Heilbrigðismál - 01.01.1955, Blaðsíða 3

FRÉTTABRÉF UM HEILBRIGÐISMÁL
3
Krabbameinsfélaginu af tekjum sínum á þessu ári og dregið það frá
tekjum sínum, þannig að gjafaupphæðin verður ekki skattskyld.
Ríkisstjórnin beitti sér fyrir því að flytja lagafrumvarp þetta og jafn-
fraint að tryggja því fylgi meðal þingflokkanna. Er stjórn Krabbameins-
félags íslands ríkisstjórninni mjög þakklát fyrir þann velvildarhug sem
hún hefir sýnt félaginu með því að veita því þessi fríðindi.
Stjórn Krabbameinsfélags íslands væntir þess að margir velunnarar fé-
lagsins minnist þessara laga, ef þeir hagnast svo vel á yfirstandandi ári,
að þeir hafi efni á að leggja fram einhvern skerf til baráttunnar gegn
krabbameini.
Það er svo margt sem þarf að gera, ef okkur á að miða áfram, að sýni-
legt er að við getum ekki gert nema lítið brot af því sem við þyrftum að
gera, ef fjárhagurinn rýmkast ekki til muna frá því sem verið hefir.
Mesta furða er þó hvernig við höfum getað komizt af og lagt eitthvað af
mörkum til þeirra framkvæmda sem við höfum talið allra nauðsynleg-
astar. En það er hverfandi samanborið við það sem við þyrftum að gera.
Við þyrftum að geta komið upp miðstöð fyrir krabbameinsgreiningu
og krabbameinslækningar í Reykjavík. Miðstöð, þar sem færustu sér-
fræðingar væru til taks til þess að úrskurða um öll vafasöm tilfelli og
hefðu öll tæki til nýtízku rannsókna á krabbameini, livar sem það kann
að skjóta upp höfðinu. Ennfremur þyrfti að vera þarna geislalækninga-
stöð, þar sem fullkomnustu tæki og færustu menn væru til taks, svo að
ekki þyrfti að senda neinn sjúkling úr landinu vegna þess að ekki væri
unnt að veita honum nægilega góðan atbeina hér. Það verður mörgum
sjúklingnum þungbært að þurfa að dvelja síðustu stundir ævi sinnar
fjarri sínu fólki á erlendu sjúkrahúsi í vonlítilli baráttu við jafnægileg-
an óvin og krabbameinið er.
Fyrr eða síðar kemur að því, að hafnar verða fjöldarannsóknir á full-
orðnu fólki, til þess að finna krabbamein í því nógu snemma. Hætt er
við að slíkar rannsóknir verði ekki unnt að gera svo að vel fari, fyrr en
upp er komin krabbameinsmiðstöð, sem getur lagt út í svo umfangs-
mikil fyrirtæki.
Við íslendingar eigum að setja stolt okkar í það, að verja engu fé til
þess að drepa menn, en vera vígreifir og ötulir í baráttunni gegn öllum
sjúkdómum og drepsóttum. Okkur hefir þegar orðið mikið ágengt á
þessari braut. Styrjaldir og mannvíg liggja margar aldir að baki okkur,
en baráttan fyrir bættum heilbrigðisliáttum hefir þegar losað okkur við
marga geigvænlega, landlæga sjúkdóma, svo sem holdsveiki, sullaveiki,
taugaveiki og barnaveiki. Og berklaveikina er verið að gera landræka,
svo að þegar er farið að tala um að losa annað berklahæli landsins.
Krabbameinið er nú sá sjúkdómur sem mestan usla gerir meðal ís-