Vesturland


Vesturland - 16.06.1949, Blaðsíða 1

Vesturland - 16.06.1949, Blaðsíða 1
®jsu® aÆssrpwsxm sdúsFssms»sMwmfi XXVI. árgangur Isafjörður, 16. júní 1949. 16. tölublað. Stjórnmálaviðhorfið: Framsókn krefst haustkosninga. Aumleg stjórnaríorysta Alþýðuflokksins. Ný dýrtíðaralda hvolíist yíir þjóóina. Tíminn. blað Framsóknarflokksins hefur nú hafið harða baráttu fyrir því að kosningar til Alþingis fari fram á komandi hausti og að núverandi stjórnarsamstarf milli Sjálfstæðisflokksins, Alþýðuflokksins og Fram- sóknarflokksins verði rofið. Er það nú opinbert leyndarmál að ráðherrar Fram- sóknar í ríkisstjórninni hafa krafist þess að þing verði rofið, ef ekki hefur verið gengið að kröfum þeirra fyrir fyrir miðjan næsta mánuð. Myndu þá kosningar fara fram' í október í haust. Hvað vakir fyrir Framsókn Orsök þessarar afstöðu Fram- sóknar er í fyrsta lagi sú, að hún sér að núverandi rikis- stjórn hefur að mestu leyti misheppnast að ná þeim höf- uðtilgangi sínum að koma í veg fyrir aukningu dýrtíðar- innar. Framsókn hefur hins- vegar alltaf haldið því fram að hún kynni örugg ráð gegn verðbólgunni. Nú, þegar að öll þjóðin sér, að engin ný úrræði fundust í þessu vandamáli með komu Framsóknar í ríkis- stj órn, verða Timaliðar smeyk- ir um sig og freista þess að hlaupa úr skiprúminu áður en vertíðin, kjörtímabilið, er á enda. Þetta er hin karlmannlega afstaða Tímamanna. Þeir þora ekki að bíða eftir reglulegum kosningum, sem fram eiga að fara sumarið 1950. I staðinn reyna þeir að hlaupa burtu frá ábyrgðinni á getuleysi núver- andi ríkisstjórnar i viðureign- inni við dýrtiðina. Hafa engar tillögur lagt fram. 1 þessu sambandi er það at- hyglisvert að þótt Framsókn krefjist kosninga, ef kröfum hennar yrði ekki sinnt þá hef- ur hún engar tillögur borið fram um það, hvernig leysa eigi vandamálin. Samt sem áð- ur heldur Timinn þvi fram að kjósa eigi um „tillögur" Fram- sóknarflokksins. Einu úrræðin, sem frá Framsókn hafa komið er frumvarp hennar um að skömmtunarmiðarnir skuli gilda sem innkaupaheimild fyrir vörum. En hvernig á að framkvæma þá tillögu þegar búið er að afnema skömmtun- ina eins og allir vona að verði gert sem fyrst og þegar er byrjað á með afnámi skömmt- unar á kornvöru, kaffi og benzíni? Sannleikurinn er sá að þessar tillögur Framsóknar eru algerlega út í bláinn. Krafa Fi-amsóknar um kosn- ingar byggist einnig á því, að með henni ef reynt að sam- eina andstæðurnar innan flokksins, þá sem alltaf hafa verið á móti þátttöku i núver- andi ríkisstjórn og hina, sem hafa stutt. Hermann vildi að stj órnarsamvinnunni væri slit- ið fyrir löngu. Eysteinn hefur streist á móti. Nú er reynt að sameina hið tvístraða lið með því að krefjast kosninga á komandi hausti. Almennt um stjórn- málaviðhorfið. Um stjórnmálaviðhorfið al- mennt er það annars að segja, að forystuflokkur ríkisstjórn- arinnar, Alþýðuflokkurinn, hef ur gj örsamlega brugðist hlutverki sínu. Forysta hans hefnr verið einhver hin aum- asta, sem þekkst hefur í nokk- urri íslenzkri ríkisstjórn. Er nú líka svo komið að þjóðin stendur frammi fyrir þeirri