Búnaðarrit - 01.01.1995, Qupperneq 27

Hótels Sögu og hússins að undanskilinni 3. hæðinni og þeim hluta 2. hæðarinnar
sem BI hefur til afnota. Hinn undanskildi hluti, sem er 12,08% af allri húseign-
inni, var í óskiptri sameign Búnaðarfélags Islands og Stéttarsambands bænda í
hlutföllunum 2/3 BÍ og 1/3 Sb. Stjórn hlutafélagsins Hótel Sögu mynduðu: Jón
Helgason, formaður, Haukur Halldórsson og Hermann Sigurjónsson en vara-
menn þeir Jónas Jónsson og Hákon Sigurgrímsson. Séreignin hefur sérstakan
hússjóð sem tekur að sínum hluta þátt í rekstri og viðhaldi alls hússins og mynda
aðal- og varamenn í stjórn hlutafélagsins stjórn þessa sjóðs. Framkvæmdastjóri
Hótels Sögu hf. er Konráð Guðmundsson en hótelstjóri Jónas Hvannberg.
Á árinu keypti Hótel Saga hf. Hótel ísland hf. sem var í eigu Búnaðarbanka
Islands. Frá þessum kaupum var endanlega gengið 12. ágúst. Á fundi stjómar
Hótels Sögu sem haldinn var 7. október var gerð eftirfarandi bókun sem greinir
frá helstu þáttum samnings sem gerður var um kaupin:
"Kaup Hótel Sögu hf., á Hótel Islandi hf.,: I framhaldi af bókun 13. fundar
var gengið til samninga við Búnaðarbanka Islands um kaup á Hótel Islandi hf„
þeim viðræðum lauk með undirritun kaupsamnings þann 12. ágúst 1994, þar sem
Hótel Saga hf„ kaupir Hótel ísland hf„ af Búnaðarbanka íslands. Heilarkaupverð
eignarinnar og lausfjár er kr. 800 milljónir. Kaupverð skiptist þannig að kr. 80
milljónir eru framlagt hlutafé, kr. 250 milljónir er víkjandi lán og eftirstöðvar
kaupverðs greiðast á 25 árum. Til greiðslu framl. hlutafjár veitir Búnaðarbanki
Islands lán til 7 ára. Til að greiða fyrir skilum þess láns eru önnur lán bankans
tengd kaupunum afborgunarlaus fyrstu fimm árin.”
Sömu menn skipa stjórn og varastjórn Hótels Islands hf. og Hótels Sögu.
Hótelstjóri á Hótel Islandi er Ingibjörg Olafsdóttir.
Gefin verður skýrsla á Búnaðarþingi um rekstur og afkomu hótelanna og
Bændahallarinnar.
Lokaorð
Nú um áramótin urðu mikil þáttaskil í nær 158 ára langri sögu bændasamtaka
á Islandi. Saga félagsskaparins, sem myndaður var 28. janúar 1837, er óslitin - á
hana kom ekki bláþráður eins og hjá ýmsum af þeim félögum öðrum sem stofnuð
voru síðar á 19. öldinni t.d. ýmissa búnaðarfélaga. Nafnið Búnaðarfélag Islands
er þó ekki eldra en frá 1899 er Búnaðarfélag Suðuramtsins varð landsfélag.
Þáttaskilin sem verða með sameiningu Búnaðarfélags Islands og
Stéttarsambands bænda eiga þó síður en svo að tákna nokkurn endi á farsælli
sögu þessara samtaka því að ekkert er verið að leggja niður, heldur er verið að
sameina í þeim megintilgangi að mynda sterkari samtök. Þeir sem beittu sér fyrir
stofnun Stéttarsambands bænda sumarið 1945, fyrir aðeins tæpum 50 árum,
töldu að með því að mynda sérstök samtök um kjarabaráttu bænda sem ekki
væru tengd ríkisvaldinu, eins og Búnaðarfélagið taldist vera vegna þeirra
fjárveitinga sem það naut og hefur alltaf notið og þeirra verkefna sem það vann
25