Heilbrigðismál - 01.06.1985, Qupperneq 19

Hvers vegna er nauðsynlegt að
reisa K-bygginguna? Sérhæfða
læknisþjónustu er ekki hægt að veita
á mörgum stöðum í svo fámennu
landi. Landspítalinn er háskóla-
sjúkrahús og þarf því að vera eins
vel búinn tækjum og aðstöðu eins og
unnt er. Á það skortir nú, einkum
vegna þess að viðunandi húsnæði
fyrir svonefndar stoðdeildir er ekki
til staðar. Ætlunin er að reyna að
bæta úr því í K-bygginunni, sem
nefnd hefur verið bæði hjarta og
heili Landspítalans. - Rann-
sóknastofurnar eru í þröngu og
óhentugu húsnæði á mörgum stöð-
um í spítalabyggingunni. Möguleiki
er á hundruðum mismunandi rann-
sókna og daglegur fjöldi niðurstaðna
skiptir þúsundum. - Röntgendeild-
in er einnig í þröngu og óhentugu
húsnæði. Mikið skortir á að deildin
sé búin þeim tækjum sem nauðsyn-
leg eru. — Fjöldi skurðaðgerða á
Landspítalanum er um fjögur þús-
und á ári og hefur þeim fjölgað um
40% á einum áratug. Aðstaðan hef-
ur hins vegar lítið breyst síðustu tvo
áratugi. Með bættri aðstöðu fyrir
undirbúning skurðaðgerða og eft-
irmeðferð væri hægt að auka afköst-
in. - Bæta má nýtingu á þjónustu
Landspítalans með móttökudeild og
dagdeild, en þeim er ætlað rými í K-
byggingunnni. - Geislameðferðar-
tæki er aðeins eitt og svarar alls ekki
þeim kröfum sem nú eru gerðar til
nákvæmni meðferðar. Nauðsynlegt
er að fá nýtt meðferðartæki, svo-
nefndan línuhraðal, en ekkert hús-
næði er til staðar. Undirbúningur
geislameðferðar og lyfjameðferð
krabbameins er í ófullnægjandi hús-
næði fjarri meðferðartækinu.
Hvaða ávinningur er af því að
ráðast í K-bygginguna núna? Eins
og áður kom fram er tækjabúnaður-
inn nær þriðjungur af heildarkostn-
aðinum. Flest öll þessi dýru tæki
verður að kaupa á næstu árum hvort
sem er, og því er mikilvægt að sem
best sé búið um þau, svo þau nýtist
sem best. Aukin afköst á skurð-
deildum skapa mikla rekstrarhag-
ræðingu og því hefur verið fullyrt að
þessi bygging sé hagkvæm þjóðhags-
lega séð. Ekki er gert ráð fyrir fjölg-
un sjúkrarúma þegar byggingin
verður tekin í notkun, en legu-
deildirnar munu nýtast mun betur en
nú. Flestar lausnir á húsnæðismálum
Landspítalans síðasta áratug hafa
verið bráðabirgðalausnir. Á sama
tíma hefur starfsemin aukist veru-
lega en búnaðurinn og húsnæðið nýt-
ist ekki sern skyldi. Án K-byggingar
HEILBRIGÐISMAL/Jóhannes Long
Svonefnd K-bygging á Land-
spítalalóð á að risa vestan við
aðalbyggingu spítalans, sunnan
bráðabirgðahúsa Rannsóknastofu
Háskólans. Myndin er af líkani
sem Guðlaugur Jörundsson hefur
gert, og er horft á bygginguna úr
suðvestri.
verður að leysa málin áfram til
bráðabirgða, sem er mun dýrara að
mati ráðamanna spítalans.
En hvers vegna hefur ekki verið
byrjað á þessari bygginu fyrr? Ef til
vill er svarið fólgið í þeirri fullyrð-
ingu að byggingin hafi átt sér of fáa
málsvara á Alþingi. En nú hefur orð-
ið breyting á. Við afgreiðslu fjárlaga
ársins 1985 voru veittar 20 milljón-
ir króna til þessarar framkvæmd-
ar. Heilbrigðisráðherra, Matthías
Bjarnason, tók fyrstu skóflustung-
una í febrúar 1985 og áætlað er að
jarðvinnu ljúki nú í júlí. Lions-menn
söfnuðu nýlega fyrir geislameðferð-
artæki í þessa byggingu. Svo virðist
því sem loks sé komin hreyfing á
málefni K-byggingarinnar. -jr.
Samantckt þcssi cr m.a byggö á upplýs-
ingum frá Hallgrími Snorrasyni, formanni
Yfirstjórnar mannvirkjagcrðar á Landspít-
alalóö, og fleirum.
HEILBRIGÐISMÁL 2/1985 19