Heilbrigðismál - 01.01.1953, Blaðsíða 7

FRÉTTABRÉF UM HEILBRIGÐISMÁL
7
klofnað í tvennt og úr því orðið tvær manneskjur í staðinn fyrir ein.
Líkingin er, eins og öllum er kunnugt, svo mikil, að menn eiga oft erf-
itt urn að þekkja þá í sundur og hún getur náð svo langt, að fingraför
þeirra séu eins.
Með þessum rannsóknum er skýlaust sannað að erfðaeiginleikarnir
ráða mjög miklu um það hvort maður verður berklaveikur eða ekki.
Allir geta tekið berklasýkitinn og smitazt. En hvort menn verða berkla-
veikir eða ekki er að miklu leyti komið undir eiginleikum, sem ganga
greinilega í ættir og gera einn sterkan en annan veikan fyrir berkla-
sýklunum.
Vetrardá til lækninga
Þegar vetrarkuldarnir leggjast yfir landið geta ýms dýr lagst í dá eða
dvala meðan snjór og ís þekur landið og erfiðast er um matbjörg. Land-
björninn leggst í híð, leðurblakan hengir sig einhvers staðar í skjóli
upp á snaga, broddgölturinn grefur sig niður í jörðina, froskurinn niður
í botninn í tjörninni og fjöldi skorkvikinda grefur sig undir steina og
niður í jörð. Svo er farið að sofa og dýrið liggur í vetrardái allan kald-
asta tíma ársins. Sum vakna öðru hvoru, einkum þegar hlýrri dagar
koma, til að fara á kreik, eta þá e. t. v. eitthvað sem þau hafa safnað að
sér fyrir veturinn, önnur virðast liggja í dvala svo að segja samfellt all-
an veturinn. í þessu ástandi er öll lífsstarfsemi spöruð til liins ítrasta:
Öndunin er næstum engin, aðeins öðru livoru með löngum millibilum
að dýrið dregur andann, æðin slær miklu hægara en annars og efna-
skipti líkamans lækka stórkostlega, svo að segja má að varla sjáist lífs-
mark með dýrinu. Broddgöltur, sem að sumri til drukknar ef honum
er haldið í 3 mínútur niðri í vatni, Jiefur verið kaffærður í 22 mínútur
í vetrardái án þess að það gerði honum nokkuð. Segja má að dýrið sé
til, en það er ekkert líf sem það lifir, rneðan það er í þessum vetrar-
dvala.
Franskur læknir, H. Laborit, liefur nýlega stungið upp á því að
framkalla sams konar dá Jijá mönnum til lækninga. Dælt er inn í
sjúklinginn þunnri procainupplausn, sem verkar deyfandi á taugakerf-
ið. SjúkJingurinn fellur í værðarmók og líður vel, kemst í fullkomna
ró og er áhyggjulaus. Með því að setja íspoka utan á hann víðs vegar er
líkamshitinn Jækkaður lil muna, og hefur hann hjá sumum farið niður
í 32 stig C. Deyfilyfið hægir á allri taugastarfsemi, svo að öll boð berast
hægt og æsingaJaust.
Nýlega birtist í Presse Médicale (17/12—52) ritgerð eftir þrjá ítalska
lækna (Bobbio, Goffrini og Bezzio) um tilraunir þeirra á dýrum og