Sameiningin - 01.04.1949, Page 4

50
S AMEININGIN
Upprisuljósið lýsir oss, þótt gleðiljós heimsins taki að
deprast og dvína.
Trúarskáldið segir:
“Nú vor blómgast náðar hagur,
nú sér trúin eilíft Ijós.”
Undir það tekur gjörvöll kristnin með óumræðilegri
feginsgleði nú á þessari páskahátíð.
Ljósið frá gröf frelsarans lýsir upp hugi vora og hjörtu.
Förin á vegum lífsins, sem stundum er torsótt og erfið för
— þeim sem reyndir og þreyttir eru, verður indæl, sökum
nálægðar við vorn upprisna frelsara. Reynsla frum lærisvein-
anna á Emmausgöngunni forðum verður fyrir Guðs náð
reynsla margra nútíðar lærisveina Drottins, endurtekin á
öllum tímum. Hjörtu vor brenna af nálægð hans. Án þess
að við stundum áttum okkur á því, er hann, hinn upprisni
Jesú í för með oss á veginum mitt í önnum og áhyggjum
dagsins — og kvíðin hjörtu vor fagna og gleðjast af nálægð
hans.
Upprisuljósið lýsir upp torfær einstígi æfidagsins, birtan
og hlýjan af nálægð hans gerir oss styrka — þrátt fyrir allan
veikleika vorn, — og fyrir þeim er Drotni treysta verður
æfin sigurför, þótt margt sé það sem amar að á langferð
lífs vors, á þessu tilverustigi.
Hið bjarta ljós, sem að páskaboðskapurinn með sér færir
dreyfir einnig á brott öllum skuggum sem að umhugsun
um dauðann kynni með sér að færa.
Hverjum þeim sem náð Guðs treystir er dauðinn indælt
atriði til umhugsunar, laus við allan kvíða, heimför sem vér
hugsum til með feginsgleði trúar og vonar. Orð Jesú sjálfs
eru öryggi þess er Guði treystir:
“Hver sá sem lifir og trúir á mig, skal aldrei að eilífu
deyja.”
Trúarlíf sálnanna er endurvakið til nýs máttar og nýrrar
gleði. Gleði yfir komu vorsins í náttúrunni bergmálar í sál-
um vorum hjartanlega innri gleði, en nær hæðsta hæð í sálu
hvers trúaðs lærisveins í umhugsuninni um eilífðarvorið,
sem hver hjálíðandi páskahátíð fyrir Guðs náð — boðar oss
í sigri Drottins vors Jesús Krists.
S. ÓLAFSSON