Félagsblað íþróttafélags Reykjavíkur - 01.03.1931, Blaðsíða 5
FÉLAGSBLAÐ ÍÞRÓTTAFÉLAGS REYKJAVÍKUR
5
vera í I. R., það sýnir hegðun hans, hvar sem
hann kemur fram?
Félagi I. R., reyndu að kappkosta að því,
sem að framan er sagt. Að vera góður félagi
styrkir sjálfan þig og félag þitt, og þeim tíma
og öðru, sem þú leggur af mörkum, er ekki á
glæ kastað.
Víðavangshlaup.
I. R. hefir auglýst víðavangshlaup, sem fara
á fram 1. sumardag eins og vant er. Er það í
fimmtánda sinn, sem hlaupið verður, og er von-
andi, að félagsmenn sjái sóma sinn í því, að
verða með, en þátttaka í.-R.-inga hefir verið
mjög léleg síðustu árin, og er það meira en
meðal-skömm.
Allir vita, að hlaup er mjög skemmtileg í-
þrótt, og víðavangshlaup sérstaklega, enda eins-
konar undirbúningsskóli undir öll önnur hlaup.
Hlauparinn lærir það, að temja sér vissar og ör-
uggar hreyfingar, og það þroskar hjá honum
bæði úthald og snarræði. Félagsmenn ættu því
sem flestir að vera með til æfinga, jafnvel þótt
þeir hugsi sér ekki að taka þátt í keppni.
Þegar hlaupið var fyrsta sinni 1916, urðu
þessir í.-R.-ingar fyrstir:
Nr. 1. Jón Jónsson Kaldal.
— 2. Ólafur Sveinsson.
— 3. Otto B. Arnar.
Kaldal hlaut hér sín fyrstu verðlaun, og var
það byrjun á langri og glæsilegri íþróttaþátt-
töku. Hefir enginn Islendingur (,,amatör“) hlotið
aðra eins frægð í íþróttum og Kaldal, enda var
hann, og er ef til vill enn, einna glæsilegasti
hlaupari, sem verið hefir á Norðurlöndum á
þessari öld. Hlaupalagi hans — stíl — er við-
brugðið, enda eru myndir af honum á hlaupum
hafðar sem fyrirmyndir í kennslubókum í í-
þróttum. —
Kaldal sér nú um æfingar félagsins í hlaup-
um, svo að þeir, sem taka þátt í þeim, eru í
góðum höndum. — Félagar í. R. geta ekki gefið
félaginu betri sumargjöf, en að vinna hlaupið
að þessu sinni.