Morgunn - 01.06.1948, Side 116

106
MÓRGUNN
fræga í Boston. Enginn miðill hefir á síðari árum verið
jafn þaulrannsakaður og hún. Amerískir, enskir og franskir
vísindamenn ráku þær tilraunir, og staðfestu stórfelldan
hæfileika hennar. Saga hennar sýnir, hve erfitt er enn í
dag að sannfæra þá, sem fyrirfram eru ákveðnir að láta
ekki sannfærast. Maður hennar var um langt skeið háskóla-
kennari við Harward-háskólann og viðkunnur skurð-
læknir, og frá 1923 rak hann merkilegar rannsóknir á mið-
ilsgáfu konu sinnar um nærfellt 20 ára skeið. Auðvitað tók
frú Crandon aldrei eyrisvirði fyrir starf sitt, en aftur á móti
fórnuðu þau hjónin stórfé til rannsóknanna, en þrátt fyrir
það voru þau borin hinum ósvífnustu svikabrigzlum, sem
blöðin gleyptu við og margir lögðu trúnað á, en þjónustunni
við sannleikann reyndust þau trú til dauðadags. Anda-
stjórnandi frú Crandon var látinn bróðir hennar, Walter
að nafni. Um „sannanirnar," sem hann kom fram í gegn
um systur sína, hefir mikið verið ritað með og á móti, en
ýtarlega hefir verið ritað um frú Crandon í bók M. Byrds:
Margery the Medium, en sem miðill notaði hún nafnið
Margery. 1 svartamyrkri skrifaði hún ósjálfrátt á kín-
versku, sem hún kunni sjálf ekkert í. Hjá henni var talað
beinum röddum og margskonar líkamleg fyrirbæri gerðust
á fundum hennar. Starf þeirra hjóna er hið merkasta, sem
unnið hefir verið í sálarrannsóknum á síðari tímum, og
hefir þess áður verið getið í MORGNI.
Enn starfar í London frú Annie Brittain, sem orðin er
öldruð kona. Hún er transmiðill og sannanamiðill. Ógrynni
bráðókunnugs fólks hefir komið, ýmist nafnlaust eða undir
dulnefni á fund hennar og fengið þar sannanir fyrir návist
látinna vina og ættingja. Hún starfaði um langt skeið undir
leiðsögn Sir A. Conan Doyles og var samstarf þeirra hið
merkasta. Hún hefir ritað fróðlega bók um reynslu sína,
Twixt Earth and Heaven.
Merkileg var miðilgáfa Bartletts kapteins, hin ósjálf-
ráða skrift hans og teikningar, sem urðu til þess að hægt
var að grafa upp hinar frægu rústir Eif Glastonbury-