Vesturland - 11.07.1951, Blaðsíða 4
XXVIII. árgangur. 11. júlí 1951. 10. tölublað'.
Aukakosning í Mýrasýslu
Framsókn rétt hélt þingsætinu með 17 atkvæða mun.
Frambjóðandi hinnar ábyrgðarlausu stjórnarandstöðu,
Alþýðuflokksins, tapaði um helmingi kjósenda sinna, og
frambjóðandi ,þjóðfylkingarinnar“ fékk aðeins atkvæði
kommúnista.
Úr bæ og byggð.
Samnorrænu sundkeppninni lokið.
Á ísafirði ekki síður en annars
staðar hefir verið mikill og al-
mennur áhugi fyrir keppninni og
sama má segja um Norður-ísa-
fjarðarsýslu. Alls luku 842 keppn-
inni hér á ísafirði, og þar að auki
er vitað um allmarga ísfirðinga,
sem synt hafa 200 metrana annars
staðar, svo að ekki mun fjarri
sanni að um 900 ísfirðingar
hafi lokið keppninni eða um 32%
íbúanna. Þessi tala er allmiklu
hærri en búizt var við, því að í
fyrstu var markið 700, Qg töldu þó
sumir í Landssundnefndinni það
jafnvel of háa tölu. En ísfirðingar
hafa sýnt það, að svo var ekki, og
mun ekki sízt kvenfólkið eiga sinn
drjúga þátt í því. Því miður var
ekki kunnugt, þegar blaðið fór í
prentun, hve margar konur höfðu
synt 200 metrana, en víst er að
þær eru mun fleiri en gert var ráð
fyrir. 1 næsta blaði verður getið
um þátttöku í keppninni frá öðr-
um stöðum hér í Djúpinu, en vitað
er að hún hefir víða verið mjög
góð.
Afmæli.
Sigurður Þórðarson, óðalsbóndi,
Laugabóli í Nauteyrarhreppi verð-
ur sextugur n.k. fimmtudag. Verð-
ur þessa merka bónda getið í næsta
tölublaði.
Rausnarleg gjöf.
Fyrir nokkru færði M. Simson,
ljósmyndari, ísafjarðarkaupstað að
gjöf tvö fögur líkneski, sem hann
nefnir sundmaður og sundkona.
Lagði Simson til að líkneskin verði
steinsteypt og látin standa innan
við girðinguna fyrir framan Sund-
höllina og íþróttahúsið, og að Sig-
urður Guðjónsson verði fenginn
til þess að steypa stalla undir þau.
Færði bæjarráð Simson þakkir fyr-
ir þessa höfiðnglegu gjöf og hlý-
hug hans til bæjarfélagsins.
Hefir bæjarbúum úndanfarið
gefist kostur á að sjá þessi fögru
líkneski, sem hafa verið til skamms
tíma til sýnis í verzlunarglugga
Neista h.f.
Andrés valtur í sessi.
Talning atkvæða í aukakosning-
unum í Mýrasýslu fór fram s.l.
mánudag. Á kjörskrá voru 1090
kjósendur, en af þeim greiddu 981
atkvæði, svo að kjörsókn hefir ver-
ið góð. Atkvaéði féllu þannig:
Pétur Gunnarsson, Sj.fl. 396 at-
kvæði, Andrés Eyjólfsson, Fr.fl.
413 atkv., Aðalsteinn Halldórsson,
Alþ.fl., 27 atkvæði, Bergur Sigur-
björnsson, utanfl., 125 atkv.
Auðir seðlar voru 14 og ógildir 6.
Við síðustu kosningar, sem fóru
fram haustið 1949, urðu úrslit
þannig:
Pétur Gunnarsson, Sj.fl., 353 at-
kvæði, Bjarni Ásgeirsson, Fr.fl.,
446 atkv., Aðalsteinn Halldórsson,
Alþ.fl., 51 atkv., Guðmundur
Hjartarson, Sós. 121 atkvæði.
Auður seðlar og ógildir voru 20
og alls greiddu 991 kjósandi atkv.
Úrslitin glæsileg fyrir
Sjálfstæðisflokkinn.
Nú um tvo áratugi hefir Mýra-
sýsla verið eitt traustasta vígi
Framsóknarflokksins, en nú er svo
komið, að engu má muna, að hann
tapi því kjördæmi. SjálfstæÖis-
flokkurinn hefir stöðugt verið að
vinna þar á og einkum nú síðari
árin eftir að Pétur Gunnarsson,
tilraunastjóri, fór þar í framboð.
Það er eftirtektarvert, að Sjálf-
stæðisflokkurinn er eini flokkur-
inn, sem eykur fylgi sitt, og nemur
sú aukning næstum því 15% af
fylgi hans fyrir tæpum tveimur ár-
Herfileg útreið Alþýðuflokksins.
