Vesturland - 19.02.1949, Side 1
m mm ?«© a/es&Fmzwftn sam il
XXVI. árgangur Isaí’j örður 19. febrúar 1949 8. tölublað.
Verður radioviti reistur á Arnarnesi?
Sigurður Bjarnason, Finnur Jónsson og Hannibal Valdi-
marsson flytja á Alþingi þingsályktunartillögu um radio-
vita á Arnarnesi við Skutulsfjörð og aukningu og endur-
byggingu Ijósvita þar, svohljóðandi:
„Alþingi ályktar að skora á ríkistjórnina að hlutast til um,
að reistur verði hið fyrsta radioviti á Arnarnesi við Skut-
ulsfjörð, og jafnframt verði ljósviti sá, sem nú er á þessum
stað, aukinn og endurbyggður.“
Greinargerð
Félagsmálaráðherra
Stefán Jóhaxrn sýnir hug
sinn til ísaf jarðar.
Neitar byggingu 12 íbúða á ísafirði til að útrýma heilsu-
spillandi íbúðum.
Hótar að stöðva þær 12 íbúðir, sem í smíðum eru.
Eins og kunnugt er, þá er
Isaí’j arðarkaupstaður við Skut-
ulsfjörð einn af stærstu útgerð
ar- og verzlunarstöðum lands-
ins, en hinsvegar er hann þann
ig í sveit settur, að nær allar
samgöngur við hann eru ann-
aðhvort á sjó eða í lofti. Af
þessu leiðir, að allt ber að gera
til þess að tryggj a sem bezt ör-
uggar siglingar skipa og ferðir
flugvéla til og frá staðnum.
Á Arnarnesi austanvert við
Skutulsfjörð er ljósviti, sem
byggður var 1915 og síðan end-
urbyggður 1921 og liefur e.t.v.
þótt góður á sinni tið, en nú
f innst sj ómönnum 1 j ósmagn
hans vera orðið allt of lítið,
enda hafa siglingar í skamm-
deginu aukizt mjög á þessum
slóðum frá 1921. Þess ber að
gæta, að Arnarnesvitinn er
ekki aðeins innsiglingarviti á
Skutulsfjörð, heldur leiðarvdti
fyrir siglingu inn á Djúpið, og
er því nauðsynlegt, að hann
sjáist vel langt að, en því fer
mjög fjarri, að hann geti það
nú. Eru þess jafnvel dæmi, að
Ijósin á bæjunum í Arnardal
hafi sézt á undan ljósi vitans.
Nauðsyn radiovita
I dimmviðri eins og í þoku og
hríð getur ljósviti þó ekki orðið
að gagni, og því er alveg nauð-
synlegt með þeim miklu sigl-
ingum, sem nú eru á þessum
slóðum, að reisa radiovita á
Arnarnesi, en með legu sinni
þar yrði hann eklci aðeins inn-
siglingarviti fyrir Isafjörð,
heldur og landtökuviti fyrir öll
fiskiskip, stór og smá, sem stöð-
ugt eru að veiðum djúpt und-
an norðanverðum Vestfjörðum
og sérstaklega þurfa á slíkum
vita að halda, þegar þau leita
í var undan illviðrum. Fyrir
flugsamgöngur við Isafjörð
ætti slikur radioviti einnig að
verða til ómetanlegs gagns.
Það fáheyrða hneyksli hefur
nú skeð, að forsætis- og félags-
málaráðherra, Stefán Jóhann,
hefur neitað að framfylgja lög
unum um útrýmingu heilsu-
spillandi húsnæðis í kaupstöð-
um. — Eins og menn muna,
voru lög þessi eitt af kosninga-
númerum Finns Jónssonar og
kratanna við siðustu kosning-
ar. Isafjarðarkaupstaður fékk
heimild til að byggja 32 íbúðir
og gera lögin ráð fyrir að það
skuli gert á næstu 4 árum, eða
8 íbúðir á ári. Vegna sérstaks
ástands, er skapaðist við stór-
brunann, er Fell brann, fékk
Isafjörður heimild til að
byggja 12 íbúðir á árinu 1946.
Lögin voru í fullu gildi allt ár-
ið 1947 og öðiaðist bærinn þá
rétt til að byggja 8 íbúðir til
viðbótar. Lögin voru og í fullu
gildi 3—4 mánuði af árinu
1948 og átti Isafjörður því rétt
á að byggja 2—3 íbúðir á þeim
tíma. Isafjörður öðlaðist því
rétt á að byggja a.m.k. 10—12
íbúðir á árunum 1947 og 1948
meðan lögin voru í gildi. Nú
hefur Stefán Jóhann hinsveg-
ar neitað þessum lögvarða rétti
Isafjarðarkaupstaðar og sýnir
það áhuga þessa „alþýðuvin-
ar“ fyrir hag þeirra sem í lak-
asta húsnæðinu búa í landinu,
að hann vílar ekki fyrir sér að
brjóta skýlaus lagaákvæði til
að ganga á rétt þeirra.
En sj aldan er ein báran
stök. Sami „alþýðuvinur“ ætl-
ar nú að stöðva byggingu
þeirra 12 íbúða, sem eru hér í
smíðum, með því, að fremja
þá lögleysu að skuldajafna lán
ríkissj óðs samkv. lögum um út-
rýmingu heilsuspillandi hús-
næðis og ógreidd framlög bæj-
arsjóðs til Almannatrygginga,
Framhald á 4. siðu.
Afstada Sjálfstæðisfiokksins til
öryggismálanna.
Móti herstöðvum á friðartímum — en
með samvinnu lýðræðisþjóða um frelsi
sitt og öryggi.
„Flokksráð Sjálfstæðisflokksins telur, að atburð-
ir síðari ára hafi áþreifanlega sannað að þjóðum,
sem halda vilja sjálfstæði sínu, er ekkert jafn nauð-
synlegt sem það, að tryggja öryggi sitt með þeim
hætti, sem bezt hentar hverri þjóð fyrir sig.
Flokksráðið telur, að Islendingum sé eigi fremur
en öðrum sjálfstæðum þjóðum fært að komast hjá
því að gera ráðstafanir til að tryggja öryggi lands
síns, og beri að stefna að því þannig, að fullt tillit sé
tekið til sérstöðu Islendinga, sem fámennrar þjóð-
ar og óvígbúinnar og þá einkum, að hér verði ekki
herseta á friðartímum og ekki herskylda.
Jafnframt bendir flokksráðið á, að reynslan hafi
sýnt, að hlutleysisyfirlýsingin frá 1918 hafi ekki
megnað að veita Islendingum neina vernd og sé auk
þess fyrir löngu úr gildi fallin fyrir atburðanna
rás.“
Ályktun þessi oar samþykkt með samhljóða atkvæö-
um í flokksráði Sjátfstæðisflokksins, en það er skipað
þingmönnum, frambjóðenclum og miðstjórn flokksins, og
staðfest á sameiginlegum fundi Sjálfstæðisfélaganna í
Reykjauík, síðastliðið mánudagskuöld, með atkvæðum
allra fundarmanna gegn einu. Fundinn sátu 600—700
manns.