Norðurland - 25.01.1979, Síða 6

NORÐURLAND
Fimmtudaginn 25. janúar 1979
MÁLGAGN SÓSÍALISTA
í NORÐURLANDSKJÖR-
DÆMI EYSTRA
GERIST
ÁSKRIFENDUR
- Stminn er 2-18-75 -
AUGLÝ5IÐ í
NORÐURLANDI
- Síminn er 2-18-75
Arshátíðarnefnd á blístri
Svo sem lesendum Norður-
lands er kunnugt af auglýs-
ingu úr síðasta blaði verður
árshátíð Alþýðubandalags-
ins á Akureyri haldin þann 3.
febrúar næstkomandi. Und-
irbúningsnefndin boðaði til
blaðamannafundar um helg-
ina og greip þá tíðindamað-
ur Norðurlands tækifærið og
tók nefndarfólkið tali. Fyrst
ræddum við við formann
nefndarinnar, Ottar Einars-
son.
- Þú ert búinn að vera
formaður þessarar nefndar
nokkuð lengi?
- Jú, það er mikið rétt - ætli
það fari ekki senn hvað líður að
nálgast áratuginn. Annars er
forsaga málsins sú, að eftir klofn
inginn mikla og svikin um árið,
ríkti lengi vel mikil og þung
alvara í þessum flokki. Engum
manni stökk þar bros á vör árum
saman og fólk tók köllun sína
alvarlega. Þegar þessi leiðindi
höfðu staðið um hríð, tókum við
Ragnheiður Pálsdóttir okkur til
og buðumst til þess að efna til
árshátíðar fyrir félagið. Eldri og
reyndari flokksmenn setti hljóða
við tíðindi þessi og þótti þetta
hið mesta feigðarflan. Vitnuðu
þeir í hátíðir, sem haldnar höfðu
verið fyrrum með botnlausum
töpum og margháttaðri niður-
lægingu, og töldu ekki ráðlegt að
hætta sér út í neina ævintýra-
mennsku.
Við létum þessa svartsýni
ekki á okkur fá og efndum til
hátíðarinnar upp á eigin ábyrgð.
Er ekki að orðlengja það, að hún
tókst með afbrigðum vel og
okkur tókst að koma brosvöðv-
um félaganna í þjálfun á nýjan
leik.
Síðan þá höfum við Ragn-
heiður haft veg og vanda af
þessari starfsemi, að sjálfsögðu
með aðstoð góðra félaga. Nú er
svo komið að skemmtun þessi er
rómuð um allt land og þess eru
dæmi, að fólk í fjarlægum lands-
hlutum rífi sig upp úr velborg-
aðri vegavinnu, eins og skáldið
sagði, til þess eins að sitja
hátíðina.
- Hvernig er nefndin
skipuð?
- Að þessu sinni er nefnd-
in nokkuð fjölmenn og hvert sæti
að sjálfsögðu vel skipað. Auk
okkar Ragnheiðar skipa nefnd-
ina þau Þráinn Karlsson, leikari,
sem er nú sem fyrr ráðgjafi okkar
varðandi alla leikræna tjáningu,
Baldvin Sigurðsson, frammi-
stöðumaður, sérfræðingur nefnd
arinnar í hitaeiningum og nær-
ingargildum, og Brynjar Skapta-
son, skipaverkfræðingur, sem er
hagfræðilegur ráðunautur nefnd-
arinnar og sér um allan prósentu-
reikning í sambandi við hátíðina.
Tölvuþjónusta Ráðstjórnar-
lýðveldanna hefur haft góð orð
um að taka að sér alla flóknari
útreikninga í gegnum gervi-
hnött og mun Brynjar verða í
beinu sambandi við þá stofnun
síðustu vikuna fyrir hátíðina.
Loks er að geta Hannveigar
Valtýsdóttur, sem er eiginlega
fulltrúi Sameinuðu þjóðanna í
nefndinni, því að hún á að gæta
hagsmuna barnsins í sambandi
við hátíðina, sjá um að þau fái
skemmtiefni við sitt hæfi o.fl.,
því að það er nú einu sinni
bamaárið.
Auk þess velur Hannveig úr
tilboðum um skemmtiefni, sem
nefndinni berast víðs vegar frá,
bæði innanlands og utan, og er
það mikið starf.
- Ragnheiður, það er í
mörg horn að líta þessa
dagana?
- Já, það eru orð að sönnu.
Síminn andskotast á manni dag
og nótt að segja má. Það eru ótal
smá og stór atriði, sem ganga
þarf frá og hafa á hreinu og allt
slíkt verðum við auðvitað að sjá
um. Undanfarin ár hefur starf
mitt í nefndinni m.a. verið fólgið
í því að þrúkka niður verðlag á
ýmsu því, sem til hátíðarinnar
hefur þurft, en að þessu sinni
látum við Brynjar að mestu um
það. Hann skilur nefnilega vísi-
töluna og reiknar allt út frá
henni.
