Búnaðarrit - 01.01.1995, Qupperneq 134

Vinna við forðagœslu minnkar, enda lítil forritun á árinu, en var nokkur árið
1993. Einnig hafa búnaðarsambönd verið að taka þessa skráningu að sér í
auknum mæli eins og að hefur verið stefnt. í hrossaræktinni fækkar vinnustund-
um og er hún ekki lengur vinnufrekasta búgreinin eins og undanfarin tvö ár.
Skýrsluhaldið í hrossaræktinni hefur fest sig í sessi. Þó að stærsti hluti vinn-
unnar fari nú orðið í hið árlega skýrsluhald fer mikill tími ennþá í að yfirfara og
skrá eldri upplýsingar um kynbótadóma og ættemi hrossa. Það er hins vegar ljóst
að sú endurskipulagning og það átak sem ráðist var í árið 1991 hefur skilað
góðum árangri. Þetta verða þúsundir hrossaræktenda, um allt land, varir við í
sínum störfum og lýsti greinarhöfundur Morgunblaðsins fyrir hrossaræktina þes-
sari endurskipulagningu sem “grettistaki” og Jónas Kristjánsson ritstjóri DV
m.m. lýsti ánægju með “merkt” starf Búnaðarfélagsins í þessum efnum í formála
árlegrar bókar sinnar um hrossarækt.
Ar frá ári stækkar og eflist gagnasafn Bl í hrossarækt og voru um áramót
skráð 61.270 hross í safninu. Þetta er fjölgun um 9.032 hross á einu ári og um
19.955 hross á tveimur síðustu árum. Skráðir kynbótadómar voru um áramót
19.332 en voru 15.319 í desember 1993. Bæði kemur hér til fjölgun dóma vegna
sýningarársins 1994 en stór hluti er vegna skráningar á eldri dómum.
Fjórar kynbótakeyrslur sá ég um á árinu, þá síðustu í október fyrir útkomu
útgáfu 1.0 af Einka-Feng. Fjölgun hrossa við kynbótaútreikning hefur verið
gífurleg á undanförnum árum sem eykur öryggi kynbótamatsins verulega. Þegar
mest reyndi á útreikninginn á kynbótamatinu nokkrum dögum fyrir XII.
landsmót hestamanna í sumar kom upp alvarleg villa í forritinu hans Þorvaldar
Árnasonar. Það vildi hins vegar svo heppilega til að Ágúst Sigurðsson, sem
unnið hefur að kynbótakeyrslum og gerð kynbótaforrits í nautgriparæktinni, var
staddur á landinu og fengum við hann til aðstoðar. Með bráðabirgðalausn tókst
að reikna kynbótamatið (að vísu í nokkrum áföngum) en taugatitringur prent-
smiðjustjóra mótsskrár landsmótsins var orðinn mikill enda mikið í húfi. Þor-
valdur sendi síðan leiðrétt forrit nokkrum vikum síðar sem virkar vel. Fyrir þetta
sama rit, sem var hið vandaðasta, útbjó ég allan kynbótahluta þess sem Kristinn
Hugason ritstýrði.
Fyrir landsmótið útbjó ég allar kynbótatöflur Hrossaræktarinnar samkvæmt
síðustu kynbótakeyrslu sem gerð var að loknum forsýningum. Við Kristinn
Hugason ákváðum sfðan að gefa út sérrit með þessum töflum sem var til sölu á
landsmótinu og mæltist það vel fyrir.
I sauðfjárræktinni tókst að ljúka uppgjöri allra fjárbóka, sem skiluðu sér til
félagsins fyrir jólahátíðina, og komu alls rúmlega 110 þúsund ær til uppgjörs eða
ríflega 10 þúsund fleiri en árið 1993. Sauðfjárræktin trónir nú aftur á toppnum
sem vinnufrekasta búgreinin.
í nautgriparœktinni hefur vinnustundum fjölgað mest allra búgreina á árinu.
Ástæður þessa eru aukin verkefni og fjölgun skýrsluhaldara sem vinna þarf
132