Faxi - 01.01.1971, Síða 4

Reykjaneskaupstaður
Um all langt skeið hafa staðið yfir umræður um sameiningu sveit-
arfélaga í landinu, hefir þar sitt sýnst hverjum. Sumir telja samein-
ingu til lítilla bóta, aðrir segja hana vera allra meina bót. Hlýtur þessi
skoðanamunur að fara nokkuð eftir aðstöðu hvers og eins.
Það er engum vafa bundið, að þróunin, bæði hér og erlendis, er í
þá átt, að stækka sveitarfélögin, bendir margt til þess. Hér á landi
hafa t. d. ekki verið mynduð ný sveitafélög undanfarin ár og a. m. k.
hafa tvö stór sveitarfélög ákveðið sameiningu á þessu eða næsta ári,
þ. e. Isafjörður og Eyrarhreppur.
Fyrir tæpum þrjátíu árum skeði það óhapp, að ég tel, að í Stakks-
firði voru tvö sveitarfélög mynduð úr einu, Njarðvíkurhreppur og
Keflavíkurhreppur. Astæðurnar fyrir þessari sundrungu voru að
mínu viti mjög léttvægar, og að því er kunnugir herma, mun það
hafa haft úrslitaáhrif á skiptingu hreppsins, að 30 ha. dísilmótor, er
keyptur var gamall frá Stokkseyri, var staðsettur í rafstöðinni í Kefla-
vík til ljósaframleiðslu þar, í stað þess að koma honum fyrir í Njarð-
víkum og láta hann framleiða rafmagn til götulýsingar þar.
Á því er enginn efi, að skipting hreppsins á þessum tíma hefir haft
ýmis neikvæð áhrif á framgang margra góðra mála hér í Stakksfirði
og jafnvel Reykjanesi öllu, ýmsum framkvæmdum, sem hefðu getað
fullnægt þörfum allra íbúa við Stakksfjörð, hefðu þær verið leystar
sem eitt verkefni, hefir verið skipt í tvennt og hafa íbúar hvorrar
víkurinnar um sig leyst þau án samráðs eða samvinnu við fólkið í
hinni víkinni.
Daglega höfum við þetta fyrir augunum: Tvö íþróttasvæði, tvær
sundlaugar (báðar litlar), tvær rafveitur og þannig mætti lengi telja.
Ég held að íbúum Stakksfjarðar sé orðið ljóst, að þessi skipting fólks-
ins í tvö sveitarfélög er úrelt og að hér þarf að gera á breytingu.
Margir góðir menn hafa um þetta rætt og ritað og flestir komist að
þessari niðurstöðu.
Allir íbúar við Stakksfjörð eiga að vera í einu sveitarfélagi, sama
hvort þeir búa í Njarðvíkum eða Keflavík. Fjarlægðir eru sáralitlar
og atvinnusvæðið það sama, höfnin sú sama og sama prestakall, svo
nokkuð sé nefnt. Þrjátíu ára kritur milli víkanna á ekki lengur að
hafa áhrif á okkur, sem nú byggjum Stakksfjörð. Við eigum að sam-
einast og stofna Reykjaneskaupstað!
Sameinuð gætum við leyst verkefnin á hagkvæmari hátt, en við
nú gerum, skipulagt framtíðarmálefni okkar betur, gert þjónustu-
einingarnar stærri og þá um leið ódýrari í rekstri. Utávið yrði þá
bæjarfélagið mun áhrifameira og þróttugra, jafnt í iðnaði, framleiðslu
og fræðslumálum. Þar má m. a. benda á byggingu og rekstur mennta-
skóla í Innri-Njarðvík, sem er nú mjög aðkallandi verkefni, er heimtar
okkur til samstarfs. I síðasta tbl. Faxa er grein um þetta brýna hags-
munamál og vonandi verður oftar um það f jallað, þar til sigur vinnst.
Einnig þyrfti að breyta lögsagnarumdæminu.
Eins og flestum er kunnugt ver ríkið nokkru fé til styrktar vinnu-
rannsóknum. Árlega útskrifast nokkur hópur vinnuhagræðingar-
manna. Þeir koma á vinnustaðina, mæla skref og telja sekúndur til
að vita, hvort ekki sé hægt að fækka skrefum og þannig gera ýmis
verk á styttri tíma. Þetta sama ríkissamfélag lætur viðgangast, að
maður með búsetu í Njarðvík þurfi að aka 40 km. leið til þess að fá
svö einfalda þjónustu, sem eitt veðbókarvottorð.
Allir, sem við Stakksfjörð búa, eiga að sameinast um eitt bæjar-
félag, Reykjaneskaupstað og fá sitt eigið lögsagnarumdæmi, er nái
yfir allt svæðið sunnan Hafnarfjarðar. Að því skulum við vinna.
Gunnar Sveinsson.

Úfgerðarmenn!
Línubalar,
kr. 844,00.
Uppsett lína
kr. 790,00 (línan).
Línuteinar
Baujuflögg
Línubelgir
Færaefni
Fiskigoggar
Úrgreiðslugoggar
Þríkrækjur
KAUPFÉLAG SUÐURNESJA
Vörugeymslan — Sími 2616
<><><><><><><><><><><><><><><><>3^^
4 — F AXI