Norðurland - 22.11.1979, Side 4
NORÐURLAIMD
■ -__.»
NORÐLENSKT VIKUBLAÐ
Málgagn sósíalista í Norðurlandskjördæmi eystra
Ritnefnd: Böövar Guðmundsson, Erlingur Siguröarson,
Helgi Guömundsson, Soffía Guömundsdóttir, Tryggvi Jakobsson.
Ritstjóri: Jón Guöni Kristjánsson (ábm.).
Framkvæmdastjóri: Loftur H. Jónsson.
Ritstjórn: Sími 21875. Dreifing og afgreiösia: Sími 25875.
Póstfang: Box 492, 602 Akureyri.
Offsetprentun: Prentsmiöja Björns Jónssonar.
Gefið út af kjördæmisráði Alþýðubandalagsins
í Norðurlandskjördæmi eystra.
HERÐUM
SÓKNINA
í þeirri kosningabaráttu, sem yfir stendur, hefur það
ekki tekizt að fá frambjóðendur Alþýðuflokks og
Framsóknarflokks til þess að gefa skýr svör og afdrátt-
arlaus við margendurteknum spurningum um það
hvernig ríkisstjórn þeir vilji fá að afloknum kosningum.
Alþýðuflokksmenn hafa þrástagazt á viðureign sinni
við verðbólguna og fjölyrt mjög um heilagt stríð sitt
gegn henni, og bendir flest til þess, að þeir séu ekki
frekar en fyrri daginn fráhverfir gömlu íhaldsúrræðun-
um að leysa efnahagsvandann á kostnað almenns launa
fólks og hyggi gott til íhaldssamvinnu eftir kosningar.
Framsóknarflokkurinn leikur nú sem fyrr tveim skjöld-
um, talar til vinstri í hita dagsins fyrir kosningar og tel-
ur það vænlegt til fylgis, en reynslan hefur sýnt, að hann
neytir einatt fyrsta færis til samstarfs við íhaldið.
Framsóknarflokkurinn er því aðeins fáanlegur til
vinstra samstarfs og heillavænlegra verka á þeim vett-
vangi, að Alþýðubandalagið sé í sókn og eflist að fylgi.
Margt bendir til þess, að fyrirætlanir séu þegar uppi um
ríkisstjórnarsamstarf Sjálfstæðis- og Framsóknar-
flokks að afloknum kosningum, og er sá síðarnefndi
margvís til að hlýða því kalli, nema því aðeins að Al-
þýðubandalagið eflist til muna að styrk, en af slíku
myndi hann væntanlega draga réttar ályktanir. I þeim
kosningaátökum, sem nú standa, eru skilin skýr og
greinileg. Átökin standa milli hægri og vinstri, milli
Alþýðubandalagsins, sem er forystuaflið á vinstri armi
stjórnmálanna og svo hins þríeina afturhalds með
Sjálfstæðisflokkinn í broddi fylkingar. Alþýðubanda-
lagið verða þeir að efla til stóraukinna áhrifa á stjórn
landsins, sem raunverulega vilja vinstri stjórn, sem fái
undir íisið því heiti. Við verðum að fá þess konar stjórn,
sem bæði vill og getur tekizt á við vanda efnahagsmála
án þess að skerða einlægt kjör almenns launafólks.
Það verður ekki ráðizt gegn verðbólgunni í einu
vetfangi nema af því leiði stórfelldan samdrátt og at-
vinnuleysi um allt land. Vinstri stjórn verður að hafatil
þess afl að gera breytingar á efnahagskerfinu sjálfu með
tilheyrandi meiri háttar tilfærslum fjármuna, byggja
upp íslenzka atvinnuvegi í höndum okkar sjálfra, hafna
fyrirætlunum um stóriðju í höndum erlendra auðjöfra
og afsegja hersetu og aðild fslands að hernaðarbanda-
laginu Nato, en þetta er allt saman órjúfanlega sam-
tengt.
Sú „endurreisn í anda frjálshyggju“ og „leiftursókn
gegn verðbólgu“, eða réttara sagt lífskjörum, sem Sjálf-
stæðisflokkurinn nú boðar er vitanlega óheft markaðs
og gróðahyggja. Það verður vegið að samneyzlu á fjöl-
mörgum sviðum, félaaslegar umbætur og uppbygging í
mennta og menningarmálum skulu undir hnífinn.
