Bókmenntaskrá Skírnis - 01.01.1969, Síða 5

Formáli
Skrá þessa hef ég tekið saman að tilhlutan ritstjóra Skírnis. Slík
skrá hefur ekki áður birzt i ritinu - og raunar ekki öðrum íslenzkum
tímaritum, svo að mér sé kunnugt. Er því nauðsynlegt við upphaf
verks að fara um það nokkrum orðum til skýringar. Ber einkum að
hafa eftirfarandi atriði í huga:
1) Skráin er bókmenntasöguleg, þ. e. hún greinir skrif um bók-
mennir, en ekki bókmenntaverkin sjálf nema nauðsynlegt sé vegna
þess, sem um þau er ritað.
2) Skráin nær yfir tímabilið frá og með Jóni Arasyni til okkar
daga, en hún greinir einungis umsagnir, sem birtast næsta ár á und-
an útkomu hennar - í þetta sinn árið 1968. Á sama hátt er ætlunin
að taka fyrir hvert ár framvegis.
Fremst í skránni fara kaflar um bókfræði, bókaútgáfu og blöð
og tímarit. Að öðru leyti greinir skráin umsagnir um hin eiginlegri
bókmenntaverk, og fjallar yfirgnæfandi meiri hluti þess efnis um
samtímabókmenntir, svo sem að líkum lætur. Val efnis er ekki ein-
skorðað við fagurbókmenntir í þröngum skilningi, heldur eru teknar
með umsagnir um þjóðsögur, bréfasöfn og ýmislegt það, sem
kalla mætti þjóðlegan fróðleik. Einnig hafa verið teknar með um-
sagnir um ævisögur, ferðalýsingar og viðtalsbækur, ef að þeim
standa skáld eða rithöfundar, svo og leikdómar um sýningar á verk-
um íslenzkra höfunda.
Svo sem vænta má, hlýtur margt af því, sem vísað er til í
slíkri skrá, að vera harla smátt framlag til bókmenntasögunnar. Þó
hefur ýmsu hinu lítilfjörlegasta verið sleppt, svo sem fréttaklausum
og ýmsum nafnlausum pisllum, sem hvorki verður talið, að skýri
verk eða séu til vitnis um viðtökur.
Til efnisöflunar hefur verið kannað mestallt íslenzkt prentmál