- Hverjir verða heiðurs-
gestir að þessu sinni?
- Aðalræðu kvöldsins flytur
Þráinn Bertelsson, rithöfundur
með meiru, og er honum að sjálf-
sögðu boðið ásamt konu sinni.
Auk þess ákvað nefndin, að
bjóða Vilborgu Harðardóttur,
fyrrum ritstjóra Norðurlands og
Angantý Einarssyni, kosninga-
stjóra flokksins í alþingiskosn-
ingunum í vor og oft áður.
Vitum við ekki annað en að þetta
fólk komi. Stefán og Sólveig
voru að sjálfsögðu boðin, en því
miður var Stefán búinn að lofa
því að sitja þorrablót hjá Evrópu
ráðinu í Stráksborg í Þýska-
landi um þessa sömu helgi - og
þingmenn Alþýðubandalagsins
ganga ekki á bak orða sinna.
- Brynjar, er það ekki
óvinsælt starf að standa í
þessu verðlagseftirliti, ef svo
mætti segja, á þessum verð-
bólgutímum?
- Nei, það er það nú reyndar
ekki. Ef maður getur vitnað til
bæði framfærsluvísitölunnar og
vísitölu byggingarkostnaðar og
sýnt alla útreikninga frá tölvu-
þjónustu KGB, þá verður nú
fremur fátt um varnir hjá þeim,
sem ætla sér að vera með
eitthvert okur í sambandi við
þessa hátíð. Það er einnig gott,
að það komi hér skýrt fram, að
við greiðum ekki neitt fyrir
skemmtiatriði - og höfum reynd
ar aldrei gert það - en þó komast
færri að en vilja. Að hafa fengið
að láta ljós sitt skína á árshátíð
Ab eru meðmæli, sem tekið er
verulegt mark á í hinum alþjóð-
lega bransa.
Hannveig, hvað verður svo
helst til skemmtunar?
- Eins og Ragnheiður sagði
verður ræðumaður kvöldsins
Þráinn Bertelsson, rithöfundur
og kvikmyndagerðarmaður. Um
önnur atriði vil ég sem minnst
segja á þessu stigi málsins. Þó
skal þess getið, að hluti dag-
skrárinnar verður helgaður
yngstu kynslóðinni í tilefni
barnaársins. Hljómsveit alþýð-
unnar mun að öllum líkindum
ekki koma fram, en vonir standa
til að hinn frægi Kvartett
alþýðunnar geti komið fram á
hátíðinni.
- Er svo eitthvað, sem
nefndin vill taka fram að
lokum?
- Við viljum bara minna fólk
á að láta skrásetja sig sem fyrst,
það auðveldar alla undirbún-
ingsvinnu. Athygli skal einnig
vakin á því, að þegar auglýst er,
að hátíðin byrji klukkan átta, þá
byrjar hún klukkan átta, en ekki
klukkan hálf níu!
Fast þeir
sækja sjóinn
Dalvík*23/1. Togarinn Björg
úlfur sigldi til Englands með
aflann úr fyrstu veiðiferð
sinni eftir jól, 90 tonn. Selt
var í Fleetwood þann 16.
janúar.
Upphaflega var ætlunin að
selja í Grimsby, en vegna hins
ótrygga ástands, sem nú er á
vinnumarkaðinum í Bretlandi
breyttist það á síðustu stundu.
Var salan því ekki eins góð og
vonir stóðu til. Fyrir hvert kg.
fengust kr. 392, eða rúmlega 35
miljónir króna alls.
Skipverjar fengu eindæma
gott sjóveður báðar leiðir og
komu til heimahafnar 20. janúar.
Lagði Björgúlfur á veiðar eftir
miðnætti næsta dags.
Á meðan Björgúlfur sigldi,
lagði Björgvin upp 86 tonn hjá
frystihúsinu. Hann kom inn
aftur í vikunni með 137 tonn af
góðum físki.
Smábátar sækja sjóinn mjög
fast þegar gefur en afli mun vera
mjög tregur eins og oft áður á
þessum árstíma. - Brynja.
ABA:
Stjómarslit í deiglunni ?
Stefán Jónsson flytur framsögu á fundinum um efnahagsmál.
Fundarstjórinn Hólmfríður Guðmundsdóttir og formaðurinn
Kristín Olafsdóttir fylgjast andaktugar með.
Alþýðubandalagið á Akur-
eyri hélt fjörugan fund sl.
fímmtudag þann 18. jan.
Efni fundarins átti að vera:
Hvað stendur fyrir dyrum í
efnahagsmálum? Stefán
Jónsson alþingismaður
hafði framsögu.
Rakti Stefán tillögur krata í
efnahagsmálum og fór háðug-
legum orðum um þá þingkrata.
Þá gerði Stefán grein fyrir til-
lögum Alþýðubandalagsins.
Var gerður góður rómur að
máli Stefáns og umræður voru
líflegar um málið lengi kvölds.
