Fréttabréf Siglfirðingafélagsins í Reykjavík og nágrenni - apr. 1995, Blaðsíða 3

Ræs!
essa kveðju þekkja allir
jSiglfirðingar frá gömlu
síldarárunum. Þegar
vantaði mannskap á
planið, þá var ræsarinn
sendur á kreik til að hóa
fólkinu saman. Það var
ekki hægt að vinna úr
verðmætunum nema
nægur mannskapur væri
fyrir hendi. Stemmning
síldaráranna byggðist líka
á því að öllu ægði saman,
sérstaklega fólki. Þetta
höfum við upplifað á
seinustu árum á Siglufirði
á síldarævintýrunum um
verslunarmannahelgarn-
ar. Þar hefur tekist að
skapa stemmningu gömlu
síldaráranna með því að
fjöldi fólks hefur safnast
saman og notið lífsins.
Kallið kom frá gamla
heimabænum og ungir og
gamlir Siglfirðingar nær
og fjær lögðu land undir
fót og söfnuðust saman
seinustu þrjár verslunar-
mannahelgar. Og líkt og
á gömlu síldarárunum þá
komu ekki bara Siglfirð-
ingar heldur fjöldi ann-
arra, sem leituðu að réttu
stemmningunni og lífs-
gleðinni. Aftur ægði öllu
saman, heimamönnum,
Jón Sæmundur Sigurjónsson:
Siglfirbingar! Ræs!
brottfluttum Siglfirðing-
um og vinum þeirra.
Brottfluttir Siglfirð-
ingar voru eitt sinn
vandamál fyrir heima-
byggðina að því leyti, að
þeir voru ekki lengur til
að treysta byggðina og
heimamönnum fannst
það dapurlegt þegar Sigl-
firðingum fækkaði. Nú
hefur heimabyggðin að
mestu ráðið fram úr
þeim vandamálum, en
eins og brottfluttum Sigl-
firðingum er heima-
byggðin dýrmæt, þá eru
brottfluttir Siglfirðingar
fjársjóður fyrir Siglu-
fjörð. Gamall og vinsæll
Siglfirðingur sem staðið
hefur vörðinn heima fyr-
ir alla tíð og er þekktur
fyrir að komast hnytti-
lega að orði, hitti nagl-
ann á höfuðið er hann
sagði að Siglfirðingum
hefði ekkert fækkað, þeir
byggju bara annars
staðar.
Um síðustu áramót var
1131 félagi í SÍRON,
félagi brottfluttra Sigl-
firðinga í Reykjavík og
nágrenni ásamt vinum
og velunnurum Siglu-
fjarðar. Félagarnir eru
allir fæddir á þessari öld
nema sá elsti, sem fædd-
ist árið 1898. Yngsti
félaginn fæddist árið
1971. Hvort tveggja eru
þetta konur.
Stjórn félagsins hefur
látið kanna hversu marg-
ir einstaklingar, sem
fæðst hafa á Siglufirði,
búa á félagssvæði
SÍRON, sem er höfuð-
borgarsvæðið, Reykjanes,
Akranes og austur fyrir
Selfoss og hafa ekki látið
verða af því enn að ger-
ast félagar. Þetta reynd-
ust vera 707 einstakl-
ingar, sem fæddir eru á
tímabilinu 1930 til 1975,
langflestir á síðustu ár-
um. Ef allir þessir ein-
staklingar gerðust félag-
ar í SÍRON, þá væri
félagið í fyrsta sinn orðið
fjölmennara en heima-
byggðin.
Og nú er ræs! Nú
kemur kallið til allra
Siglfirðinga, sem flust
hafa að heiman, að
koma heim aftur. Ef til
vill ekki beinlínis til
Siglufjarðar, ekki endi-
Iega heldur á síldarævin-
týri með gömlu eða nýju
sniði, heldur í Siglfirð-
ingafélagið, sem er sam-
nefnari allra sem unna
Siglufirði, hvort sem þeir
eru fæddir þar eða ekki.
í Siglfirðingafélaginu
reynum við að viðhalda
traustum böndum við
Siglufjörð. Félagið er
vettvangur, þar sem vin-
irnir frá árunum áður
hittast og endurnýja og
viðhalda gömlum kynn-
um. Félagið hefur efnt til
árshátíðar eða þorra-
blóts, boðið í kaffi og
tertur í kringum 20. maí
og það ekki af lakara
taginu, síldarballið er
fastur liður á hverju
hausti og eins er barna-
ballið um jólin. Auk þess
eru gefin út 2-3 frétta-
bréf árlega. Aðalfundur
félagsins er oftast tengd-
ur spilakvöldi þar sem
líka er hægt að spjalla
saman yfir kaffibolla og
tilheyrandi.
Það er því ræs! Eins og
á gömlu síldarárunum er
nóg að gera. Allir sem
vettlingi geta valdið eru
hvattir til að ganga í
félagið og sinna rótunum
og upprunanum. Því eins
og gamli Rómverjinn
sagði: Gakktu í Siglfirð-
ingafélagið og ég skal
segja þér hver þú ert!
Siglfirðingar að heiman
og vinir Siglufjarðar:
Takið skrefið og verið
velkomin í hópinn.
Jafnvel þótt maðurinn gœti skilið konur, mundi hann ekki trúa.
3