Íslendingur - 21.06.1950, Blaðsíða 3

Miðvikudagur 21. júní 1950
ÍSLENDINGUR
5
Jöo Noröfjörö:
Sætin f samkomnhúsi
bæjarins.
Ég held að undanfarin ár hafi ekk-
ert af Akureyrarblöðunum minnzt
svo leiksýninga hér, að ekki hafi
jafnframt fylgt klausa, sein fordæm-
ir hin brakandi og ískrandi sæ'.i í
samkomuhúsinu. Nú nýverið vaða
svo fram á ritvöllinn Ágúst Kvaran
leikstjóri í íslendingi og Bragi Sig-
urjónsson ritstjóri í Alþýðumannin-
um og heimta ný sæti og það nú fyr-
ir haustið. Bragi gengur það langt,
að því er mér skilst, að vilja kenna
forráðamönnum bæjarins um áhuga-
og framkvæmdaleysi í þessu máli og
þá jafnframt það, að sætin eru ekki
komin fyrir löngu.
Áhuga- og framkvæmdaleysið hef-
ir þó ekki verið meira en það, að
samkvæmt beiðni bæjarstjóra hafa
Ásgeir Markússon bæjarverkfræð-
ingur og ég nú undanfarið sótt til
forráðamanna gjaldeyris og inn-
flutnings um leyfi til innflutnings á
efni (timbri) í sætin, bæði skriflega
og munnlega, þrisvar til fjórum sinn-
um á ári nú á þriðja ár, en alltaf
fengið ákveðna synjun. Meiningin
hefir verið að sætin yrðu smíðuð
hér á Akureyri og hafa jafnvel við-
urkenndar trésmiðjur hér lofað að
gera það. En það er ekki hægt að
smíða úr engu efni hér frekar en
annars staðar. Ég veit að bæjarbúum
mundi vera mikil þökk í því, ef Kvar-
an og Bragi vildu nú útvega innflutn-
ings- og gjaldeyrisleyfin, svo að hægt
væri að smíða loksins þessi marg-
umræddu sæti. Meðan þau ekki fást
þýðir ekkert að skrifa digurbarka-
lega í blöðin og heimta ný sæti fyrir
ákveðinn tíma. Það slær enginn s:g
til riddara á því.
Vitanlega þrái ég ekkert síður en
aðrir að ný sæti komi í leikhúsið
okkar. Fram mun nú hafa komið til-
laga í bæjarráði um að sett verði í
húsið föst sæti á hallandi gólfi. Þá
fyrs'. geti húsið kallast leikhús og þá
fyrst sé vel búið að leikurum Akur-
eyrarbæjar, sem oft hafa lagt á sig
mikið erfiði lil að halda uppi leik-
starfsemi hér við þröngan kost og
stakk. Þó að ég, eins og allir aðrir,
vilji óvægur fá ný sæti í húsið og
hafi gert það seni ég gat til að stuðla
að því, þá get ég ekki verið á sama
máli um þetta atriði. Ég vil að sætin
séu FÆRANLEGIR FJÖGRA
SÆTA BEKKIR. Skal ég nú færa
fram ástæður fyrir því og veit að
fjöldi manns hér í bænum er á sama
máli og ég.
1. Ef ný sæti koma í húsið, þægileg
og viðfelldin, er ekki nokkur vafi
á því, að enginn tekur eftir, hvort
þau eru föst eða laus. Þó gólfið
væri eins og það er nú, mætti i
láta sætin hækka eftir því sem
aftar dregur.
2. Hallandi gólf með nýjum sætum
er ekki nema hálft leikhús. Ef
hugsa ætti um leiklistina sjálfa
(leikarana) þyrfti að gera veru-
legar og dýrar endurbætur á
leiksviðinu sjálfu líka. Það er
alltof lítið, svo lítið, að sé um
sýningu að ræða, sem heimtar
mikinn tjaldaútbúnað, þá er leik-
sviðsstjórinn stöðugt í vandræð-
um með, hvar hann ge'.i komið
tjöldunum fyrir. Því væri hægt
að bjarga með því að byggja út-
úrbyggingu sunnan við húsið
jafnstóra þeirri, sem er nú norð-
an við það. Með því fengist meiri
dýpt á leiksviðið, góðar tjalda-
geymslur og rúmgóðir og vist-
legir búningsklefar. Ég vil geta
þess, að í núverandi búningsklef-
um getur maður átt á hættu að
fá yfir sig hellidembu af vatni
gegnum þakið, ef úrkoma er.