Það væri ekki alveg ómaksins
vert fyrir forkólfa pínulitla flokks-
ins að gefa svolítinn gaum að þess-
um kosningaúrslitum. Fylgi þeirra
var reyndar ekki beisið meðal
Mýramanna fyrir þessar kosning-
ar, en nú keyrði þó alveg um þvert
bak, því að af þessu litla fylgi
þeirra misstu þeir næstum því
helminginn. Þann 23. okt. 1949
fengu þeir 51 atkvæði, en nú eftir
rúmlega eitt og hálft ár fá þeir að-
eins 27 atkvæði. Reyndar voru
menn nú farnir að venjast því, að
lengi gæti vont versnað hjá krötun-
um, en við svona hruni bjóst víst
enginn.
*
Til rólegrar íhugunar íyrir þá,
sem enn fylgja krötum.
Fyrir nálega 20 mánuðum fylgdi
51 kjósandi á Mýrum stefnu Al-
þýðuflokksins, enda hegðuðu for-
kólfar hans sér þá sæmilega í
þjóðmálunum, en núna hefir svo til
annar hver þessara kjósenda snúið
við þeim bakinu og kosið Sjálf-
stæðisflokkinn. Hversvegna, góðir
kratar, haldið þið að þeir hafi gert
það? Ekki er það vegna óánægju
með frambjóðanda ykkar, því að
sami rnaður býður sig fram þar nú
eins og 1949. Nei, ástæðan er eng-
in önnur en sú, að hin ábyrgðar-
lausa stjórnarandstaða flokks ykk-
ar hefir vakið andstyggð allra
hugsandi nianna. I»eir vilja ekki
styðja þann l'lokk, sem hagar sér
eins og forkólfar ykkar hafa gert.
Þið ættuð nú í ró og næði að íhuga
þessi úrslit á Mýrum, og athuga
gaumgæfilega, hvað þið getið af
þeim lært. Svo lengi lærir sem lifir
og farið nú að dæmi flokksbræðra
ykkar á Mýrum og fylkið ykkur
um Sjálfstæðisflokkinn.
Stefnir er tímarit
S j álf stæðismanna.
Vestfirskir Sjálfstæðismenn,
kaupið og útbreiðið Stefni.
Árgangurinn kostar aðeins kr.
25.00, og nýir áskrifendur geta
fengið I. árg. fyrir kr. 10.00
Áskriftalistar liggja frammi í
Bókabúð Matthíasar Bjarnasonar,
Isafirði og hjá Jónatan Einarssyni
Bolungarvík.
um.
TILKYNNING.
frá Sjúkrasamlagi ísaf jarðar.
Samkvæmt heimild í lögum nr. 122, 28. des. 1950, hefir ríkisstjórnin,
samkv. tillögum tryggingaráðs, sett ný ákvæði um greiðslur sjúkrasam-
laga fyrir lyf.
Helztu breytingarnar eru þær, að mikill hluti þeirra lyfja, sem áður
voru greidd að % hlutum, <3ru nú greidd að hálfu leyti. Aðeins súlfa-
lyfin, penicillín, streptómýcin og nokkur önnur hinna nýju lyfja eru
greidd að % hlutum.
Hinsvegar helzt óbreytt greiðsla að fullu fyrir lífsnauðsynleg lyf, sem
nota verður að staðaldri.
Isafirði, 10. júlí 1951.
SJÚKRASAMLAG ÍSAFJARÐAR.
Formaður S.U.S.
Magnús Jónsson, lögfræðingur,
frá Mel, var kosinn formaður
S.U.S. til næstu tveggja ára.
TREG SÍLDVEIÐI.
Ellefu skip munu taka þátt í síld-
veiðunum frá ísafirði á þessari
síldai’vertíð, og er þaö sami skipa-
fjöldi og á síðustu síldarvertíð.
Njörður h.f. gerir út Hafdís og
Freydís, Skutull h.f. gerir út Ásúlf,
Samvinnufélag ísfirðinga gerir út
Finnbjörn og ísbjörn og 5 af minni
bátunum verða gerðir út með hring
nót, en hinir eru allir með snurpu.
Auk þess er svo togarinn Isborg
farinn á síldveiðar fyrir nokkru.
Frá Súðavík er gerður út 1 bát-
ur, m.b. Sæfari, og frá Hnífsdal 2
bátar, Smári og Páll Pálsson, og
eru þeir allir með hringnót. Frá
Bolungavík eru gerðir út 4 hring-
nótabátar, Einar Hálfdáns, Flosi,
Bangsi og Víkingurð og einn með
snurpu, m.b. Hugrún.
Enn sem komið er, hefir verið
dauft yfir síldveiðunum. Þó hafa
Bolvíkingarnir, Einar Hálfdáns og
Flosi, fengið góðan afla, og mun
Einar Hálfdáns nú vera aflahæstur
með um 2000 mál og tn. Hnífs-
dælingarnir og Sæfarinn frá Súða-
vík hafa einnig fengiö sæmilegan
afla, en ísbjörninn mun vera eina
ísfirzka skipið, sem hefir fengið
síld.