins vinnandi manns til að heimta
rétt sinn og brauð frá íhalds-
sömum atvinnurekendum og arð-
ræningjum. Nú hefur hann svar-
izt í fóstbræðralag með Sjálf-
stæðisflokknum, ílokki auðmagns-
ins. Niðurlægingin er fullkomin.
Óðum þverra ítökin í verkalýðs-
hreyfingunni, enda stóð Alþýðu-
flokkurinn að því í ríkisstjórn á
s.l. ári að lækka kaup verkalýðs-
ins með lagaboði um 3%, þrátt
fyrir eindæma gott árferði, aukin
aflabrögð og verð útflutningsaf-
urða í toppi. Getur Alþýðuflokk-
urinn lengur talizt flokkur verka-
lýðs og launþega?
Engu komið fram —
í eldhúsdagsumræðunum vék
Gylfi Þ. Gíslason einkum að fram-
tíðarverkefnum 8. áratugarins í
íslenzkum stjórnmálum, ræddi um
markmið og leiðir. Af vörum hans
streymdu lykilorð jafnaðarstefn-
unnar: frelsi, jafnrétti, öryggi,
þroski, hamingja, fegurra mann-
líf o.s.frv. En Gylfi getur varla
vænzt þess að hann sé tekinn al-
varlega eftir að hafa haft aðstöðu
í 12 ár í ríkisstjórn til að þoka
áleiðis einhverju af þessum mál-
um. Hvernig er þjóðfélagið undir
forystu hans? Andi samkeppnis-
þjóðfélagsins ríkir, fjórar geng-
isfellingar á s. 1. áratug, gróða-
brall og óðaverðbólga. Verkamað-
ur vinnur hér lengri vinnudag og
ber minna úr býtum en í nokkru
öðru landi á Vesturlöndum. Hann
þarf að standa í lengri verkföllum
en annars staðar þekkist til að
reyna að halda örlítið í við verð-
bólguna. Sumir eiga að vísu fín
hús og fína bíla, en jafnaðar-
menn telja að fegurra mannlíf sé
fyrir alla, og á meðan Alþýðu-
flokkurinn situr í ríkisstjórn, sem
er andstæð verkalýðnum, getur
ekki verið um neina jafnaðar-
stefnu að ræða. Um ræðu Gylfa
hefði verið sagt i minni sveit:
„Það sjá augun sízt, sem nefinu
er næst!“
Kjölturakki auðvaldsins.
Alþýðuflokkurinn er nú flokkur
á flótta frá stefnuskrá jafnaðar-
mennsku og hugsjónum. Hann er
fullgildur aðili 1 úreltu spilltu
samvinnutryggingarkerfi gömlu
flokkanna. Hann vísar ekki leið-
ina, eins og jafnaðarflokkum ber
að gera. Hann eltir flokk auðstétt-
anna eins og þægur rakki. Völd-
in eru honum fyrir öllu og í krafti
þeirra kemur hann fyrir flokks-
mönnum sínum á ríkisjötuna. En
hversu lengi tekst honum að
bjarga sér á flótta?
Hvað er til ráða?
Ef Alþýðuflokkurinn hefði ver-
ið trúr stefnu sinni og hugsjón-
um, hefði Samtök frjálslyndra og
vinstri manna aldrei verið stofn-
uð, en meginverkefni þeirra er að
rjúfa staðnað flokkakerfi og sam-
eina jafnaðarmenn og samvinnu-
menn í einum flokki. Þess vegna
er meginatriði, að Alþýðuflokkn-
um verði refsað í næstu alþingis-
kosningum með fylgistapi, því að
það er hið eina sem flokksstjórn
hans skilur. Um leið verður að
efla Samtök frjálslyndra og vinstri
manna. Þá opnast leið að lang-
þráðu takmarki: að sameina lýð-
ræðissinnaða jafnaðarmenn og
samvinnumenn í einum öflugum
flokki, sem geti ráðið stefnunni í
þjóðmálum á komandi árum og
áratugum.
en allt svikið. Hún hefur haldið áfram á sinni íhaldssömu
braut, borið kápuna á báðum öxlum, já-já-nei-nei hefur
verið hennar kjörorð.
Það er því ekki óeðlilegt, þótt hinir ungu menn séu nú
orðnir gramir og leiðir. Það er ekki óeðlilegt, þótt rótleysi
og los sé komið á þessa menn og þeir hafi nú hafið beina
og opna baráttu gegn forystu flokks síns.
Ungir framsóknarmenn hafa lagt fram róttækar og á-
kveðnar tillögur um sameiningu vinstri aflanna á Islandi.
Þessum tillögum hefur Framsóknarforystan vísað á bug
með þeim einum rökum, að vandamál vinstri hreyfingar á
Islandi verði bezt leyst með því að fylkja sér um Fram-
sóknarflokkinn!!!
Enginn íslenzkur stjórnmálaflokkur hefur tekið undir
hinar sjálfsögðu kröfur um endurskipulagningu vinstri
aflanna nema Samtölc frjálslyndra og vinstri manna- Þau
hafa þessa endurskipulagningu sem einn megingrundvöll
tilveru sinnar og aðalmarkmið. SFV vilja með þessu mark-
miði ekki aðeins höfða til ungra framsóknarmanna, þau
vilja höfða til allra einstaklinga innan íslenzkrar vinstri-
hreyfingar, sem ekki vilja áfram lúta flokksklíkum og
flokksvélum úreltra flokka. 1 vor velja vinstri menn því
aðeins um tvennt: Áframhaldandi flokksræði og skoðana-
kúgun, eða nýja íslenzkra vinstrihreyfingu, byggða upp á
nútímalegum vinnubrögðum og heilbrigðum hugsjónum. Sú
völ verður ekki erfið þeim, sem eitthvað vilja um stjórnmál
hugsa. En ani menn áfram til þessara kosninga með sama
hugsunarleysinu og áður, verður engu breytt.