Útvarpstíðindi - 01.04.1953, Síða 17

DAGLEGT MÁL
„Ég er tniklu bjartsýnni um framtíð ís-
lenzkunnar síðan ég hóf flutning þáttarins
Óhætt er að fullyrða, að þáttur Ríkis-
útvarpsins í málvöndun sé þegar orð-
inn mikill. Má þar m. a. minna á hina
vinsælu þætti „íslenzkt mál“ og nú síð-
ast þáttinn „Daglegt mál“, sem Eiríkur
Hreinn Finnbogason cand. mag. hefur
annazt. Hafa Útvarpstíðindi snúið sér
til Eiríks og beðið hann að gera lesend-
um þeirra nokkra grein fyrir þessum
þætti hans. Fer grein hans hér á eftir.
Ég er ekki upphafsmaður þeirrar hug-
myndar, að Ríkisútvarpið flytti þátt á
borð við Daglegt mál. Það munu vera
um 20 ár síðan hún skaut upp kollinum
fyrst og ætla ég, að Benjamín Sigvalda-
son fræðimaður hafi fyrstur manna vak-
ið máls á slíkum þætti við ráðamenn
útvarpsins. Ekki veit ég þó, hvers vegna
þessi hugmynd hefur ekki komizt í
framkvæmd fyrr en í vetur. Ég tel mig
geta fullyrt, að hér muni ekki vera um
að saka áhugaleysi ráða- og áhrifa-
manna Ríkisútvarpsins. Þeir hafa sýnt
þessum málum, síðan ég fór að blanda
/
ÚTV ARPSTÍ ÐXNDI
mér í þau, fullan skilning og áhuga,
sem ég kann þeim miklar þakkir fyrir.
Tilgangurinn með þessum þætti er
fyrst og fremst sá, að taka til athugunar
helztu málvillur og orðskrípi í mæltu
máli og blöðum og vekja almenning til
umhugsunar um þau efni. Af nógu er
að taka, og hef ég óttazt annað meira í
sambandi við þáttinn en að í hann skorti
efni. Þágufallssýki, rangar beygingar,
erlend áhrif, gömul og ný, ónákvæmni
í meðferð málsins, sljór skilningur á
merkingum orða — allt þetta á sér stað
í daglegu máli voru, og fleira mætti
telja. Auðvitað er baráttan gegn þessu
fyrst og fremst í verkahring skólanna.
En viðnám móðurmálskennaranna gegn
málvillunum er þó óskipulegt og án
samvinnu milli þeirra. Einn leggur
mikla áherzlu á að leiðrétta málvillur,
annar litla. Það torveldar starfið, að
engin gagnger rannsókn hefur farið
fram á því, hvers konar málvillur eigi
sér helzt stað né hvernig baráttunni
gegn þeim yrði bezt hagað. En jafnvel
17