Morgunblaðið - 07.01.2009, Blaðsíða 1

MIÐVIKUDAGUR 7. JANÚAR 2009
íþróttir
Best Kristrún og Jakob Örn valin bestu leikmennirnir í fyrri hluta Íslandsmótsins í körfubolta.
Kristrún tekur körfuboltann fram yfir námið og Jakob er ánægður á heimaslóðum í KR 2-3
Íþróttir
mbl.is
Eftir Trausta Salvar Kristjánsson
trausti@mbl.is
Björgvin náði frábærri fyrri ferð í gær er hann fór
Crveni Spust-brekkuna á 55.32 sekúndum, en hann var
67. í rásröðinni af 75 keppendum sem fyrr segir. Til sam-
anburðar fékk Frakkinn Jean-Baptiste Grange, sem var
fyrstur eftir fyrri ferðina, tímann 53.91. Í seinni ferðinni
fór Björgvin á 1.01.25 sem skilaði honum í 25. sæti, en
þar sem Svíinn Andre Myhrer var dæmdur úr leik, færð-
ist Björgvin upp um eitt sæti.
„Ég er mjög ánægður með daginn. Loksins tókst þetta
hjá mér, en ég er búinn að bíða eftir þessu ansi lengi,“
sagði Björgvin hæstánægður í gær. Hann átti við flensu
að stríða, en lét hana ekki aftra sér í brekkunni. „Það var
varla neitt til að tala um, ekkert sem ég lét trufla mig.
Ég vissi af einum sem hafði komist niður og endaði meðal
30 efstu og ég sagði við sjálfan mig, að fyrst hann komst
niður, ætlaði ég líka að komast niður. Þetta átti bara að
smella og það small, enda er ég í toppformi. Það var sér-
staklega góð tilfinning að komast niður í fyrri ferðinni og
ég ákvað að taka þetta af öryggi í seinni. Þetta er senni-
lega eitt allra glæsilegasta mótið í keppninni og brautin
var alveg frábær; glerhörð og fín. Og svo bætast við flóð-
ljós og 40-50.000 áhorfendur og stemningin alveg frá-
bær,“ sagði Björgvin, sem fer til Adelboden í Sviss um
helgina. „Stefnan er að gera betur þar, enda á ég afmæli
á keppnisdaginn, verð 29 ára. Ég vona að ég fái betri gjöf
þá!“
Besti árangur síðan 2000
Árangur Björgvins í gær, að vera meðal 30 bestu í
heimsbikarnum á skíðum, er sá besti hjá Íslendingi síðan
árið 2000, en þá varð Ólafsfirðingurinn Kristinn Björns-
son í 18. sæti í Bomio á Ítalíu.
Morgunblaðið/ Brynjar Gauti
Hæstánægður Árangur Björgvins er sá besti hjá Íslendingi síðan árið 2000, þegar Kristinn Björnsson varð 18. í móti á Ítalíu.
„Loksins tókst
þetta hjá mér“
 Björgvin Björgvinsson varð í 24. sæti í heimsbikarnum í svigi í Zagreb í gær
BJÖRGVIN Björgvinsson, skíðakappi frá Dalvík, náði í gær
sínum besta árangri á móti í heimsbikarnum í svigi, sem
fram fór í Zagreb í Króatíu. Björgvin endaði í 24. sæti, en 75
keppendur tóku þátt í mótinu, sem þykir eitt það glæsileg-
asta í mótaröðinni. Stefnir Björgvin á að gera enn betur í
Adelboden um næstu helgi.
Í HNOTSKURN
» Millitímar Björgvins ífyrri ferðinni voru eft-
irfarandi: Hlið 1= 20.75,
Hlið 2= 39.34. Samtals
55.32.
» Millitímar Björgvins íseinni ferðinni voru
eftirfarandi: Hlið 1= 22.09,
hlið 2= 42.59. Samtals
1.01.25.
» Björgvin er fæddur 11.janúar árið 1980 og
verður því 29 ára á sunnu-
daginn, er hann tekur þátt
í heimsbikarnum í
Adelboden í Sviss.
JÓHANNES Karl Guðjónsson fór
meiddur af leikvelli strax á 15. mín-
útu í leik Tottenham og Burnley í
enska deildabikarnum í gær. Hann
segist þó ekki alvarlega meiddur.
„Ég held ég sé nú ekki illa tognaður
eða með rifinn vöðva. Ég fór upp í
skallabolta og stífnaði allur upp í
lærinu þegar ég lenti, sem síðan
varð að svaka krampa. Ég gat ekki
beitt mér að fullu og því ekkert
annað í stöðunni en að fara af velli.
