Sameiningin - 01.12.1958, Page 22

20
Sameiningin
Jólanóít
Kom, helga nótt, í hreysin lág,
kom hingað til vor jörðu á.
Kom þú og veit þeim líkn og lið,
sem ljósið þrá og hjartans frið.
Sjá, stjarna skín í heiði hátt,
til hennar, barn, þú líta átt,
svo innra með þér, öll þín jól,
sé endurskin frá þeirri sól.
Hún lýsir enn um alla jörð,
um eyðimörk og gróinn svörð.
Hún bjartar þeim sem blindur er
og bendir þeim, sem villtur fer.
Skín blessað ljós og lýs þú mér,
þá leiðin myrk og torfær er.
Um lífsins veg á leið til þín,
svo liggja megi sporin mín.
Send hrjáðum heimi þrótt og frið
og þjóða milli sett þú grið.
Og bend þeim á þau boðorð Hans,
að búast vopnum kærleikans.
Oss leið þú alla lífs um tíð,
og létt oss veikum böl og stríð.
Þín guðleg skíni gæzku sól
og gefi oss öllum blessuð jól.
Jóhannes Arngrímsson