Hagsmunir einkagróðans, en ekki almennings verða
hafðir að leiðarljósi.
Ríkisfyrirtæki verða seld einkaaðilum, verðlagi
sleppt lausu, en laununum að sama skapi haldið niðri.
Sjálfstæðisflokkurinn hefur ekki í annan tíma talið það
henta að boða svo opinskátt hatramma afturhaids-
stefnu sína sem hann gerir nú fyrir þessar kosningar, en
spurningin er hvort það verður Alþýðuflokkur eða
Framsóknarflokkur, sem hjálpar honum til við að
framkvæma hana, takist ekki að koma í veg fyrir, að til
þess komi. Kjósendur eiga nú leikinn að snúast til
varnar og hindra framgang þessara afla, en búast þess í
stað til sóknar fyrir því, að þeir mörgu, sem verðmætin
skapa með vinnu sinni, njóti afrakstursins með bættum
launakjörum, aukinni samneyzlu, félagslegu öryggi,
utvinnulegri uppbyggingu um allt land og nýrri sókn í
mennta og menningarmálum. Stjórnmálabaráttan
stendur um það hvernig lífí við lifum öll, það er tekizt á
um það í hverra þágu landinu skuli stjórnað, hverra
hagsmunir skuli sitja í fyrirrúmi.
Alþýðubandalagið hefur verið í stöðugri sókn hin
síðari ár, en það þarf aukinn styrk, og eftir honum leit-
um við nú í þessari kosningabaráttu. Kjósendur um allt
land, eflið Alþýðubandalagið og tryggið vinstri stjórn-
málaþróun í landinu að afloknum kosningum. S. G.
Ölafur Sigurðsson, yfirlœknir:
Um byggingamál Fjórðungssjúkrahússins á Akureyri
Eins og kunnugt mun vera hefir
Fjórðungssjúkrahúsinu á Akur-
eyri verið skorinn þröngur
stakkur í húsnæðismálum nú
um skeið. Húsrými sjúkrahús-
sins er lítið miðað við hús-
rými annarra spítala í landinu,
íbúatölu þess svæðis, sem spít-
alinn þjónar og þá starfsemi,
sem þar fer fram. Hér birtist
tafla, sem Torfi Guðlaugsson,
framkvæmdastjóri F.S.A. tók
saman um spítalarými á Akur-
eyri, Húsavík, Sauðárkróki og í
Reykjavík á þessu ári.
Sjúkrahúsið á Húsavík og
Sauðárkróki hafa hvort um sig
rúmlega tvisvar sinnum meira
húsrými en sjúkrahúsið hér og
spítalarnir í Reykjavík hafa allir
til samans, meira en þrisvar og
hálfu sinnum meiri húsakost en
sjúkrahúsið hér ásamt Kristnes-
hæli og Læknamiðstöð Akur-
eyrar, miðað við íbúatölu þess
svæðis, sem þjónað er á hverj-
um stað. Jafnframt hefir starf-
semi sjúkrahússins aukist hröð-
Ólafur Sigurðsson.
um skrefum hin síðari ár og að
sama skapi orðið fjölþættari og
margbrotnari en áður. Á árun-
um 1954-1964 eru skýrslur um
starfsemi Fjórðungssjúkrahús-
sins á Akureyri ófullkomnar og
ekki tiltækar. Hins vegar ná
greinargóðar skýrslur um suma
þætti starfseminnar aftur til
ársins 1965. Hér er birt önnur
tafla, sem Torfi Guðlaugsson
hefur gert um nokkra þætti
starfseminnar árin 1965-1978.
Innlagnir hafa á árabilinu
1965-1978 hátt í það tvöfaldast,
röntgen- og almennar rann-
sóknir hafa meira en þrefaldast,
göngudeildar þjónusta meira en
fjórfaldast og starfs- og lækna-
lið tvö til þrefaldast Jafnframt
því sem meðallegutími hefir
styttst um meira en helgmin.
Ekki er því um að villast, að
Fjórðungssjúkrahúsið á Akur-
eyri hefir orðið hart úti í
byggingarmálum og er orðið
mjög afskipt í húsrými. Hér
verður drepið á fáein atriði og
stiklað á stóru að því er
viðkemur orsökum þeirra
stöðnunar, sem orðið hefir í
byggingarmálum sjúkrahús-
sins.
Núverandi bygging F.S.A.
var reist á árunum 1946-1953.
