Morgunblaðið - 24.09.2009, Blaðsíða 7

MORGUNBLAÐIÐ FIMMTUDAGUR 24. SEPTEMBER 2009
Fréttir 7
FRÉTTASKÝRING
Eftir Þorbjörn Þórðarson
thorbjorn@mbl.is
NOKKRIR smærri kröfuhafar
Baugs Group sem eiga í dag kröfur á
þrotabú félagsins eru ósáttir við ráð-
stöfun kaupverðs vegna sölunnar á
Högum til 1998 ehf. en þeir telja að
þar með hafi öðrum kröfuhöfum eins
og Kaupþingi verið ívilnað með
óeðlilegum hætti.
Sem kunnugt er hefur þrotabú
Baugs krafist fébóta frá Nýja Kaup-
þingi og nokkrum hluthöfum Baugs
Group vegna sölunnar á Högum í
júlí 2008, en helmingur söluandvirð-
isins fór í að kaupa hlutabréf í Baugi
af hluthöfum og var söluandvirðið
síðan nýtt til að greiða ógjaldfallnar
skuldir hluthafanna við Kaupþing.
Gengið freklega á rétt
Fulltrúi eins kröfuhafa orðaði það
þannig að svo virtist sem gengið
hefði verið „freklega á rétt“ smærri
kröfuhafa og svo virtist sem staða
Baugs Group hafi verið orðin mun
verri en kröfuhafar félagsins voru
látnir trúa. Baugur Group hafi tekið
ný lán eftir söluna á Högum, fyrir-
tækið hafi verið að semja um skulda-
bréf og lengja í lánum á sama tíma á
salan átti sér stað.
Hraustleiki skiptastjóra
Íslenskir lífeyrissjóðir gera samtals
kröfur upp á 4,4 milljarða króna í
þrotabú Baugs. „Þessi gjörningur
kom okkur mjög á óvart á sínum
tíma og við vorum ekki sátt við hann
um leið og hann var kynntur. Þetta
var algjör forsendubreyting,“ segir
Gunnar Baldvinsson, fram-
kvæmdastjóri Almenna lífeyris-
sjóðsins, um söluna á Högum, en
sjóðurinn gerir kröfu upp á 1,5 millj-
arða króna í þrotabú Baugs. Hann
segist fagna því að skiptastjórar
þrotabúsins séu að láta reyna á rift-
un vegna sölunnar á Högum.
Skiptastjórar þrotabúsins eru
tveir, þau Anna Kristín Traustadótt-
ir og Erlendur Gíslason. „Við erum
ánægðir með að skiptastjórarnir séu
að láta reyna á hvort forsendur séu
til riftunar. Hvort eðlilega hafi verið
staðið að málum er erfitt að átta sig
á. Ef það leikur vafi á réttmæti ein-
hverra aðgerða þá er eðlilegt að látið
sé á slíkt reyna. Mér finnst það
hraustleikamerki hjá skiptastjór-
unum,“ segir Jón Þórisson, forstjóri
VBS fjárfestingarbanka, en bankinn
gerir kröfu í þrotabú Baugs upp á
rúmlega 1,1 milljarð króna á grund-
velli lánasamnings.
Byr með 3,8 milljarða kröfu
Margir aðrir kröfuhafar meðal
smærri fjármálafyrirtækja gerar
einnig háar kröfur í þrotabúið. Þar
má nefna Byr sparisjóð sem gerir
kröfu upp á rúmlega 3,8 milljarða
króna sem er almenn krafa, rétt eins
og hjá mörgum smærri kröfuhöfum.
Gengið á rétt kröfuhafa Baugs
 Smærri kröfuhafar Baugs óánægðir með ráðstöfun söluandvirðis Haga og telja brotið á rétti sínum
 Salan sjálf kom mjög á óvart og var „algjör forsendubreyting“ segir framkvæmdastjóri lífeyrissjóðs
JÓN Ásgeir Jóhannesson segir í yfirlýsingu að salan á Högum og ráð-
stöfun söluverðsins hafi verið gerð að frumkvæði Kaupþings banka sem
á þeim tíma hafi verið aðalkröfuhafi Baugs. Tilgangurinn hafi verið að
lækka skuldir Baugs og hluthafa Baugs hjá Kaupþingi. Hann segir jafn-
framt að Baugur hafi verið vel gjaldfært félag sumarið 2008 þegar Hagar
voru seldir. Salan á Högum hafi verið ákveðin á hluthafafundi Baugs Gro-
up með samþykki allra hluthafa og auk þess hafi allir stærstu lán-
ardrottnar félagsins vitað af og/eða samþykkt samning vegna sölunnar.
Svo virðist sem smærri kröfuhafar eins og lífeyrissjóðir hafi ekki haft
vitneskju um söluna á Högum fyrirfram.
Segir að Baugur hafi verið gjaldfær
Stórir lánardrottnar Baugs vissu
af og eða samþykktu söluna á
Högum sumarið 2008, en svo
virðist sem smærri kröfuhafar fé-
lagsins hafi enga vitneskju haft.
Segja þeir farir sínar ekki sléttar.
)*($
)$
*$
$ $)$'"$%'!$-
.*
0$'
'"$*%'!%+*'(0$' 
$'($'(1#*.+'(
'2-$
$
3($#4!!'

