Alþýðumaðurinn - 23.10.1951, Síða 3
ÞriSjudagur 23. október 1951
ALÞÝÐUMAÐURINN
Til foreldrii
(Frá barnaverndarnefnd.)
Góðir foreldrar! Nú er sumar-
ið senn á enda. Það er að kveðja
með alla sína fegurð, allt sitt
starf og strit, sorgir og gleði, ann-
ir og erfiði. Flestir, ungir og
gamlir, hafa eftir getu og ástæð-
um verið að einhverju leyti þátt-
takendur í því hlutverki, sem
sumarið lagði í hendur okkar.
Margt af þeim störfum, sem unn-
in voru hafa hætt hag okkar og
þroskað okkur til aukins mann-
dóms og menningar.
Svo á það líka að vera, einkum
hvað snertir börnin og ungling-
ana, sem á þessu sumri haía stælt
krafta sína við ýmis konar störf,
hæði í bæ og sveit. Nú eru þau
störf lögð til hliðar í bili, en aðr-
ar annir og störf krefjast tíma
þeirra og orku. Nú eru það skól-
arnir og námið, sem sinna þarf.
Þau störf krefjast ekki síður
tíma og atorku, ef rækja á þau af
alúð og trúmennsku.
Öllum ætti að vera það
ljóst, ekki sízt foreldrum, hve
geysimargt það er, sem truflun-
um veldur á námsstörfum barna
og unglinga. Til þess liggja marg- ^
ar ástæður, bæði persónulegar og 1
félagslegar. Hér skal ekki farið
út í þá sálma, en aðeins minnst á |
einn þátt í því mikla vandamáli,
en það eru útiverur barna og
unglinga á kvöldin.
Óhætt mun að fullyrða, að ekk-
ert trufli eins námsgetu barna og
unglinga, eins og útiverur seint á
kvöldin. Á þetta hefir oft verið
bent, en liér er minnst á þetta at-
riði einungis til að minna for-
eldra á, að slaka ekki til um of í
þessum efnum.
Börn og unglingar, sem hafa
það að reglu að vera úti seint á
kvöldin, eru áreiðanlega í hættu
stödd. Það eru fyrstu sporin til
ýmis konar óreglu, sem að lokum
geta haft hinar alvarlegustu og
sorglegustu afleiðingar. Á kvöld-
in eru margar freistingar fyrir
óþroskaða barnssál, sem ennþá
kann ekki að gera greinarmun
þess, sem saklaust kann að vera
og hins, sem spillir. Siðferði
hinna fullorðnu, er börnin þó
taka sér til fyrirmyndar, er því
rniður, oft ekki á marga fiska.
En oftast eru ruddaskapur og
óknyttir hafðir í frammi, þegar
dagsbirtan dvín, svo að hægt sé
að láta náttmyrkrið skýla athöfn-
um og persónu.
Foreldrar góðir! Svarið í ein-
lægni þessari spurningu: Græðir
barnið mitt nokkurn tíma á úti-
veru seint á kvöldin? Svarið
verður oftast neikvætt. „En það
er ekki gaman að ráða við þetta,“
er oft sagt, og vafalaust er það
rétt. Það er heldur ekki til neitt
allsherjarráð, sem hægt er að
gefa foreldrum, og duga mundi í
þessu vandamáli. Bænir og hótan-
ir eru stundum jafn áhrifalausar.
Félagarnir, gatan, bíóin o.m.fl.
lokkar og seiðir, og bænir og
bönn eru virt að vettugi. En er
ekki eitthvað öðruvísi en ætti
að vera þar, sem 10—12 ára börn
ráða athöfnum sínum að mestu
leyti sjálf og virða að vettugi
vilja og óskir foreldranna? Er
ekki afskiptaleysi foreldranna og
einræðishneigð barnanna í öfg-
um, ef börnin eru sínir eigin hús-
bændur, eða máske á heimilinu?
Góðu foreldrar! Börnin eru
dýrmætasta eign okkar. Innileg-
asta ósk allra óspilltra foreldra
er, að hörnin þeirra verði góðar
og heiðarlegar manneskjur. Til
þess að svo megi verða, vilja
flestir eða allir fo.rða þeim frá
því, sem spillir hugsunarhætti
þeirra og athöfnum.
Utiverurnar seint á kvöldin eru |
eitt hið helzta, sem gjalda þarf
varhug við, því að þeim fylgja
margar hættur, sem geta haft hin-'
ar hryggilegustu afleiðingar.
Börn ættu sem sjaldnast, helzt
aldrei, að sækja kvikmyndasýn-
ingar kl. 9, og margir foreldrar
láta börn sin ekki gera það, og er
það til fyrirmyndar. Þær myndir,
sem sýndar eru á þeim tíma, eru
sjaldnast fyrir börn, og þó þær
séu ekki heinlínis bannaðar hörn-
um, hafa flestar þeirra ekkert
gildi fyrir þau, enda oft mjög
misskildar af þeim, sem eðlilegt
er.
Til þess að hjálpa foreldrum í
því efni, sem hér hefir verið drep-
ið á að framan og ýmsum öðrum
vandamálum varðandi uppeldi
barna og unglinga, hefir dóms-
og kirkjumálaráðuneytið staðfest
eftirfarandi reglugerð um barna-
vernd á Akureyri. Er það vin-
samleg ósk barnaverndarnefndar
Akureyrar, að foreldrar og aðrir,
sem þar eiga hlut að máli, kynni
sér reglugerð þessa rækilega.
