Faxi - 01.11.1964, Blaðsíða 2

GULLBRÚÐKAUP
þessar mundir vinnum við að því, að
félagsmenn okkar gerist sjóðfélagar. En
vitanlega er hver iðnaðarmaður sjálfráður,
hvort hann gerist það eða ekki, en við
teljum æskilegt að iðnaðarmenn styðji
sjóðinn með því að gerast félagar, enda
tvímælalaust þeirra hagur.
— Hvað fleira á döfinni?
— Við erum núna að vinna að því að
fá þá sem standa utan félagsins til þess
að gerast félagar. Hefir okkur orðið tölu-
vert ágengt í þessum efnum. A síðasta
aðalfundi gengu inn 25 nýir félagar og
losar félagatalan nú hundraðið, en tak-
markið er að ná inn í félagið öllum ó-
félasgbundnum iðnaðarmönnum á félags-
svæðinu, sem er allur Reykjanesskaginn
sunnan Hafnarfjarðar.
— Nokkuð nýtt á ferðinni hjá ykkur?
— Á síðasta aðalfundi var lögum fé-
lagsins breytt með það fyrir augum, að
stofna deildir fyrir liverja faggrein. Þetta
er ekki komið til framkvæmda ennþá.
Þegar o'kkur hefur tekizt að fjölga skráð-
um félagsmönnum og koma lífeyrissjóð-
um á laggirnar á félagssvæðinu, ætlum
við að opna skrifstofu sem hafi á hendi
ýmis konar þjónustustörf svo sem að taka
á móti framlögum í sjóðinn, annast upp-
mælingu og verkáætlanir og jafnvel sjá
um innheimtu fyrir félagsmenn svo og
að veita almenningi upplýsingar, til dæmis
um iðnnám, sem mundi auðvelda ungu
fólki, sem áhuga hefði á iðnnámi, hvar
lielzt væri að leita fyrir sér í þessum efn-
um. Hér er aðeins drepið á nokkur þýð-
ingarmikil atriði, er sýna, að verkefni
slíkrar skrifstofu gætu verið geysimiirg og
margvísleg. Og mundi þjóna jafnt borg-
urunum og iðnaði, sem bönkunum sjálf-
um.
— Er nokkuð fleira, sem þú vilt segja
Þorbergur, áður en við ljúkum þessu
spjalli?
— Ég legg á það mikla áherzlu, að
þessar frambúðaráætlanir okkar eru til
þess ætlaðar, að auka og efla samstarf og
skilning milli iðnaðarmanna og þeirra, sem
við þá skipta.
H. T/i. B.
Fyrsti snjór.
Laugardaginn 24. október kom fyrsti snjór
hér á Suðurnesjum, tveimur dögum áður
hafði þó aðeins hvítnað í rót, meira þó í
Reykjavík.
Presthúsahjónin í Garði, frú Kristfn
Hreiðarsdóttir og Oddur Jónsson, sem
þar hafa búið myndarbúi um langan
aldur og sett svip á sitt byggðarlag, áttu
gullbrúðkaup sunnudaginn 1. nóv. s. 1.
Þar sem ég oft hafði heyrt á þessi
merkishjón minnzt lék mér forvitni á að
Gullbrúðhjónin Oddur Jónsson og Kristín
Hreiðarsdóttir á yngri árum.
frétta af þeim nánar og notaði því þetta
tækifæri til að afla mér hjá kunnugum
frekari upplýsinga um uppruna þeirra og
ævistarf.
Frú Kristín er fædd 19. ágúst 1888 að
Hátúnum í Landbroti, dóttir hjónanna
Júlíönu Magnúsdóttur og Hreiðars Bjarna-
sonar, sem þar bjuggu lengi, og var Krist-
ín næstyngst af 19 alsystkinum. En faðir
hennar, sem var tvíkvæntur, mun alls
hafa átt 24 börn.
Þegar Kristín var 2ja ára missti hún
föður sinn og var þá tekin í fóstur að
Kálfafelli í Fljótshverfi af frændkonu
sinni Sólveigu Einarsdóttur, sem um þær
mundir bjó þar sem ekkja með syni
sínum, Sigurði.
Oddur er fæddur á Keldunúpi á Síðu,
25. október 1886, sonur hjónanna Guð-
rúnar Olafsdóttur og Jóns Jónassonar, er
þar l)juggu um skeið. Er Oddur elztur
16 barna þeirra hjóna og var þetta barn-
marga æskuheimili hans því eðlilega fá-
tækt af veraldarauði. Varð drengurinn
því snemma að fara að vinna og hjálpa
til við framfærslu systkina sinna eins og
altítt var um elztu börnin á ómegðar-
heimilum. Hann er því einn þeirra, sem
muna tímana tvenna í orðsins eiginleg-
ustu merkingu.
Oddur dvaldist með foreldrum sínum
til 28 ára aldurs, en þá breytti hann til
og fluttist suður til Hafnarfjarðar og gekk
þá að eiga konu sína Kristínu. I Hafnar-
firði bjuggu þau aðeins eitt ár og eignuðust
þar sitt fyrsta barn, Júlíus Guðjón, sem
kvæntur er Margréti Jónsdóttur. Eru þau
nýflutt úr Garði til Reykjavíkur. Eftir
þetta fyrsta búskaparár sitt í Hafnarfirði
fluttu þau að Móhúsum í Garði, þar sem
þau bjuggu um 10 ára skeið og þar sem
öll hin börnin þeirra 3 eru fædd, en kaupa
þá Presthúsin og hafa búið þar síðan.
Fyrsta barn þeirra fætt í Móhúsum, var
Sólveig Sigrún, Kona Hjálmars Magnús-
sonar útgerðarmanns á Nýjalandi í Garði
Eiga þau hjónin 6 börn, 4 drengi og 2
stúlkur. Yngst þeir Nýjalandssystkina er
Jón, hinn ágæti útsölumaður Faxa í Garði.
Þriðja barn þeirra Presthúsahjóna,
Kristínar og Odds, er Jónína Sólveig,
deildarstjóri hjá Kaupfélagi Suðurnesja
í Keflavík og Ingimar sem er iðnfræðing-
ur að menntun og kvæntur sænskri konu,
Önnu Stínu. Eru þau hjónin búsett í Sví-
þjóð.
Þá ólu þau Kristín og Oddur upp
Eyjólf Gíslason, er kom til þeirra 5 ára
gamall. Hann er kvæntur Helgu Tryggva-
dóttur og eru þau búsett á Laufási í Garði.
Mér er tjáð, að Presthúsáhjónin hafi
verið mjög samhent við bústörfin utan
húss sem innan og við uppeldi barna sinna.
Presthús munu á uppvaxtarárum þeirra
hafa verið yndislegt og aðlaðandi heimili,
þar sem ríkti sönn og varanleg vinátta.
Sagt er mér t. d. að bóndanum á því heim-
ili hafi aldrei hrotið blótsyrði af vörum,
hvað þá að hann hafi skipt skapi við sam-
starfsmenn sína og nágranna, enda mun
hann fáa óvini hafa eignast um dagana.
Eftir að þau hjónin settust að í Garð-
inum tók Oddur að stunda sjóinn, fyrst
framan af í skiprúmi hjá öðrum, en fljót-
lega eignaðist hann sinn eiginn farkost
og réð þá til sín útgerðarmenn á vertíðum
eins og það var þá kallað. En þessir menn
bjuggu jafnan á heimili skipseigenda.
142 — FAXI