5 *.+
)$
)$ '#
6$'", !$) )++,%* *7
'""-.($
)$
4$%6$'",/..,!$)$'"$1$ '
1$$!)++,%*
-.($
)$
4 *($
)$
*$
$*

0$'
'"!! !$)
)$&)
+*'
).($
)$

*$
$!6$'", 0  (1 
2 $ $3(& $ 
 "$ 4 !5


"  " 4
)++,%*
Eftir Jóhönnu Maríu Vilhelmsdóttur
jmv@mbl.is
„Ég tók mér góðan tíma til að hugsa
mig um og var upphaflega ekki alveg
viss um hvort ég væri til í þetta. En
svo tekur maður ákvörðun og horfir
ekki til baka,“ segir Þórarinn Gunn-
ar Pétursson sem er nýtekinn við
starfi aðalhagfræðings Seðlabanka
Íslands. „Hér er mikið vinnuálag og
unnið alla daga, öll kvöld og oft langt
fram á nætur og það endurspeglar
núverandi aðstæður.“
Hann segist ánægður með að
halda áfram starfi innan Seðlabank-
ans. „Hér er öflugt fólk. Það hefur
tekist að byggja upp gríðarlega öfl-
uga hagfræðideild sem er mikill
heiður og spennandi að fá að stýra.“
Hann segir almennt mikla nafla-
skoðun framundan í peninga-
hagfræði og seðlabankafræðum.
„Það er margt sem þarf að takast á
við upp á nýtt, ég held að það sé
heiðarlegt að viðurkenna það,“ segir
Þórarinn. „Menn skoða nú hug sinn
á þessu sviði um allan heim og það er
fyrst og fremst í umræðunni að
seðlabankar þurfi fleiri tæki til að
stýra málum. Stýrivextir duga ekki
einir til að tryggja peningalegan og
fjármálalegan stöðugleika, það þarf
fleiri tæki til þess. Þá er helst rætt
um varúðarreglur varðandi fjár-
málakerfið sem seðlabankar þurfi að
fá í sínar hendur,“ segir Þórarinn.
„Öll svona áföll kalla á róttæka end-
urskoðun, það hefur gert það áður
og mun gera aftur núna.“
Þórarinn hefur verið iðinn við
fræðastörf og stýrði m.a. rann-
sóknadeild Seðlabankans um árabil.
Hann segir minna verða um fræða-
störf nú þar sem starf aðalhagfræð-
ings sé tímafrekt. „Svo hef ég kennt
lengi í háskóla en ég mun láta af því
líka,“ segir Þórarinn.
Morgunblaðið/Valdís Thor
Aðal Þórarinn G. Pétursson segir
naflaskoðun framundan.
Áföll kalla á endurskoðun
Starfsferill | Þórarinn G. Pétursson
Menntun
1998 Doktorspróf frá Háskólanum
í Árósum
1992 MA frá Háskólanum í Essex,
Englandi
1991 Cand. oecon. frá Háskóla Ís-
lands
Starfsferill
Seðlabankinn:
September 2009 Aðalhagfræðing-
ur og frkvstj. hagfræðisviðs
Mars 2009 Sæti í peningastefnu-
nefnd Seðlabankans
2004-2009 Staðgengill aðalhag-
fræðings
2002-2004 Forstöðumaður rann-
sóknar- og spádeildar hagfræði-
sviðs
1999-2002 Deildarstjóri hagrann-
sókna við hagfræðisvið
1994-1999 Almennur sérfræðingur
á hagfræðisviði
Kennslustörf
Háskólinn í Reykjavík
2006-2009 Dósent
1999-2006 Lektor
Háskóli Íslands
1995-1999 Aðjúnkt
1992-1994 Stundakennari
Annað
Hefur gefið út fræðigreinar í fjölda
erlendra sem innlendra bóka,
tímarita og rannsóknarrita.