Sameiningin - 01.11.1940, Qupperneq 10

136
að meðaltaJi virtir á $100,000. Á Park Avenue á milli 34.
og 30. götu í New York búa ríkismenn eingöngu. Á einu
ári voru útborganir í þessu dásamlega hverl'i sem fylgir-
$50,000,000 fyrir kvenfatnað; $18,000,000 fyrir húsa-
leigu; $16,000,000 fyrir loðvöru; $15,000,000 fyrir ferðalög;
$15,000,000 fyrir listasöfn; $10,000,000 fyrir snæðinga á
matsöluhúsum; $10,000,000 fyrir bifreiðar; $7,000,000 fyrir
kvenhatta; $7,000,000 fyrir skemtisnelckjur; $5,000,000 fyrir
ýmsar skemtanir; $4,000,000 fyrir “beauty shops.”
Á sama tíma var mikið um örbirgð, hungursneyð og
volæði í þessari sömu stórborg. Fjöldi fólks bjó við sult
og seiru eða barðist í bökltum fyrir lífinu sjálfu.
Gat þetta haldið áfram í hið óendanlega? Gat guðlegt
réttlæti leyft annað eins til lengdar? Dómur þessa fólks
kom á sínum tíma.
Mér er meinilla við kommúnista-hreyfinguna guðlausu
og alræmldu í Rússlandi. Stjórnarbyltingin þar var hræði-
leg og hefir ekki haft neina blessun í för með sér. En
gleymum ekki því, sem á undan var gengið. Gimsteinar
keisarafólksins voru $225,000,000 virði. Ein kóróna þeirra
kostaði $52,000,000. Emeraldsteinn var keyptur fyrir $8,-
000,000, saffírsteinn fyrir $11,000,000 og barnaleikspil fyrir
$23,000,000. En þá voru í Rússlandi 23,000,000 á sveitinni.
Hvar er keisaraættin nú og hvar eru gimsteinarnir hennar?
Byltingin lcom. Dagar keisaranna urðu taldir!
í Bandarílcjunum hefir hver hreyfingin rekið aðra ti!
að koma auðkýfingunum fyrir kattarnef. Þeim hefir liðið
alt annað en vel þessi síðari ár. Huey Long kom upp með
sitt “Share the Wealth” prógram og lagði lil að allar fjöl-
skyldur í Bandaríkjunum skyldu hafa $5,000 árstekjur.
Father Coughlin, katólski pr.esturinn, myndaði sitt “National
Union for Social Justice.” Dr. Francis Townsend stakk
upp á að allir yfir sextugt skyldu fá $200 á mánuði frá
stjórninni, en stjórnin átti að heimta þessa peninga frá
auðkýfingunum. Upton Sinclair kom upp með sitt E.P.I.C.
prógram. Hér í Kanada hefir Aberhart prédilcað “Social
Credit” og Mr. Woodsworth “C.C.F.” Þessir menn með
kommúnistum hafa skotið hinum ríku skelk í bringu. Eg
tel samt ekki hina síðastnefndu hreyfingu með hinum
tveimur, nema að því er snertir ótta auðkýfinganna.
Eg er hvorki að mæla með eða móti þessum eða öðrum
hreyfingum. Eg bind mig ekki við neinn flokk, nema
lærisveinahóp Drottins Jesú. En eitt er víst: Þær hafa