Þó tók nú steininn úr er
félagi Böðvar Guðmundsson
lagði fram ályktunartillögu um
Alþýðubandalagið og stjórnar-
þátttökuna í ljósi hersetunn-
ar. Tillagan hljóðar svo:
„Fundur í Alþýðubanda-
laginu á Akureyri 18. janú-
ar 1979 ályktar eftirfarandi:
Að aðgerðarleysi núverandi
ríkisstjómar varðandi setu
bandarísks hers á Islandi og
þátttöku þess í NATO hafi
getið hermöngurum og
braskaralýð ráðrúm til frek-
ari umsvifa. Fundurinn tel-
ur það með öllu óhæft að
sósíalískur flokkur taki þátt
í ríkisstjórn sem hyggst
leysa efnahagsvanda undir
handajaðri NATO. Það eru
því eindregin tilmæli fund-
arins' til þingmanna og
framkvæmdastjórnar Al-
þýðubandalagsins að stjórn-
arsamstarfi við Alþýðu-
flokk og Framsóknarflokk
verði hætt án tafar ef ekki
kemur til veruleg stefnu-
breyting þessara flokka varð-
andi setu bandarísks hers á
íslandi og þátttöku þess í
NATO“.
Upphófust nú heitar umræð
ur sem fóru fram í flokkslegu
bróðerni. Eftir nokkurt þóf
ákvað fundurinn að skora á
stjórn félagsins að efna til
sérstaks fundar um þessa til-
lögu og verður hann haldinn
innan mánaðar. Er þess að
vænta að félagar láti þetta
stórmál sósíalískrar hreyfíng-
ar sig varða og komi á fund-
inn.
Nefndin reiknar út magálaneyslu allaballa. Ef myndin prentast
vel má sjá bakhjarl nefndarinnar fylgjast með úr gluggakistunni
Sjálfsbjörg
Frá Sjálfsbjörg og
íþróttafélagi fatlaðra:
Sameiginleg árshátíð félag-
anna verður haldin í Alþýðu-
húsinu 9. febrúar. - Nánar
auglýst síðar -Nefndin.
Fer á loðnu
Mb. Þórður Jónassonvar
fullfrágenginn í vikunni.
Skipið fór í slipp í byr jun
séptember.
I Slippstöðinni var
skipið í gagngerðri end-
urnýjun. Þilfarið var
lækkað aftur, byggt var
yfír hann, settar 2 þver-
skrúfur ásamt vél fyrir
þær. Þá voru sett tvö ný
togspil í skipið. Þórður
Jónasson EA 350 er í eigu
dánarbús Valtýs Þorsteins
sonar. Skipið fer á loðnu-
veiðar.
MFA
Félagsmálaskóli alþýðu í
Olfusborgum er opinn
öllum félögum aðildar-
samtaka ASI. I skólan-
um eru 25 nemendur
hverju sinni 1 hálfan
mánuð. Það fólk, sem
áhuga hefur á að sækja
skólann fær allan kostn-
að greiddan. Þeir sem
fara á vegum verkalýðs-
félagsins Einingar fá í
auk greitt dagvinnukaup
samkvæmt fískvinnslu-
taxta. NORÐURLAND
skorar á fólk úr verka-
lýðsfélögunum að not-
færa sér þetta nám.
Sungið á
Dalvtk
Dalvík 23/1. Þeir feðgar
Kristján Jóhannsson og
Jóhann Konráðsson
sungu hér í Ungmenna-
félagshúsinu sl. föstu-
dagskvöld við undirleik
Thomas Jackman.
Húsið sem var vel troðið
tekur um 150 manns, fyllt-
ist á augabragði og fögn-
uðu áheyrendur gestunum
innilega. Segja má, að
Kristján hafi hér sem víða
annars staðar á Norður-
landi sungið sig inn í hug og
hjörtu almennings. Um
svipað leyti í fyrra hélt hann
tónleika í félagi við Sam-
kór Dalvíkur og troðfyllt-
ist þá húsið tvö kvöld í röð.
- Brynja.
Herstöðva-
andstceðingar
Samtök herstöðvaandstæð-
inga, Akureyrardeild, boðar
til fundar laugardaginn 27.
janúar. Fundurinn verður í
Lárusarhúsi, Eiðsvallagötu
18, og hefst kl. 14.00.
Ásmundur Ásmunds-
son, formaður fram-
kvæmdastjórnar Samtaka
herstöðvaandstæðinga, kem
ur á fundinn.
Aðalefni fundarins verð-
ur starf Akureyrardeild-
arinnar.
Herstöðvaandstæðingar!
Takið þátt í baráttunni -
komið á fundinn.
Sýning
Einar skólastjóri Hákonar-
son sýnir marglit verk sín að
Gallery Háhóli þessa dag-
ana. Þau eru af ýmsum
stærðum og kosta víst skild-
inginn sinn. Sagt er að
seljist vel.