Alþýðumaðurinn


Alþýðumaðurinn - 20.11.1945, Blaðsíða 1

Alþýðumaðurinn - 20.11.1945, Blaðsíða 1
ftlþíjkmaHtuux XV. árg. Þriðjudaginn 20. Nóv. 1945 47. tbl. Kjarnorkumálin Samkomulag í Washington s - Helstu tíðindi síðustu viku eru viðræður forystumanna eng- ilsaxnesku þjóðanna, Trumans, Attlees og Macenzie Kings, um kjarnorkumálin. — Síðastliðið Fimmtudagskvöld var tilkynnt í Washington, að samkomulag hefði orðið um lausn þessa mikla vandamáls. Er samkomu- lag þetta í fullu samræmi við það, sem fram hafði komið í ræðum ráðamanna í þessum löndum og skýrt var frá í síðasta blaði. Aðalatriði samkomulags- ihs eru þau, að alþjóðanefnd verði sett á stofn til þess að hafa umsjón með frumeindarrann- sóknum og hvernig orka frum- eindanna verði helst hagnýtt. — Stefna skal að því, að bannað verði, að kjarnorkan sé noluð í styrjöldum, heldur verði hún að- eins hagnýtt til þess að auka hag sœld þjóðanna og til léttis við friðsamleg störf. Að svo komnu máli verður engin vitneskja látin öðrum þjóð um í té um það, hvernig kjarn- orkusprengjan er framleidd. — Sömuleiðis verður fyrst í stað alger leynd yfir því, hvernig hagnýta má orkuna til iðnaðar, enda ekki talinn mikill munur á þessu. Síðar er þó talið, að slík vitneskja verði veitt, en fyrst verður að tryggja, að engin þjóð hyggist nota kjarnorkuvopn til árásar á aðrar þjóðir. Um sömu mundir og fréttir um þetta samkomulag, hefir sænsk- ur vísindamaður skýrt frá því, að Svíar kunni að framleiða kjarnorkusprengjur og aðferð þeirra standi á engan hátt að baki þeirri aðferð, er Banda- ríkjamenn nota. Segir í sömu fregn, að framleiðsla kjarnorku- sprengna sé ekki framar neitt leyndarmál. Og nokkru síðar kom sú.frétt, að rússneskir vís- indamenn telji sig geta framleitt kjarnorkusprengjur. Ef þessar fréttir reynast sann- ar, virðist samkomulagið í Was- hington harla lítils virði. Vanda- málið, sem uppgötvun kjarnork- uimar hefir í för með sér, er á- reiðanlega . mesta vandamálið, sem nú er á döfinni. Sem dæmi þess, hve ægilegt vopn kjarnorku sprengjan er, má geta þess, að einn þingmaður í Bandaríkjun- um lagði þá spurningu fyrir dr. Oppenheimer, einn þeirra vís- indamanna, er starfaði"að kjarn- orkurannsóknum á styrjaldarár- unum, hvort satt væri, að hægt væri að drepa 40 milljónir Ame- ríkumanna í einni kjarnorku- sprengjuárás. „Eg er hræddur um það", sagði dr. Oppenhei- mer. x. Frá Alþýðuflokks- félaginu Alþýðuflokksfélag Akureyrar hélt fund sl. Miðvikudagskvöld. Auk inntöku nýrra félaga og skipun starfsnefnda, var stefnú- skrá Alþýðuflokksins í bæjar- málum við íhönd farandi bæjar- stjórnarkosningar, lögð fram, rædd og samþykkt. Er stefnuskráin birt á annari síðu blaðsins í dag. Er blaðið þess fullvisst að bæjarbúar muni lesa stefnuskrána með athygli— og fylkja sér um hana, ef ekki á að ríkja áfram sama ófremdar- ástandið í bæjarmálum, einkum atvinnumálunum oa; verið hefir. Léoharður fógeti hefir nú verið sýndur í fjögur skipti á 6 dögum. Aðsókn var ekki mikil að tveim fyrstu sýn- ingunum, en troðfullt hus á báð- um sýningunum nú um helgina. Leikurinn fær góða dóma yf- irleitt. Búningar skrautlegir og leiksviðsútbúnaður ágætur. — Vegna mistaka hefir leikhúsgest- ur Alþýðumannsins ekki getað séð leikinn ennþá. Dómup um hann verður því að bíða næsta blaðs. En ekki er að efa að að- sókn að leiknum fer vaxandi eft- ir því sem sýningum fjölgar. Alþýðuvikan Alþýðuflokksfélag Akureyrar efnir til sérstakrar alþýðu- viku dagana 20.