Vonandi eru þetta bara nokkrir
dagar sem ég verð frá. Ég vonast til
að þetta verði bara nuddað úr mér,
því ég hef ekki áður fengið svona
meiðsli,“ sagði Jóhannes í gær.
trausti@mbl.is
Meiðslin
ekki alvarleg
Eftir Skúla Unnar Sveinsson
skuli@mbl.is
„MÉR fannst Egyptarnir einhvern veginn
gefa eftir fljótlega í leiknum. Þeir mættu okk-
ur mjög grimmum og það virtist einhvern veg-
inn fara alveg með þá. Þegar upp var staðið
virtust þeir ekki tilbúnir í þann slag sem til
þarf. Við mættum þeim mjög ákveðið í upphafi
leiks og þegar það gekk ekkert hjá þeim gáfust
þeir upp. Þeir voru að pirra sig á þessu og
brjóta eins og kjánar,“ sagði Guðmundur Guð-
mundsson, landsliðsþjálfari í handknattleik,
eftir að íslenska karlalandsliðið lagði Egypta-
land 29:17 í Svíþjóð í gær.
Markaskorun íslenska liðsins dreifðist mjög
vel, sérstaklega í fyrri hálfleik en þá gerðu átta
leikmenn þau 14 mörk sem liðið skoraði fyrir
hlé, en þá var staðan 14:8. Ekki var mikið skor-
að úr hraðaupphlaupum, aðeins þrjú mörk úr
slíkum í fyrstu bylgju. „Þau voru nú samt fleiri
og trúlega ein sjö eða átta ef við teljum aðra og
þriðju bylgju með. Þetta er ákveðið kerfi hjá
okkur og við hættum ekkert þó við komumst
ekki í skotfæri alveg á fyrstu bylgju, heldur
höldum áfram,“ sagði Guðmundur.
Tveir leikmenn, sem líklegast hefðu leikið
stórt hlutverk í gær, voru fjarri góðu gamni,
en þeir Einar Hólmgeirsson og Aron Pálm-
arsson eru báðir meiddir. „Ég veit nú ekki
hvernig verður með þá en er að vonast til að
Einar geti leikið með okkur í leiknum á morg-
unn [í dag] en það er lengra í Aron. Hann nær
hugsanlega tveimu síðustu leikjunum í mótinu
í Danmörku um helgina,“ sagði Guðmundur.
„Ég var mjög ánægður með Ásgeir Örn þó
hann skoraði ekki mikið, en það kemur hjá
honum. Ragnar stjórnaði sókninni mjög vel og
það var alveg til fyrirmyndar hvernig hann
stóð sig við að stjórna sóknarleiknum hjá okk-
ur. Svo var Björgvin auðvitað stórkostlegur í
markinu og Logi sjóðandi heitur fyrir utan,“
sagði Guðmundur, sem fer með liðið til Dan-
merkur í annað æfingamót og leikur þar á
föstudag, laugardag og sunnudag.
Björgvin var auðvitað stórkostlegur í markinu
Morgunblaðið/Golli
Skyttur Ásgeir Örn átti flottan leik í gær en
Einar Hólmgeirsson var fjarri góðu gamni.
Eftir Guðmund Hilmarsson
gummih@mbl.is
FH-ingar eru í viðræðum við lands-
liðsmanninn Bjarna Fritzson um að
ganga til liðs við félagið en eins og
fram kom í Morgunblaðinu á dög-
unum vinnur Bjarni að því að fá sig
leystan undir samningi við franska
liðið St. Raphael. Ef af samningi
verður mun Bjarni leika með FH-
ingum út tímabilið en Hafnarfjarð-
arliðið hefur komið skemmtilega á
óvart í vetur, er í 4.-6. sæti í N1-
deildinni og er komið í undanúrslit í
bikarkeppninni þar sem það mætir
Val.
Hermann kominn frá Stjörnunni
Þá er Hermann Björnsson geng-
inn í raðir FH-inga frá Stjörnunni en
eins og fram hefur komið eru leik-
menn Garðabæjarliðsins lausir allra
mála hjá liðinu en samningi þeirra
var rift á dögunum vegna bágrar
fjárhagsstöðu. Hermann er ungur
og efnilegur örvhentur leikmaður
sem getur leikið sem skytta og
hornamaður.
FH-ingar í
viðræðum
við Bjarna