Prentarinn - 01.12.1968, Side 13

Óðinn Rögnvaldsson:
Ráðstefna norrænna prentarasamtaka
í Svíþjóð 1968
Dagana 20.—21. ágúst síðastliðið sumar hcldu nor-
rænu prentarasamtökin, Nordisk Typograf-Union,
árlega ráðstefnu sína. Að þessu sinni var ráðstefnan
haldin í Kungálv, smábæ norðan við Gautaborg í
Svíþjóð. Hið ísl. prentarafélag þáði hoð um að senda
einn áheyrnarfulltrúa á þessa ráðstefnu, en árið
1967 sátu þeir Stefán Ogmundsson og l’jctur Stefáns-
son ráðsefnu sanrtakanna, er haldin var í Danmörku.
Þátttakendur voru frá Danmörku: Henry Nielsen,
Gerhard Jensen og Louis Andersen. Finnlandi: Erkki
Nissilá, Pauli Neiminen og Arvo Itáluoma, en að
auki túlkur þeirra, Judith Sundman. íslandi: Óðinn
Rögnvaldsson, áheyrnarfulltrúi. Noregi: Reidar
Langás, Harry Pedersen og Arild Wigaard. Svíþjóð:
Erik Alderin, Sten Cederqvist og Olle Hansson. Eig-
inkonur þátttakenda voru einnig með í förinni og
héldn þær hópinn og gerðu sér ýmislegt til skemmt-
unar meðan menn þeirra sátu fundi ráðstefnunnar.
Fulltrúarnir komu til Kungálv daginn fyrir setningu
ráðstefnunnar og snæddu sameiginlega kvöldverð.
Snemma næsta dag hófst svo ráðstefnan.
Ráðstefnan sett og dagskrá hennar ákveðin
Forinaður sænska prentarasambandsins, Erik
Alderin, setti ráðstefnuna og bauð þátttakendur
velkomna. Lagði hann fram eftirfarandi tillögu að
dagskrá:
1 Ráðstefnan sett og dagskráin ákveðin.
2. Kosning forseta, ritara og meðstjórnenda.
3. Skýrslur prentarasamtakanna um starfsemi sína
s.l. ár, í þessari röð:
a) Danmörk.
b) Finnland.
c) Island.
d) Noregur.
e) Svíþjóð.
4. Skýrsla varðandi hag Nordisk Typograf-Unions
1.1.-31.12. 1967.
5. Umræður varðandi þátttöku Hins íslenzka prent-
arafélags sem fullgilds aðila í Nordisk Typograf-
Union.
6. Umræður varðandi skipulagsbreytingu Nordisk
Typograf-Union. Málshefjandi: Danska prent-
arasambandið.
7. Layout — verksmið fyrir prentara? Málshefjandi:
Danska prentarasambandið.
8. Tæknileg þróun og faglegt markmið. Sænska
pren tarasambandið.
9. Onnur mál.
10. Norræna prentararáðstefnan 1969.
11. Ráðstefnunni slitið.
Forseti ráðstefnunnar var kosinn Erik Alderin,
ritari Sten Cederqvist og meðstjórnendur Henry
Nielsen, Erkki Nissilá og Reidar Langás.
Skýrslur einstakra sambanda um starfsemi
sína á liðnu ári
Danmörk: Nielsen
Henry Nielsen, formaður danska prentarasam-
bandsins, hóf skýrslu sína með því að skýra frá því,
að samningarnir hjá þeirn rynnu út 1. marz 1969.
Samningsaðilar hafa komið sér saman um að skipa
nefnd til þess að fjalla um fyrirkomulag 40 stunda
vinnuviku. Það er nú ákveðið með samningum að
heimilt sé að taka upp bónusfyrirkomulag í prent-
smiðjum, þar sem áhugi er fyrir að koma því á.
Stjórn prentarasambandsins hefur því komið á fót
sérstökum námskeiðum fyrir trúnaðarmenn um
þetta mál. Þessi námskeið koma til með að hafa
mikla þýðingu varðandi þetta fyrirkomulag. Prent-
arasambandið hefur einnig sett fram ákveðnar
grundvallarreglur við samninga um bónusfyrir-
komulag í fyrirtækjum. Samningarnir skulu byggj-
ast á eftirfarandi:
1. Framleiðslurannsókn, tímamælingar o. s. frv. skulu
framkvæmdar af nefnd. Líta skal á þetta sem und-
anfara atvinnulýðræðis, þ. e. þátttöku starfsfólks
í stjórnun fyrirtækja.
PRENTARINN
93