—25. þ. m. Hefsthún í kvöld —- Þriðjudag 20. þ. m. með frœðslu- og skemmtikvöldi að Hótel Norður- land, kl. 9 e. h. Síðan öll kvöld vinkuna út. Til fróðleiks og skemmtunar verða á þessum kvöldum flutt ávörp og stutt erindi, upplestrar, söngur, kvikmyndir , o. fl. Samkomugestir geta fengið keyptar veitingar og neytt þeirra meðan á skemmlun stendur. Dagskrá hvers dags verður auglýst á götunum og í útvarpinu. Aðgöngumiðar að öllum skemmtununum eru enn til sölu í Kaupfélagi Verkamanna og kosta kr. 10.00. Einnig verður seldur aðgangur að hverju sérstöku kvöldi meðan húsrúm leyfir, og kostar kr. 5.00. Akureyringar! Sækið þessar einstæðu skemmt- anir, ykkur til fróðleiks og skemmtunar! Fullt hús hvert kvöld er markíð. Forstöðunefndin. Almennar tryagingar heitir bók, sem nýkomin er út á vegum félagsmálaráðuneytis- ins. Er hún 350 bls. í stóru broti og hefir að flytja margskonar fróðleik um almannatryggingar hér á landi og víðar. Bókin er samin að tilhlutun félagsmála- ráðuneytisins og hafa þeir Jón Blöndal hagfræðingur og Jó- hann Sæmundsson, trygginga- yfirlæknir starfað að þessum mál um alllengi. Meginþættirnir eru um almannatryggingar, heilsu- gæslu og atvinnuleysismál. — Fylgja mjög merkilegar tillögur í öllum þessum málum. Annars er mikill hluti bókarinnar skýrsl ur og töflur, þurrar aflestrar, en fróðlegar engu að síður. Er bókin líka sérstaklega ætb uð starfsmönnum þeim, er þessi mál heyra. úndir, stjórnendum bæja og sveita, þingmönnum og öðrum þeim, sem sérstaklega þurfa um tryggingamál að fjalla En ekki fer heldur hjá því, að margir lesi hana sér'til fróðleiks og skilningsauka á þessu einu mesta vandamáli hverrar þjóð- Fréttatilkpning frá ríkisstjörninni 11. Nóv. 1945. I danska blaðinu Faaborg Folketidende birtist'nýlega' rit- stjórnargrein um íslensk handrit í dönskum söfnum. Er þess get- ið í greininni, hver ánægja Dön- um hafi orðið að því að fá Is- téd-ljónið, frægt minnismerkix, aftur í sínar hendur, en það höfðu Þjóðverjar hernumið ár- ið 1864. I þessu sambandi er vakin á því athygli, að mörg handrit jslenskra fornrita séu í konunglega bókasafninu í Kaup- mannahöfn, en þangað hafi þau komist, meðan ísland laut Dan- mörku. Telur blaðið rétt að framselja Islendingum handrit- in til þess að sýna þeim að Dan- ir vilji varðveita samúð og menn ingarfélag með íslendingum, þrátt fyrir skilnaðinn. Eigi tel- ur blaðið þurfa að óttast að ís- lendipgar gæti handritanna síð- . ur en Danir, heldur þvert á móti. Kveður blaðið framsal handrit- anna munu verða frægt dæmi um vinsamleg samskipti þjóða á milli, einkum ef Danir eigi sjálf- ir að því frumkvæði. ar.

x

Alþýðumaðurinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Alþýðumaðurinn
https://timarit.is/publication/597

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.