Hún var í upphafi vel við vöxt,
þegar miðað er við þáverandi
þróun læknisfræðinnar, þær
lækningar, sem þá voru stund-
aðar á sjúkrahúsum hér á landi
og íbúðartölu þess svæðis, sem
sjúkrahúsið þjónaði þá. En
þróun í læknisfræði jókst þá
fljótlega og sjúkrahúsið varð
innan tíðar of lítið.
Á áratugnum 1960-1970 var
mikið um nýbyggingar sjúkra-
húsa í landinu. Kom þar til
almennur skortur á sjúkrarými
um langt árabil, fólksíjölgun,
hraðfara framvinda í læknis-
fræði og sæmileg efnahags-
afkoma hins opinbera lengst af
þeim áratug. A árunum 1965-
1968 voru gerðar teikningar að
nýbyggingu við sjúkrahúsið.
Hún átti að vera jafnstór þeirri
byggingu, sem fyrir var, en
þegar til kastanna kom, fékkst
ekki samþykki fyrir henni hjá
þáverandi ráðamönnum bæjar-
ins, enda hefði bæjarfélagið þá
þurft að greiða 40% kostnaðar
við bygginguna miðað við 15%,
sem nú er.
Árið 1971 ákváðu þáverandi
ráðherrar heilbrigðis- og íjár-
mála, að á Akureyri skyldi
verða sérdeildasjúkrahús fyrir
Norðurland og hluta af Austur-
landi, jafnframt því sem það
yrði eftir sem áður almennt
sjúkrahús fyrir bæ og hérað.
Ákveðið var að reist yrði og
fullgerð stór nýbygging við
sjúkrahúsið og það stækkað til
samræmis við þá ákvörðun.
Árið 1972 lá fyrir byggingarfor-
sögu að skipulagi nýbyggingar-
.1
innar og árið 1973 var lokið við
að gera frumgögn að teikningu
hennar ásamt framkvæmda- og
kostnaðaráætlun. Var mikil
vinna lögð í undirbúning og
hönnun nýbyggingarinnar. Ný-
byggingin var áætluð um það
bil fimm sinnum stærri en
gamla sjúkrahúsið og á fram-
kvæmdaáætlun heilbrigðisráðu
neytisins var gert ráð fyrir því,
að henni yrði lokið allri árið
1981.
En framkvæmdir fóru öðru
vísi en gert var ráð fyrir í
áætluninni og strik var gert í
reikninginn. Olíukreppa skallá,
verðbólga jókst til mikilla muna
og það harðnaði í ári hjá ríkinu
hér á landi. í heilbrigðismálum
varð stefnubreyting og var lögð
áhersla á byggingu heilsugæslu-
stöðva á þessum áratug í stað
sjúkrahúsbygginga á síðasta
áratug. Fyrir vikið mun því
hafa verið úthlutað minna fé til
sjúkrahúsbygginga en ella af
hálfu fjárveitingavaldsins og að
sama skapi fé varið til bygginga
heilsugæslustöðva. En um er að
ræða heildarfjárhæð, sem veitt
er á hverju ári til allra nýbbygg-
inga fyrir heilbrigðisþjónustu í
landinu. Þá gerðist það, að
stjórnvöld fólu Innkaupastofn-
un ríkisins en ekki heimamönn-
um að hafa umsjón með fram-
kvæmd nýbyggingarinnar hér.
Svo fór að árleg fjárframlög
ríkisins reyndust tiltölulega lítil
og voru skorin við nögl., þegar
til kastanna kom. Nýbygging
sjúkrahússins fékk ekki þann
forgang í byggingarmálum
heilbrigðisþjónustunnar, sem
búist hafði verið við með tilliti
til framkvæmdaáætlunar heil-
brigðisráðuneytisins fyrir hana.
Þá seinkaði mjög framkvæmd-
um við hana hjá Innkaupastofn-
un ríkisins. Þannig var ekkert
unnið við nýbygginguna í meira
en eitt og hálft ár samfellt frá því
í ársbyrjun 1978 og fram yfír
mitt þetta ár vegna tafa á
framkvæmdum. Seinkaði með-
al annars teikningum og útboð-
um á ákveðnum verkefnum í
höndum Innkaupastofnunar
ríkisins. Nokkur hluti af hinu
hlutfallslega litla fjármagni,
sem veitt hefir verið til nýbygg-
ingarinnar á ári hverju hefir því
brunnið í verðbólgbálinu og
mátti þó sjúkrahúsið síst af öllu
við því. Hafa því lagst á eitt
smátt skammtaðar fjárveitingar
og seinkun framkvæmda í
höndum Inkaupastofnunar
•íkisins til að draga það á
langinn að umtalsverður hluti
af nýbyggingunni yrði full-
gerður og tekinn í notkun.
