Sameiningin - 01.12.1958, Page 19

Sameiningin
17
og býður honum að vígja ísleif á næstkomandi hvítasunnu-
hátíð. Skrifar hann m. a. að hann vonist til að varanlegt og
dýrlegt biskupsdæmi verði á íslandi ef að fyrsti biskup
landsins hljóti vígslu þann sama dag sem Guð gaf öllum
heimi Heilagan Anda.
Merkiiegf skýringarrit um
Opinberunarbókina
Eftir prófessor RICHARD BECK
í hvert sinn, er ég, leikmaðurinn, dirfist að skrifa um
rit guðfræðilegs efnis, hljóma mér í eyrum hin vængjuðu
orð: „Drag skó þína af fótum þér“ o. s. frv. Og aldrei hafa
þau orð verið mér ofar í huga en nú, þegar ég færist það í
fang að vekja athygli á nýlega útkominni bók um það ritið,
sem bæði er sérstæðast og um leið torráðnast allra rita
Heilagrar ritningar, Opinberunarbókina. Hennar er því,
ekki sízt hvað almenning snertir, sérstök þörf skýringar,
og það er einmitt hlutverk þess merkisrits, sem hér verður
stuttlega gert að umtalsefni.
Það nefnist blátt áfram Opinberun Jóhannesar, og er
eftir Sigurbjörn Einarsson, prófessor í guðfræði við Há-
skóla íslands, sem löngu er áður kunur fyrir þýdd og frum-
samin rit sín um trúfræðileg og önnur efni, hvort tveggja í
senn maður óvenjulega málsnjall og ritsnjall. Þetta nýja
rit hans, sem er mjög vandað að öllum frágangi, kom út á
vegum Isafaldarprentsmiðju í Reykjavík laust fyrir páskana
í fyrra (1957), og gat ekki ákjósanlegri páskabók.
1 eftirmála gerir höfundurinn svofellda grein fyrir til-
gangi þessarar bókar sinnar, og skyldi hún lesin og metin í
ljósi þeirra ummæla:
„Opinberun Jóhannesar er það rit Nýja testamentisins,
sem mönnum er mest ofætlun að færa sér í nyt í heild án
allrar leiðbeiningar. Mun og raunin sú, að margir lesendur
Ritningarinnar sneiði hjá henni. Aðrir reyna að gera sér
mat úr skurninni, en missa af blómanum.
Þessari bók er ætlað að verða mönnum til hjálpar við
lestur þessa torskilda en efnismikla rits. Við samningu
hennar hef ég tekið tillit til vísindalegra höfuðrita, sem