Heilbrigðismál - 01.06.1985, Blaðsíða 18

K-bygging Landspítalans:
Fyrsti hlutinn í notkun eftir þrjú ár?
/ febrúar hófst jarðvinna við svo-
nefnda K-byggingu Landspítalans.
Síðar á þessu ári mun uppsteyping
fyrri áfanga boðin út og gert er ráð
fyrir að Krabbameinslækningadeild
Landspítalans flytji inn á neðstu
hæðina árið 1988.
En hvað er K-bygging? Árið 1979
var enskt sérfræðifyrirtæki í skipu-
lagningu heilbrigðismannvirkja
fengið til að kanna, í samvinnu við
Húsameistara ríkisins, hvernig unnt
væri að leysa húsnæðisvanda þeirra
deilda Landspítalans sem verst voru
settar. Lagt var til að reist yrði bygg-
ingasamstæða, sem merkt var á
skipulagsteikningum Landspítala-
lóðar með bókstöfununt MOMK.
Síðar var ákveðið að M og O bygg-
ingunum yrði slegið á frest, en eftir
var K-bygging á þremur hæðum.
Skyldi hún hýsa krabbameinslækn-
ingadeild, skurðdeild og rannsókna-
deildir eða röntgendeild.
Hvernig hefur undirbúningurinn
gcngið? Á grundvelli þeirrar rýmis-
áætlunar sem gerð var af ensku sér-
fræðingunum, vann embætti Húsa-
meistara ríkisins að gerð aðalteikn-
inga byggingarinnar og hún fékkst
efnislega samþykkt í byggingarnefnd
Reykjavíkur í árslok 1981. Að því
loknu voru danskir verkfræðingar
fengnir, í samvinnu við innlenda
verkfræðinga, til ráðuneytis um
endanlegt fyrirkomulag innanhúss
(lagnir o.fl.). Var lokið við að sam-
ræma teikningar hússins þeim hug-
myndum í ársbyrjun 1983. Und-
anfarin tvö ár hefur svo verið unnið
að gerð nýtingaráætlunar og bygg-
ingaráætlunar, m.a. í nánu samráði
við væntanlega notendur. Gert er
ráð fyrir að húsið verði byggt í tveim
áföngum. í þeim fyrri á að steypa
upp þriðjung hússins, en aðeins
verður gengið að fullu frá hús-
næði Krabbameinslækningadeildar á
neðstu hæðinni. í síðari áfanganum
á síðan að byggja lagnagang frá ket-
ilhúsi inn í aðalbygginguna, sprengja
út fyrir öllu húsinu, reisa það sem
ekki var gert í fyrri áfanganum og
ganga endanlega frá húsinu.
Hvað kostar þessi bygging? Miðað
við byggingavísitölu nú (200 stig) er
gert ráð fyrir að byggingakostnaður
fyrri áfanga K-byggingarinnar verði
um 160 milljónir króna en tæki og
búnaður í þann áfanga kosti um 50
milljónir króna. Heildarkostnaður
við báða áfangana er áætlaður 800
milljónir króna, þar af tæki og bún-
aður 250 milljónir.
Er K-byggingin stórhýsi? Því er
ekki að neita að væntanleg K-bygg-
ing er nokkuð stór. Brúttó rúmmálið
er um 53 þúsund rúmmetrar og
heildarflatarmálið nær 13 þúsund
fermetrar. Þar af eru hæðirnar þrjár
um 8700 fermetrar. Hins vegar er
neðsta hæðin að mestu leyti nið-
urgrafin og byggingin sýnist því ekki
vera nema tveggja hæða. Hæðirnar
eru misstórar, en sé tekið mið af
efstu hæðinni, sem er mest áberandi,
þá verður hún 77 metrar á lengd og
31 metri á breidd. Til samanburðar á
stærðum skal nefnt að B-álma Borg-
arspítalans er tæpir 7 þúsund fer-
metrar (23 þúsund rúmmetrar).
18 HEILBRIGÐISMÁL 2/1985