Lokið hefur verið við að reisa
stiga- og lyftuhús, sem er áfast
við gamla sjúkrahúsið, ásamt
lítilsháttar vinnurými, sem er
þremur hæðum og er betra en
ekkert, en hrekkur skammt.
Það var tekið í notkun árið
1976.
Þá er byrjað að reisa þann
hluta nýbygginarinnar, sem er
svokölluð þjónustubygging og
er orðin fokheld. Hún er lítið
eitt stærri að rúmmáli en
núverandi sjúkrahúsbygging og
munar miklu um hana fyrir
sjúkrahúsið þegar að því kemur
að hún verður tekin í notkun.
Hún á að vera fyrir skurðdeild,
gjörgæsludeild, sem að hluta er
fyrirhuguð sem legudeild til
bráðabirgða, slysastofu, rönt-
gendeild, göngudeild, sótt-
hreinsunardeild, tækjabúnaði
o.fl. Áður en þjónustubygging-
in verður fullgerð, er áformað
TAFLA II
Nokkrir þættir starfsemi F.S.A. árið 1965 og árið 1978 og saman-
burður á milli ára.
1965 1978 % + *
Legudagar 53.635 48.200 10.0%
Fjöldi innlagna .. 2.219 4.094 + 84.0%
Röntgenrannsóknir 3.703 13.459 + 363.0%
Alm. rannsóknir . 31.200 106.577 + 341.0%
Starfsstöður 114 256 + 225.0%
Gönguþjónusta .. 1.210 5.117 + 423.0%
Læknastöður .... 7 20 + 286.0%
Meðall. legudaga . 24.17 11.80 + 51.2%
Nýbyggingin við Fjórðungssjúkrahúsið.
TAFLA I
Spítalarými á Akureyri, Húsavík, Sauðárkróki og í Reykjavík 1979.
Húsnæði m1 Tala íbúa m3 pr. íbúa
Fjórðungssjúkrahúsið á Ak. . 17.100
Læknam.st. + heilsuv.st. Ak. . 1.800
Kristneshæli ..................... 4.000
Samtals 22.900 24.580 0 93
Sjúkrahúsið á Húsavík 8.700 4.546 1 91
Sjúkrahúsið á Sauðárkróki .. 8.800 4.400 2.00
Borgarspítali og tilh. húsn. .. Landsspítali og tilh. húsn. ... Landakotsspítali og tilh. húsn. 102.000 359.000 28.000
Samtals 489.000 132.328 3.70
Fjórðungssjúkrahúsið á Akureyri.
að reisa hluta tengiálmu, sem
auk ganga rúmar skrifstofur,
kennsluaðstöðu, bóka og tíma-
ritasafn o.fl. Seinna er svo
ætlunin að reisa tvær álmur,
sem rúmi legudeildir, rann-
sóknardeild, endurhæfinga-
deild, birgðahald og vörumót-
töku, ennfremur að stækka
tengiálmu og reisa borðstofu og
eldhús. Fleiri framkvæmdir,
sem ekki verða taldar hér, eru
ýmist hafnar, í undirbúningi
eða fyrirhugaðar.
Vorið 1977 var gert ráð fyrir
því, að unnt yrði að ljúka við
efri hæð þjónustubyggingar-
innar ásamt kjallara í hluta
tengiálmunnar og taka hana í
notkun á þessu ári, en það hefir
dregist á langinn eins og annað í
byggingarmálum sjúkrahús-
sins. Nú er stefnt að því að þeim
áfanga verði náð árið 1981. Að
fenginni reynslu er þó dregið í
efa af mörgum að sú áætlun
standist og óttast menn að
framkvæmdir við þjónustu-
byggingu og tengiálmu seinki
enn í nokkurn tíma.
