Norðurland - 25.03.1983, Blaðsíða 8

Föstudagur 25. mars 1983
Eiösvallagata 18, 602 Akureyri
Pósthólf 492,
sími 2-18-75
Hvatning
frá AB á
Húsavík
„Fundur haldinn í
Alþýðubandalags-
félaginu á Húsavík
22. mars 1983 lýsir
yfir eindregnum
stuðningi við Hjör-
leif Guttormsson,
iðnaðarráðherra,
i baráttu hans við
erlent auðvald á
íslandi. Fundurinn
skorar á alla
íslendinga að taka
höndum saman
um að styðja þá
sjálfstæðisbaráttu
er Alþýðubanda-
lagið leiðir gegn
yfirráðum erlendra
auðhringa og
fylgifiska þeirra
í íslensku þjóðlífi.“
Fjölmenni á fyrstu kosninga-
fundum Alþýðubandalagsins
Kosningabaráttan hér í kjördæminu hófst formlega með
fjölmennum fundi á Hótel KEA s.l. sunnudag. Þar fluttu
ávörp þau Steingrímur Sigfússon, Svanfríður Jónasdóttir og
Kristín Hjálmarsdóttir, Erlingur Sigurðarson las ljóð og
Svavar Gestsson flutti ræðu. Kammerblásarasveit Tónlistar-
skólans á Akureyri lék, undir stjórn Roars Kvam.
A sama tíma hélt Alþýðubandalagið fjölmennan fund á
Hótel Húsavík, þar sem framsögumenn voru Helgi
Guðmundsson og Hjörleifur Guttormsson.
Báðir fundirnir heppnuðust frábærlega vel og báru glöggt
vitni þeim baráttuanda sem ríkir í röðum alþýðubandalags-
manna hér í kjördæminu og þeim byr sem flokkurinn má
vænta ef vel er staðið í ístaðinu.
Haldnir hafa verið fundir með Alþýðubandalagsfélögunum
á Húsavík og Olafsfirði, þar sem fjallað hefur verið um
kosningastarfið framundan og verða samkonar fundir með
öðrum félögum í kjördæminu á næstu dögum.
Fyrirhugaðir eru almennir fundir á Þórshöfn n.k. föstudag
og á Raufarhöfn á laugardag. Á þessum fundum mæta
Steingrímur og Svanfríður og verður kosningastjórinn í för
með þeim.
Kosningaskrifstofan á Akureyri, í Lárusarhúsi, tók til
starfa mánudaginn 21. mars og verður opin daglega frá kl.
13,00 og fram eftir kvöldi allt til kosninga, starfsmenn eru þau
Geirlaug Sigurjónsdóttir, Helgi Haraldsson og Heimir
Ingimarsson.
Kosningaskrifstofur taka til starfa hver af annarri nú næstu
daga í flestum þéttbýlisstöðum kjördæmisins og verður
aðsetur þeirra, símanúmar og starfsfólk kynnt hér í blaðinu
um leið og þeim hefur verið komið á fót. Einnig verður komið
á kerfi trúnaðarmanna eða tengiliða í sem flestum dreifbýlis-
sveitarfélögum, þar sem kjósendur flokksins geta leitað
aðstoðar og upplýsinga, gerist þess þörf.
Fjársöfnun í kosningasjóðinn er hafin og geta menn snúið
sér til skrifstofanna og trúnaðarmannanna með framlög.
Mikilvægt er að söfnunin gangi vel, því kosningabaráttan
mun kosta ærna fjármuni. Það er afar mikilvægt að framlög
berist sem fyrst, því kostnaðurinn lætur ekki bíða eftir sér.
Um helgina verður ærið að starfa í Lárusarhúsi og eru allir
þeir sem mögulega geta, hvattir til að koma þangað kl. 13,00,
eða tilkynna skrifstofunni, henti annar tími þeim betur.
Símarnir eru 21875 og 25875.
Kvennaathvarf
Laugardaginn 26. mars
gengst Jafnréttishreyfingin
fyrir opnum fundi um kvena-
athvarf og ofbeldi á heim-
ilum. Fundurinn verður hald-
inn að Hótel KEA, gilda-
skála og hefst kl. 14. Þar
munu tveir af aðstandend-
um kvennaathvarfsins í
Reykjavík kynna starfsem-
ina og sýna kvikmynd.
Á eftir verða umræður. 1
þeim taka m.a. þátt nokkrir
sem kunnugir eru þessum
málum á Akureyri.
Síðastliðna mánuði hefur
umræða um þessi mál farið
vaxandi, ekki síst eftir að
kvennaathvarfið í Reykjavík
var sett á stofn. Sú reynsla
sem þar hefur fengist sýnir að
þörfin er mikil. Það er því
tími til kominn að íhuga þessi
mál í alvöru.
