Íslendingur - 23.09.1960, Blaðsíða 6
6
ÍSLENDINGUR
Föstudagur 23. september 1960
talið mig vera. Ég hefi verið í
Kaupfélagi Þingeyinga frá því um
fermingu, að undanskildum 2—3
árum?
— Var einhver ástæða fyrir
því, að þú fórst úr K. Þ. þessi
2—3 ár?
— Víst má segja það. Á
kreppuárunum, er mjög seig á
ógæfuhlið fyrir K. Þ. og við-
skiptamönnum þess, þótti mér
ekki sem bezt haldið á spilunum.
— Þú hefir kannske verið
hræddur um eignir þínar þar?
— Því svara ég neitandi, en ég
vildi, að hér yrði spyrnt við fót-
um, breytt um verzlunarrekstur,
svo að K. Þ. ynni sér aftur það
traust og álit, er það áður hafði
og á að hafa á hverjum tíma. Svo
illa var þá komið, að K. Þ. gat
ekki skaffað mönnum brýnustu
nauðsynjar, þó menn ættu stórfé
á þess vegum. Samvinnufélag þarf
að reka með þeim glæsibrag, að
viðskipti við það sé öllum aug-
ljós hagur.
— Þú ert svona mikill sam-
vinnumaður.
— Ég tel mig vandari að virð-
ingu samvinnufélaganna en mér
virðast margir þeir, sem hærra
hrópa.
— Hvernig lentir þú svo aftur
í K. Þ. og jafnvel í stjórn þess?
— Það er nú skrítin saga.
Þrátt fyrir mitt liðhlaup, sem áð-
ur greinir, fóru svo Ieikar vetur-
inn 1937, að mjög var eftir mér
gengið af viðskiptamönnum K.Þ.
í uppsveitum Þingeyjarsýslu o.fl.
að hverfa aftur til K. Þ. með það
fyrir augum að setja mig í stjóm
þess, sem svo var gert á aðal-
fundi þess. í stjórn K. Þ. var ég
svo í 7 ár, eða þar til ég fluttist
úr héraði og tók við bústjóm á
tilraunabúinu að Hesti í Borgar-
firði.
Neikvæður órangur.
— Hvað áttir þú að gera þar?
— Það var nú ekki lítið. Hall-
dór Pálsson ráðunautur gekkst
fyrir stofnun þess bús, en tilgang-
ur þess var að rækta fjárstofn, er
reynast kynni lítt næmur fyrir
mæðiveikinni.
— Hvernig datt Halldór ofan
á þig? Yoru ekki nógir spreng-
lærðir búfræðikandídatar til
svona starfa?
— Það er von þú spyrjir.
Þannig spurði ég Halldór, er hann
hreyfði þessu fyrst við mig. En
líklega hefir sú ástæða til þess leg-
ið, að ég hafði um 7 ára skeið
notið styrks frá Búnaðarfélagi ís-
lands fyrir að reka sauðfj árrækt-
arbú að Grænavatni, er þá hafði
notið þess álits, að einhver oftrú
hefir verið lögð á mig.
— Var þér létt um að hverfa
frá búskap þínum á Grænavatni?
— Nei, þaðan hefði ég aldrei
farið lifandi, ef mæðiveikin hefði
ekki verið búin að láta greipar
sópa um sauðfé mitt.
— Hvaða árangri náðuð þið
þarna á Hesti?
— Hann var mjög neikvæður
og vera mín þar aðeins 3 ár. Þá
var mér orðið það ljóst, að þetta
var tilgangslaust starf, því að
mæðiveikin hafði alltaf betur en
við Halldór Pálsson. En nú er
viðhorfið annað: að fást við að
rækta heilbrigðan fjárstofn.
— Hvernig féll þér við Borg-
firðinga?
— Að ýmsu leyti vel, en þó |
fannst mér félagsmálaþroska
þeirra ábótavant. Einnig átti tíð-
arfarið ekki við mitt geð.
— Hvað tókstu þá næst fyrir?
— Ég réðist til skrifstofustarfa
hjá Mjólkursamlagi K. Þ., er þá
var að rísa á legg, og fluttist til
Húsavíkur 1. júní 1947 og hef
unnið hér síðan.
— Nægir þér 7—8 stunda
vinnudagur?
— Varla sýnist svo vera, því
þrátt fyrir það, að ég var ákveð-
inn í, er ég fluttist hingað, að
fara ekki að fást við sauðfjárbú-
skap, á ég nú 140 hausa á fjalli,
og þykir víst sumum nóg.
Ekki furða,
þótt undan svíði.
— Hefir þú ekki haft ákveðnar
skoðanir á stjórnmálum?
— Þar hefi ég lítið komið við
sögu en oftast tekið ákveðna af-
stöðu til þeirra mála, er á dagskrá
hafa verið.
— Hvernig lízt þér á viðreisn-
artilraunir ríkisstjórnarinnar?
— Á þær ætla ég engan dóm
að leggja en sýna biðlund og sjá,
hvað setur. Tel ekki von, að á-
rangur sjáist enn. Álít, að svo illa
hafi málum verið komið, að eng-
an þurfi að undra, þótt undan
svíði. Ég virði viðleitni ríkis-
stjórnarinnar, að þora að ganga
röggsamlega að verki, og efa ekki,
að mest af því, sem hún gerir, sé
spor í rétta átt, og ósæmilegt, að
hinir ábyrgðarlausu flokkar, er
rufu vinstri stjórn fyrirvaralaust,
láti hana ekki hafa vinnufrið.
— Finnst þér ekki Framsókn
komin út af sporinu?
(rd BdnHKkílom Aknreyrar
Skólarnir verða settir laugardaginn 1. október klukkan 2
síðdegis. Barnaskóli Akureyrar verður settur í kirkjunni. —
Börnin mæti við skólann kl. 1.45.
Setning Glerárskólans verður auglýst síðar.
Skólaskyld börn, sem flutt hafa til bæjarins í sumar, og ekki
hafa þegar verið skráð, eru beðin að mæta í viðkomandi skól-
um föstudaginn 30. sept. kl. 3 síðdegis, og hafi ,þá með sér
einkunnir frá síðasta vorprófi.
Ak^yeyri, 20. sept. 1960.
Skólasfjórarnir.
B^ing:alána§|óðnr
Umsóknir um lán úr Byggingalánasj óði Akureyrarbæjar
sendist undirrituðum fyrir 1. október næstkomandi.
Umsóknareyðublöð fást á bæjarskrifstofunum.
Endurnýja þarf eldri umsóknir.
Bæjarstjórinn á Akureyri, 16. sept. 1960.
Magnús E. Guðjónsson.
— Jú, enda varð mér að orði,
þegar Hermann Jónasson hóf sitt
vinstristjórnarbrölt: „Nú er
Framsókn feig.“ Enda mun svo
reynast.
— Þú vilt máske fækka hinum
pólitísku flokkum?
— Já, vissulega þarf þess. Þá
fyrst gætum við haft starfshæfa
ríkisstjórn, er á togast hægri og
vinstri öfl.
— Býst þú við að eyða ævi-
kvöldi þínu hér á Húsavík?
— Enginn veit sína ævina fyrr
en öll er, segir gamall málsháttur,
og mun það geta átt við mig sem
aðra. En ætti ég óskastund, mundi
ég kjósa sonarsonum mínum, að
þeir yrðu rótfastir á Grænavatni,
og að ég mætti þaðan ganga tii
hinztu hvíldar.
Joðee.