Eins og nú er ástatt eru
þrengsli í sjúkrahúsinu hvar-
vetna til mikils baga og fjötur
um fót og vinnuaðstaða yfirleitt
erfið. Húsnæðisskortur háir
sjúkrahúsinu meira en nokkuð
annað, hefir neikvæð áhrif á
starfsemi sjúkrahússins, setur
heni skorður og hindrar eðlilega
þróun spítalans. Eins og kunn-
ugt er útheimtir sjúkrahús nú á
tímum fjölda sérhæfðs starfs-
fólks, sérfræðinga, umfangs-
mikinn útbúnað og tækjakost
og mikið vinnurými. Núverandi
spítali er hannaður fyrir aldar-
þriðjungi á þeim tímum þegar
tækjaþróun á sjúkrahúsum var
tiltölulega skammt á veg komin,
legurými hlutfallslega mikið í
þeim, en vinnurými lítið. Fyrir-
komulag sjúkrahússins er því
orðið óhentugt og úrelt auk
þess sem húsrými þess er framar
öðru alltof lítið.
Eins og sakir standa eru
þarfir spítalans einkum tvenns
konar, annars vegar aukið
vinnurými og hins vegar aukið
hjúkrunarrými. Þjónustubygg-
ingin ásamt tengiálmu er ein-
mitt að megin hluta vinnurými.
Þegar það verður, að skurð-
stofur, slysastofa, gjörgæsla og
röntgendeild flytja í þjónustu-
bygginguna, skapast möguleiki
á, að aðrar deildir spítalans fái
aukið húsrými og hjúkrunar-
deild hans stækki.
Líta má svo á, að nú orðið
séu markmið spítalans í bygg-
ingarmálum bæði til skamms
tíma og langs tíma. Skoða má
þjónustubygginguna ásamt
hluta af tengiálmu sem mark-
mið spítalans til skamms tíma
en sérdeildahús samkvæmt
ákvörðun stjórnvalda frá árinu
1971 sem markmið hans til
langs tíma. Ekki má leggja
markmið spítalans til langs tíma
til hliðar, þó að framkvæmdir
við býbygginguna hafi dregist
úr hömlu. Eftir sem áður hlýtur
stefnan í málum spítalans að
vera sú, að hér verði komið upp
þróuðu sérdeilda- og svæðis-
sjúkrahúsi fyrir Akureyri,
Norðurland og hluta af Austur-
landi og sé það jafnframt
varasjúkrahús landsins í al-
mannavörnum þess. Það er
mikilvægt sanngirnis- og rétt-
lætismál fyrir landsbyggðina,
að það sé eitt þróað svæðis-
sjúkrahús staðsett utan Reykja-
víkur. Akureyri er fyrir margra
hluta sakir eini staðurinn sem
þar kemur til greina vegna legu
sinnar, fjarlægðar frá Reykja-
vík og þeirrar byggðar sem þar
er og á Norðurlandi. Það er
mál, sem stuðlar að jafnvægi í
byggð landsins og það er ásamt
öðrum málum eitt af meirihátt-
ar skilyrðum fyrir vexti og
viðgangi Akureyrar og byggðar
á Norðurlandi.
Allt um það mega markmið
spítalans til langs tíma ekki
verða á kostað markmiða hans
til skamms tíma. Eins og nú er
komið málum, hefir það mesta
þýðingu fyrir spítalann að náð
verði markmiðum hans til
skamms tíma. Að svo stöddu
skiptir það meginmáli, að lokið
verði við þjónustubyggingu
hans ásamt hluta af tengiálmu.
Svo unnt verði að flytja í hana
og taka hana í notkun sem fyrst.
Óhætt mun að fullyrða, að
það muni verða þungur róður
og ekki færi á nema málafylgju-
manna. að fá framkvæmdum
• Fjórðungssjúkrahúsið á Akureyri hefur
helmingi minna húsrými en sjúkrahúsin
á Húsavík og Sauðárkróki og aðeins
þriðjung húsrýmis á við sjúkrahúsin í
Reykjavík miðað við íbúafjölda svæð-
anna sem húsin þjóna.
• Árið 1971 var ákveðið að Fjórðungs-
sjúkrahúsið á Akureyri skyldi verða
sérdeildasjúkrahús fyrir Norðurland og
hluta af Austurlandi.
• Hönnuð var nýbygging sem skyldi verða
fimm sinnum stærri en gamla sjúkrahús-
ið og skyldi henni verða lokið árið 1981.
Fjárveitingar hafa hins vegar verið
skornar mjög við nögl og framkvæmdir
jafnvel legið niðri.