staðreynd að stórfeld verð- bólgualda er að hvolfa sér yfir hana i gerfi almennrar hækk- unar kaupgjalds og verðlags. Fer vel á því, að kratarnir, sem hældu sér af þvi að hafa eyðilagt gerðardómslögin frá 1942, skuli nú, eftir að veldi konmiúnista hefur Verið hnekkt í Alþýðusambandi Is- lands, hafa forystu um að drekkja atvinnulífinu í nýju dýrtíðarflóði. Má nú ekki á milli sjá, hverjir séu áfjáðari i að eyðileggja grundvöll at- vinnulífsins, kratar eða komm- únistar. Tekst Stef áni Jóhann að drepa þingræðið? Alþingi það, sem ekki alls fyrir löngu lauk störfum var þriðja lengsta þing, sem hér hefur verið háð. En lítil verk lágu eftir það þegar að frá er tekin hin merka samþykkt þess í utanríkismálum, þátt- taka Islands i varnarbanda- lagi lýðræðisþjóðanna, Atlants hafsbandalaginu svokallaða. Undir forystu Sjálfstæðis- flokksins var það mál sam- þykkt með atkvæðum allra þingmanna lýðræðisflokkanna gegn atkvaeðum kommúnista og þriggja pólitískra viðrina úr Alþýðuflokknum og Fram- sókn. Höfðu íslendingar þann- ig mjög svipaðan hátt á og aðrar vestrænar lýðræðisþjóð- ir. Há óhikað fullyrða að yfir- gnæfandi meirihluti þjóðar- innar sé eindregið flygjandi þeirri afstöðu, sem Alþingi tók í þessu máli. En að öðru leyti var allt ráð þessa þings á reiki. Það sat mánviðum saman og gerði bók- staflega ekki neitt nema að hjala um einskisverð sýndar- mál einstakra þingmanna. Er óhætt að fullyrða að ef svo fer fram um þinghald, sem nú horfir, þá muni á næstu árum verða gengið af íslenzku þing- ræði dauðu. Er alls ekki ólík- legt að formanni Alþýðu- flokksins muni takast það, ef Alþingi lýtur enn um skeið stjórnarforystu hans. Kosningar. Þegar á það er Iitið, hversu núverandi ríkisstj órn hef ur mistekist höfuðmarkmið sitt, að ráða niðurlögum dýrtíðar- innar, má e. t. v. segja að æskilegt væri að efna til stjórn arslita og þingkosninga á kom- andi hausti. Því verður hins- vegar ekki neitað að litlar lik- ur eru til þess að afleiðing þeirra yrði skjót og nýúrræði til lausnar höfuðvandamálum þjóðfélagsins. Engar líkur eru til mjög breyttra hlutfalla í styrkleika flokkanna á þingi. Kosningar hálfu ári fyrr eða síðar væru þessvegna auka- atriði fyrir þjóðarhag. Auk þess má benda á það, að það er miklum erfiðleikum bundið fyrir fólk í sveitum landsins að ganga til haustkosninga ef t- ir eindæma hart vor og sumar, sem miklar líkur eru til að verði erfitt. Óhætt er að fullyrða að meg- inþoiTi þjóðarinnar vilji sam- vinnu og samstarf lýðræðis- flokkanna. þriggja eða tveggja x\rangurinn af því hefur að þessu sinni ekki verið góður. 1 kjölfar samsteypustjórnanna hefur siglt margskonar spill- ing og samábyrgð á pólitizku braski og hrossakaupum. En meðan þjóðin hefur ekki gefið neinum einum flokki hreinan meirihluta verður hún að sætta sig við slíkt stjórnar- far, hvort sem henhi líkar það betur eða vérr. En eru islenzk sjórnmál samt ekki óþarflega meini blandin?

x

Vesturland

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Vesturland
https://timarit.is/publication/633

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.