Tímarit lögfræðinga - 01.08.1980, Side 25

anna um „aktieselskaber“. Hætt er þó við, að munurinn eigi eftir að
aukast, þar sem ljóst er, að aðild Dana að Efnahagsbandalagi Evrópu
kemur til með að hafa margvíslegar breytingar í för með sér á lög-
um um „aktieselskaber". Ástæðan er sú, að stjórn Efnahagsbanda-
lagsins leggur ríka áherslu á að samræma lagareglur aðildarríkjanna
um stór fyrirtæki, einkum végna fj ölþj óðlegra fyrirtækja, sem flest
hafa valið rekstri sínum hefðbundið hlutafélagsform (,,aktieselskab“),
enda er það rekstrarform eðlilegt í löndum, þar sem kauphallarvið-
skipti þrífast. Breyting á rekstri fyrirtækja úr „aktieselskab" yfir í
„anpartsselskab“ er tiltöluléga auðveld. Því má ætla, að mörg dönsk
fyrirtæki muni grípa til þess ráðs, verði reglur Efnahagsbandalagsins
of strangar og íþyngjandi.
Hér á eftir verður getið nokkurra atriða, sem er skipað á annan
hátt í „anpartsselskab“ heldur en í „aktieselskab".
Upphæð hlutafjár
Upphæð hlutafjár í „aktieselskab“ skal minnst vera 100.000.— dkr.,
en í „anpartsselskab" er lágmarkið 30.000.— dkr. Samkvæmt íslensku
hlutafélagalögunum skal hlutaféð vera 2.000.000.— kr. hið lægsta sbr.
1. gr.
Eigin hlutabréf
„Aktieselskab“ má eiga 10% eigin hlutfjár, en ,,anpartsselskab“
leyfist slíkt alls ekki. 1 46. gr. íslensku hlutafélagalaganna segir, að
„hlutafélag má aldrei sjálft eiga meira en 10% af eigin hlutafé“.
Varasjóður
1 „aktieselskab" er skylt að leggja hluta af árságóða í varasjóð, og
er 108. gr. 1. mgr. íslensku laganna efnislega samhljóða þessu ákvæði.
Hins vegar er ekki lögð sú skylda á ,,anpartsselskab“ að leggja í vara-
sjóð.
Arðsúthlutun
1 lögum um „aktieselskaber“ eru ýmsar takmarkanir á arðgreiðslum
til hluthafa. Eru þær efnislega svipaðar samsvarandi ákvæðum í ís-
lensku hlutafélagalögunum, sbr. 42. gr. 2. mgr. 1. tl., 43. gr„ 106. gr„
107. gr. og 109. gr. Engar takmarkanir á arðsúthlutun er hins vegar
að finna í lögum um „anpartsselskaber".
87