3. Hallandi gólf mundi u.iloka öll
önnur félög en Leikfélagið frá
húsinu, svo sem tknarfélög,
íþróttafélög og fleiri með dans-
skemmtanir, árshátíðir og fleiri
tekj uöf lunarleiðir til starfsemi
þeirra. Englnn mun bera brigður
á að ÖII þessi félög séu til menn-
ingarauka fyrir bæinn og eigi
rétt á að lifa rétt eins og I.eikfé-
lagið, enda býst ég ekki við að
það sé áhugamál Leikfélags'.ns
að útiloka þau frá húsinu. Útilok-
un þeirra mundi þýða það, að
þau yrðu að leita annað og þá
helzt til Hótel Norðurland, því
að Hótel KEA er að jafnaði ekki
leigt til opinberra skemmtana.
Þar sem sannað er að Hótel
Norðurland mun hafa tekið ca.
1000 kr. í leigu fyrir kvöldið er
auðvitað hve mikil fjáröflun það
er fyrir félögin að leita þangað.
Þá mundi útilokun þessara fé-
laga einnig hafa í för með sér,
að ráða yrði íastan húsvörð við
samkomuhúsið með fullum laun-
uni.
4. Þeim gífurlega kostnaði sem af
þessum breytingum leiddi yrði
að mæta með auknum álögum á
bæjarbúa, en ég held frómt frá
sagt, að þeim þyki þær orðnar
ærnar fyrir. Og að fara að leggja
í allan þennan koslnað í rúmlega
40 ára gömlu timburhúsi, sem
er orðið svo gisið og af sér geng-
ið að rykið þyrlast ofan úr rjáfr-
inu, ef maður hreyfir sig á leik-
sviðinu, og svo gisið, að það
heldur ekki hita þótt kappkynt
sé, ef kalt er í veðri, það álít ég
óðs manns æði. (Fagmenn hafa
sagt mér að varla væri vogandi
að leggja miðstöðvarhitun um
samkomusalinn nema kynda nótt
og dag allan veturinn, svo að
ekki frysi í pípunum.)
Nei, ef ég mætti ráðleggja forráða-
mönnum bæjarins. eftir mikla um-
hugsun, þá yrði það þetta: Setjið ný
sæti í húsið um leið og efni fæst til
þess, en hafið það „laus sæti“. Með
því gerið þið vel við bæjarbúa, sem
leikhúsið sækja, en útilokið engan
frá þessu gamla góða húsi, sem bæj-
arbúar hafa skemmt sér í fleiri tugi
ára og þykir vænt um sem alhliða
samkomuhús. Ég þykist hafa unnið
að megni fyrir leiklist hér í bæ und-
anfarin ár, svo að engum geti dottið
í hug að þessi ráðlegging sé gefin til
þess að spilla fyrir framgangi henn-
ar í bænum. En hitt er annað mál
að mig dreymir um að einhvern
tíma, kannske verð ég þá dauður,
rísi hér upp nýtt, veglegt, steinsteypt
leikhús með öllum þægindum, bæði
fyrir leikhúsgesli og leikara, veglegt
musteri móður Thalíu í höfuðborg
Norðurlands.
Jón Norðfjörð.
TILKYNNING
Að gefnu tilefni er ég hættur að
selja skófatnað fyrir Gunnar Stein-
grímsson og er því ástæðulaust að
spyrja eftir þeirri vöru í verzlun
minni.
Pr. Verzl. London
Eyþór H. Tómasson.
SUMARBÚSTAÐUR.
Sumarbústaður við Vaglaskóg er
til sölu nú þegar, ef samið er strax.
Innanstokksmunir geta fylgt, ef ósk-
að er. — Allar upplýsingar gefur
undirritaður.
Oddur Jónsson,
Skósmiður, Brekkugötu 5.