Á fundinum er ætlunin að
kanna áhuga og þörf á stofn-
un kvennaathvarfs hér á
Norðurlandi.
Jafnréttishreyfingin hvet-
ur fólk til að sýna þessu
mikilvæga máli áhuga og
mæta á fundinn.
PISTILL
VIKUNNAR
„PRUÐU LEIKARARNIR
N0RÐURLAND
Eftir siöustu alþingískosningar geröust þau
undur, að fáeinir þingmenn úr sjálfstæöis-
fiokknum fundu upp á þeirri nýbreytni aö gerast
ábyrgir stjórnmálamenn og vinna að því undir
forystu Gunnars Thoroddsen aö mynda starf-
hæfa ríkisstjórn, og losa um óheillavænlega
sjálfheldu, sem ríkjandi var um þessar mundir.
Þetta tókst, og þegar þessir menn höföu hristaf
sér ihaldsfjötrana urðu þeir allt aðrir menn,
frjálslegir og umbótasinnaðir og eignuöust
traust og vinsældir, einkum þó Gunnar Thor-
oddsen forsætisráöherra. En flokkseigenda-
félag íhaldsíns taldi að stjórnmálaleg ábyrgð og
umbætur væru óralangt utan við verksvið
flokksins, brugðust illa við, sendu þeim
óþvegnar kveðjur, sem tveir þessara manna
voru ekki menn til að virða sem veröugt var. Því
fór svo að Eggert Haukdal koðnaði niður f hlut-
verk hinnar sögufrægu arfasátu á Bergþórs-
hvoli og var reynt að nota hann til að bera eld að
stjórnarsamstarfinu, en Albert Guðmundsson
hrökklaðist til föðurhúsanna. Ekki var hann fyrr
kominn þangað en hann gerðist svo litilmótteg-
ur að vitna til þeirrar einkunnarorða, sem
helguð voru Jóni Sigurössyni forseta, „sómi
íslands, sverð þess og skjöldur“ og snúa þeim
upp á sjálfan sig og Morgunblaðið, en svo lágt
hefur þó enginn flokksbræðra hans lagst, og er
þá mikið sagt. En þrátt fyrir skjöldinn hefur
hann nú kveinkað sér aumlega neðan beltís, svo
sem alþjóð fékk að heyra.
Þjóðín hefur notið þess að fá alþingismenn-
ina á sjónvarpsskerminn hjá sér einstaka kvöld,
og skemmtilegt var að horfa á stjórnarandstöð-
una þar i hlutverki „Prúðu leikaranna."
Aldrei brást það að þegar Geir Hallgrímsson
sjöundi og hans liðsmenn höfðu þulið bölmóð
sinn, þá komu kratarnir, Kjartan og Sighvatur,
og sögðu hið sama alveg nákvæmlega, rétt eins
og þeir væru eins konar bergmálsdýptarmælar
yfir íhaldsbotnínum en ekki mennskir vinstri
menn.
Þegar þingmenn lögðu spil sín á borðið,
kónga, drottnlngar, gosa og lággildi, fann Vil-
mundur Gylfason sig ekkf rísa undir því að
vera mannspil, og gerðist eins konar Joker og
taldi sig vera samtök.
Joker hefur oft verið látinn taka gildi spils,
sem glatast hefur úr samstæðunni. En fljótt kom
í Ijós að ekki var mögulegt að nota Vilmund í því
hlutverki, jafnvel þó um lághrök væri að ræða,
hann gat ekki einu sinni komið í stað Eggerts
Haukdals.
Þessi ríkisstjórn sem enn situr við völd hefur
með mörgu móti verið jákvæð og eignaðist
vindældir, sem náðu iant út fyrir flokksböndin.
Þó bar á þann skugga að i flokki framsóknar-
þingmanna létu á sér kræla menn haldnir vesal-
mannlegri hnjálfðamýkt gegn erlendum öflum
og hinni fáránlegu áráttu að skaka af sérvinstra
fylgi, og höfða til afturhaldskennda.
Flokkurinn mun eiga erfitt uppdráttaref hann
getur ekki læknast af þessum kvilla, sem hefur
staðið honum fyrir þrifum frá upphafi.
f stjórnmálum eru framundan erfið verkefni,
sem verður að leysa.
Vonandi gerir þjóðin sér Ijóst að vandamálin
verða best leyst með vinstra samstarfi, og
úrræða og manndóms er ekki að vænta úr
röðum þeirra sem haldið hafa uppi óþurftar-
starfsemi hinnar lítilmótlegu stjórnarandstöðu,
sem fram hefur komið i þingsögu liðinna ára.