• Húsnæðisskortur háir nú mjög sjúkra-
húsinu á Akureyri. Vinnuaðstaða er erfíð
og fullnægir ekki á nokkurn hátt þeim
kröfum sem gera verður til nútíma sjúkra
húss með þeim tækjakosti og aðstöðu fyr-
ir starfslið og sérfræðinga sem það út-
heimtir.
• Nú er enn boðaður niðurskurður á fjár-
veitingum til framkvæmda á vegum hins
opinbera. Það blæs því ekki byrlega í
byggingamálum sjúkrahússins.
við þjónustubygginguna flýtt,
þannig að hún verði fullgerð til
notkunar áður en langt um
líður. Kæmi þar til úthlutun
árlega á mjög auknum fjárhæð-
um úr hendi fjárveitingarvalds-
ins og líklega viðurkenning á
þjónustubyggingunni og eins-
konar forgangsverkefni í heil-
brigðisþjónustunni. Þess háttar
tilmæli eða kröfugerð af hálfu
forsvarsmanna sjúkrahússins
væri ekki ósanngjörn, þegar
haft er í huga, hversu sjúkrahús-
ið hefir verið sniðgengið og er
orðið illa sett í húsnæðismálum.
Annað sem reyna þarf í
byggingarmálum sjúkrahússins
að fenginni reynslu, er að ná
umsjón með framkvæmd ný-
byggingarinnar úr höndum
Innkaupastofnunar ríkisins og
fela hana heimamönnum. Til
þess þarf leyfi og samþykkti
fjármálaráðuneytisins og með-
mæli heilbrigðismálaráðu-
neytisins, en ekki má það heita
vonlaust verk. Fordæmi fyrir
þessháttar umsjón heimamanna
með byggingarframkvæmdum
heilbrigðisstofnana mun vera
að finna bæði í Reykjavík og á
Seltjarnarnesi
Til þess að hreyfing komist á
málið í heild þarf að vekja
skilning og áhuga almennings á
því. Málið þarfnast stuðnings
frá fólki almennt og það þarfn-
ast atfylgi frá þeim fulltrúum,
sem kjörnir eruaf almenningi til
að þoka málum áleiðis í bæjar-
stjórn og á Alþingi og leiðrétta
það sem aflaga fer.
Enda þótt helstu vandamál
læknisfræðinnar. svo sem æða-
og hjartasjúkdómar, krabba-
mein og geðveiki, séu að meira
og minna levti óleyst enn. scm
komið er, koma nútímalækn-
ingar engu að síður oftlega að
gagni, lengja mannsæfina og
bjarga mannslífum endrum og
sinnum. Ekki mun ol'mælt að í
lækningum er meira í húl'i en
margt annað. Öll meiriháttar
barátta við sjúkdóma, bráða og
langvinna, er nú orðin háð inni
á sjúkrahúsum. því verðurseint
ofnietin sú þýðing sem stór og
þróuð sjúkrahús hafa fyrir
heilsu og vellarnað almennings.
Nú harðnar í ári í efnahags-
málum þjóðarinnar og boðaður
hefirverið niðurskurður á opin-
berum framkvæmdum meðal
annars spítalabyggingu. Ekki
blæs þ\ í byrlega nú í seglin fyrir
framkvæmdir við þjónustu-
bvggingu spítalans. Fjórðungs-
sjúkrahúsið hefir dregist svo
altur úr og er orðið svo afskipt í
byggingarmálum að kalla má
það hornreku í því tilliti. Þaðer
of mikilvægt mál og varðar of
mikið almenningsheill til að það
sé látið liggia i þagnaargildi til
lengdar. Þeir sem starla við
sjúkrahúsið vænta þess að fólk í
borg og bæ. sveitarstjórnar-
menn og alþingismenn kjör-
dæmisins lcggi þessu máli lið.
Með því mæti cinu l'ær sjúkra-
húsið leiðréttingu fyrrensíðará
því misrétti. sem það hefirorðið
fyrir í byggingarmálum og fær
að þróast á cðlilega hátt í
samræmi við framfarir í læknis-
fræði og kröfur tímans. Það er
ábyrgðarhluti að hafast ekki að
til að bæta aðstöðu sjúkrahúss-
sins miðað við það sem nú er.
4 -NORÐURLAND
NORÐURLAND- 5