Jeppa-bifreið
lengd og jfirbyggð til sölu.
Grímur Valdimorsson
Sími 1461. Geislagata 12.
ATVINNA.
Viljum ráða 14-—15 ára ungl-
ingspilt til aðstoðarstarfa í
verzlun vorri nú þegar. — Uppl.
gefanar í síma
Brynj. Sveinsson h.f.
Skipagötu 1.
LÍTILL KOLAOFN
óskast keyptur.
Stefón Stefónsson,
járnsmiður, Glerárgötu 2.
SKÓVIÐGERÐ
Tek skótau til viðgerðar.
Hallgrímur Jónsson
Hafnarstrœti 66. —- Sími 1619.
Arður til hluthafa
Á aðalfundi H.f. Eimskipafélags íslands 10. júní 1950, var sam-
þykkt að greiða 4% fjóra af hundraði — í arð til hluthafa fyrir
árið 1949.
Arðmiðar verða innleystir í aðalskrifstofu félagsins í Reykjavík,
og hjá afgreiðslumönnum félagsins um allt land.
Athygli skal vakin á því, að samkvæmt 5. gr. samþykkta félags-
ins, er arðmiði ógildur, hafi ekki verið krafizt greiðslu á honum
áður en 4 ár eru liðin frá gjalddaga hans. Skal hluthöfum því bent
á, að draga ekki að innleysa arðmiða af hlutabréfum sínum, svo
lengi að hætla sé á, að þeir verði ógildir. Nú eru í gildi arðmiðar
fyrir árin 1945—1949 að báðum árum meðtöldum, en eldri arð-
miðar eru ógildir.
Þá skal ennfremur vakin athygli á því, að enn eiga allmargir
hluthafar eftir að sækja nýjar arðmiðaarkir, sem afhentar eru gegn
stofni þeim, sem festur er við hlutabréfin. Eru þeir hluthafar, sem
enn eiga eftir að skipta á stofninum og nýrri arðmiðaörk, beðnir
að gera það sem fyrst. Afgreiðslumenn félagsins um land allt, svo
og aðalskrifslofan í Reykjavík, veita stofnunum viðtöku.
H.f. Eimskipafélag íslands.
Aðalfundur
Aðalfundur Útvegsbanka íslands h.f. verður haldinn í húsi bank-
ans í Reykjavík föstudaginn 23. júní 1950, kl. 2 e. h.
DAGSKRÁ:
1. Skýrsla fulltrúaráðsins um starfsemi Útvegsbankans síð-
astliðið starfsár.
2. Framlögð endurskoðuð reikningsuppgerð fyrir árið
1949.
3. Tillaga um kvittun til framkvæmdarstjórnar fvrir reikn-
ingsskil.
4. Kosning tveggja fulltrúa og jafn margra varamanna í
fulltrúaráð.
5. Kosning tveggja endurskoðunarmanna.
5. Onnur mál.
Aðgöngumiðar að fundinum verða afhentir í skrifstofu bankans
frá 19. júní n. k. og verða að vera sóttir í síðasta lagi daginn fyrir
fundinn. Aðgöngumiðar verða ekki afhentir nema hlutabréfin séu
sýnd. Útibú bankans hafa umboð til að athuga hlutabréf, sem ósk-
að er atkvæðisré’.tar fyrir, og gefa skilríki um það til skrifstofu
bankans.
Reykjavík, 22. maí 1950.
F.h. fulltrúaráðsins
Stefón Jóh. Stefónsson.
Lórus Fjeldsted.
AUGLÝSING
nr. 11, 1950 fró skömmtunarsfjóra.
Ákveðið hefir verið að reiturinn „Skammtur 9“ (fjólublár) af
núgildandi „öðrum skömmtunarseðli 1950“ skuli gilda fyrir einu
kílógrammi af sykri til sultugerðar, á tímabilinu frá og með 15.
júní til og með 30. september 1950.
Reykjavík, 15. júní 1950.
Skömmtunarstjóri.
— Auglýsið í íslendingi —
000-0-0OOOCOOOOOOOOOOOO ><<<<-v^<>-<.<joe-<--»oo»oo<sooo»oo»ooooo<