REGLUGERÐ
UM BARNAVERND
Á AKUREYRI.
1. gr. — í umdæmi barnavernd-
arnefndar Akureyrar er bannað
að selja börnum og unglingum
innan 16 ára aldurs tóbak, hverju
nafni 'sem nefnist, gefa þeim það,
eða stuðla að því að þau neyti
þess, eða hafi það um hönd.
2. gr. — Bönnuð er sala á
spýtubrjóstsykri (sleikjum) og
brjóstsykursstöngum, svo og öðr-
um þeim sælgætisvörum, sem að
áliti héraðslæknis og barnavernd-
arnefndar geta talizt hættulegar
börnum og unglingum.
3. gr. — Engar leiksýningar
eða opinberar skemmtanir, sem
börnum og unglingum innan 16
ára aldurs er ætlaður aðgangur
að, má halda, nema barnavernd-
arnefnd hafi verið gefinn kostur
á að kynnast efni þeirra, og
ákveður hún þá, að því athug-
uðu, hvort börnum og ungling-
um skuli leyfður aðgangur að
þeim.
4. gr. — Börnum og ungling-
um innan 16 ára aldurs er bann-
aður aðgangur að almennum
knattborðsstofum, dansstöðum og
öldrykkj ustof um. Þeim er og
bannaður aðgangur að almenn-
um kaffistofum eftir kl. 6 s.d.
nema með aðstandendum sínum.
Eigendum og umsjónarmönnum
þessara stofnana ber að sjá um,
að börn og unglingar fái þar
ekki aðgang og hafizt þar ekki
við.
Börnum, yngri en 12 ára, er
bannað að vera á almannafæri
eftir kl. 8 að kvöldi á tímabilinu
frá 15. sept. til 1. apríl og eftir kl.
10 s.d. frá 1. apríl til 15. sept.
nema í fylgd með aðstandendum.
Börn, 12—14 ára, mega ekki
vera á almannafæri eftir kl. 10
að kvöldi á tímabilinu frá 15.
sept, til 1. apríl, og ekki eftir kl.
11 s.d. á tímabilinu frá 1. apríl
til 15. sept. nema í fylgd með að-
standendum sínum.
Foreldrum eða húsbændum
barnanna ber, að viðlögðum sekt-
um, að sjá um að ákvæðum þess-
um sé framfylgt.
5. gr. — Börn og unglingar
innan 14 ára aldurs mega ekki
selja blöð eða bækur, nema að
fengnu leyfi barnaverndarnefnd-
ar.
6. gr. — Brot gegn reglugerð
þessari varða sektum sem brot
gegn barnaverndarlögunum. Skal
farið með mál þeirra vegna, eins
og fyrir segir um slík mál í barna-
verndarlögunum.
Konvörur - Syhir
Rúgmjöl ...................... kr. 3.00 pr. kg.
Hveiti, kanadiskt ............... — 2.95-----
Hveiti, 10 lbs. smápokar......... — 15.85----
Hafragrjón ...................... — 3.60-----
Heilhveiti ...................... — 3.00-----
Flveitiklíð ..................... — 2.35-----
Molasykur ....................... — 5.10-----
Strásykur ....................... — 5.00-----
Kaupfélag Eyfirðinga
Nýlenduvörudeildin og útibú
Nr. 38/1951.
TILKYNNING
Fjárhagsráð hefir ákveðið eftirfarandi hámarksverð á
brauðum í smásölu:
Án söluskatts: Með söluskatti:
Franskbrauð, 500 gr... kr. 2.47 kr. 2.55
Heilhveitibrauð, 500 gr. — 2.47 — 2.55
Vínarbrauð, pr. stk..... — 0.68 — 0.70
Kringlur, pr. kg........ — 7,23 — 7.45
Tvíbökur, pr. kg........ — 11.01 — 11.35
Séu brauð bökuð með annarri þyngd, en að ofan greinir,
skulu þau verðlögð í hlutfalli við ofangreint verð.
Á þeim slöðum, sem brauðgerðir eru ekki starfandi, má
bæta sannanlegum flutningskostnaði við hámarksverðið.
Reykjavík, 17. okt. 1951.
Verðlagsskrifstofan.
N ý 11 !
usicoir
frá SJÖFN
Reynið þessa nýju sápuspæni.
Sápuyerksmiðjan SJÖFN
Akureyri •
Lögtök
Eftir kröfu bæjargjaldkerans á Akureyri og að undan-
gengnum úrskurði verða eftirtalin gjöld til Akureyrarkaup
staðar fyrir yfirstandandi ár, sem fallin eru í gjalddaga,
tekin lögtaki á ábyrgð bæjarsjóðs en á kostnað gjaldenda,
að liðnum átta dögum frá birtingu þessarar auglýsingar:
1. Útsvör, fallin í gjalddaga skv. 1. nr. 66, 1945.
2. Fasteignaskaltur og fasteignagjald.
3. Ólokin gjöld til Hafnarsjóðs Akureyrar.
Bæjarfógetinn á Akureyri, 16. okt. 1951.
Aðalfimdur
FLUGFÉLAGS ÍSLANDS h.f.
verður haldinn í Kaupþingssalnum í Reykjavík,
föstudaginn 16. nóvember 1951, kl. 2 e. h.
DAGSKRÁ:
1. Venjuleg aðalfundarstörf.
2. Lagabreytingar.
Aðgöngu- og atkvæðamiðar fyrir fundinn verða afhentir í
skrifstofu félagsins, Lækjargötu 4, dagana 14. og 15. nóv.
STJÓRNIN.