Búnaðarrit - 01.01.1995, Qupperneq 122

Búnaðarhagfræði
Ketill A. Hannesson
Ég vann allmikið í janúar og febrúar við
lokaþróun Búbótar 3.0 með Ingólfi Helga
Tryggvasyni og Þráni Vigfússyni. Sú útgáfa var
send út í byrjun febrúar. Hún hefur reynst vel.
Eins og áður fór töluverður tími í að þjónusta
búnaðarsamböndin og bændur sem nota Búbót.
Þráinn Vigfússon hefur nú annast leiðbeiningar
og aðstoð og því hef ég haft meiri tíma til þess
að sinna mínu ráðunautarstarfi. Áætlanagerð tók
töluverðan tíma og ekki síst fyrir þá sem eru að
hugleiða jarðakaup. Framkvæmdahugur er ekki
mikill í bændum þessa dagana og arðsemis-
útreikningar því lítið á dagskrá. Leiðbeiningar
hafa verið með hefðbundnu sniði en þróun er í þá átt að vinna meira með ráðunaut-
um og að þróunarvinnu til þess að auka og gera hagfræðileiðbeiningar markvissari.
Það átak sem nú er í gangi við þróun Búbótar snýr nú að mestu leyti að
leiðbeiningaþættinum. Margir vilja yfirtaka þetta verkefni og telja sig til þess hæfa
og þess eru dæmi að menn gefa í skyn í skrifum sínum í Frey að þeir séu að vinna
að þessu verki.
Þróun Búbótar. Ingólfur Helgi Tryggvason hjá Hugmóti hf., sem annast hefur
alla forritunarvinnu á Búbót, hætti störfum í febrúar og hafði þá lokið umsömd-
um verkþáttum en Þráinn Vigfússon tók við forritun eins og frá var skýrt í síðus-
tu starfsskýrslu. Ingólfi Helga Tryggvasyni eru hér með þökkuð frábær störf í
þágu Búnaðarfélagsins og bænda með því verki sem nú léttir undir með þriðja
hverjum bónda á landinu við bókhaldsmál og landbúnaðarframtal. Samráðsnefnd
Jóns Hólms Stefánssonar og Gunnars Sæmundssonar starfaði lítið á árinu. Hún
hefur þó fylgst með þróun mála úr fjarlægð. Kynning á viðskiptamannabókhald-
inu og útskrift reikninga hefur ekki verið mikil. Notendahópurinn er hins vegar
breiður, má nefna bleikjuframleiðendur, útvegsbændur, kjúklingabændur, eggja-
120