Dýraverndarinn - 01.09.1957, Qupperneq 16

um. Að vissu marki virtust þeir hafa tileinkað
sér, að hver einstaklingur hefði sinar skyldur og
ætti lika sinn rétt. Þeir höfðu aldrei rengt rétt
eiganda síns til að láta þá vinna alla virka daga,
og svo ætluðust þeir þá til þess af honum, að hann
virti rétt þeirra til hvíldar á sunnudögum.
Lauslega þýtt úr Our Dumb Animals.
Athygli og nærgætni,
Dag einn í júlí um hádegisbil vorum við hjón-
in á leið niður Álfhólsveg í Kópavogi í bifreið
okkar. Unnur, konan mín, var við stýrið, og ég
sat hjá henni í framsætinu.
Þegar við áttum skammt ófarið út á Hafnar-
fjarðarveginn, kom á móti okkur rauður vöru-
bíll með möl á palli. Álfhólsvegurinn er mjór, og
Unnur minnkaði hraðann. Þegar við vorum að
því komin að mæta vörubílnum, nam hann allt
í einu staðar, og Unnur hægði enn á okkar bíl.
Þá sagði ég:
,,Hva-hvað er að honum, þessum?“
Unnur svaraði:
„Sérðu það ekki, að ofurlítill fuglsungi situr á
veginum fyrir framan vörubílinn?"
Ég beygði mig og skyggndist út, og nú sá ég,
að skammt fyrir framan vörubílinn sat þúfu-
tittlingsungi. Okkar bíll rann fram hjá, og svo
leit Unnur snöggvast um öxl.
,,Þar flaug hann,“ sagði hún.
Og nú heyrðum við, að vörubíllinn hélt áfram.
Þess skal getið, sem gert er.
Guðmundur Gíslason Hagalín.
Þakklæti
fyrir velvild og rausn,
Politikens forlag í Kaupmannahöfn hefur gef-
ið út bók, sem heitir Alverdens pattedyr. Höf-
undur hennar er náttúrufræðingurinn Hans Hvass,
sem hefur gefið út margar fallegar bækur um
dýr. 1 Alverdens pattedyr er fjöldi góðra litmynda
af spendýrum láðs og lagar og stuttorðar og mjög
fróðlegar upplýsingar um dýrin.
Þessi mynd er tekin úr sænsku dýraverndunarblaði. Hún
sýnir tarf, sem er allt annað en vel hirtur. Vonandi eru
þess ekki mörg dæmi nú orðið hér á íslandi, að skepnur
líti svipað út og þessi sænski tuddi.
Fyrir tilstilli ritara Dýraverndunarfélags Is-
lands, Þorsteins Einarssonar íþróttafulltrúa, hef-
ur útgefandi þessarar fróðlegu og vönduðu bók-
ar gefið Dýraverndaranum leyfi til að birta mynd-
ir úr henni, og eru myndirnar af geitunum og
hvölunum í þessu tölublaði þaðan komnar.
Dýraverndarinn vottar Þorsteini þakkir fyrir
greiðann og útgefendum bókarinnar fyrir þá vel-
vild og rausn, sem þeir hafa sýnt góðu málefni.
1 næstu tölublöðum munu verða birtar fleiri
myndir úr Alverdens pattedyr og fróðleiksmolar
látnir fylgja.
Aheit á Dýraverndarann
frá Elísi Sveinbjörnssyni, Flagi í Breiðdal Suður-Múlasýslu
— kr. 50,00. Beztu þakkir.
Leiðrctting. — Áheit frá S. G. þakkað i síðasta blaði, var
kr. 100.00, en ekki kr. 50.00, og biður Dýraverndarinn af-
sökunar á mistökunum og þakkar gjöfina á ný.
DÝRAVERNDARINN
Útgefandi: Dýraverndunarfélag fslands. Ritstj.: Guðmundur
Gíslason Hagalín, Silfurtúni, Garðahreppi (Sími 50166.
Pósthólf 1342). Afgreiðslu annast Þorgils Guðmundsson,
Hraunteigi 21 (Sími 34344. Pósthólf 993). Þorgils er að
hitta á Fræðslumálaskrifstofunni alla virka daga frá kl.
9 til 5. Verð blaðsins er óbreytt, þrátt fyrir stækkunina,
kr. 25,00. Gjalddagi er 1. júlí. Vinnið að útbreiðslu Dýra-
verndarans. — Prentsmiðja Jóns Helgasonar, Bergst.str. 27.
64
DÝEAVÍRNDARINN