Norðurland - 17.06.1994, Blaðsíða 11
NORÐURLAND -11
Skýrvinstri sveifla
Steingrímur J. Sigfússon.
Steingrímur J. Sigfússon, al-
þingismaður, segir að það
sem upp úr standi eftir bæja-
og sveitastjómakosningamar
á dögunum sé sú vinstri
sveifla sem óneitanlega hafi
konrið fram. Alþýðubanda-
lagið sé ótvíræður sigurvegari
kosninganna, ásamt samfylk-
ingu félagshyggjuaflanna í
Reykjavík, og útkoman dýr-
mætt veganesti fyrir komandi
alþingiskosningar. Steingrím-
ur ræðir hér kosningaúrslitin
og pólitíska þýðingu þeiiTa.
- Ertu ánægður með útkomu
Alþýðubandalagsins í kosning-
unum?
„Útkoman hér á Norðurlandi
eystra er auðvitað mjög glæsileg
hjá Alþýðubandalaginu og einhver
sú besta sem hefur fengist. A Ak-
ureyri er staðan betri en hún hefur
verið um langt árabil, tæplega
21% fylgi. Bæði á Húsavík og
Raufarhöfn bæta G-listamir við
sig fylgi og manni, á Húsavík fær
Alþýðubandalagið 28,7% atkvæða
og á Raufarhöfn 35,22%, en þar er
Alþýðubandalagið orðinn lang-
stærsti flokkurinn á nýjan leik.
Arangurinn á öðrum stöðum er
einnig mjög góður og G-listamir
bæta alls staðar við sig fylgi. Þeg-
ar árangurinn er tekinn saman yfir
landið sést að þeir 26 G-listar sem
lagðir eru fram fá samtals 12.089
atkvæði af 60.676, eða tæp 20%
af gildum atkvæðum. Þetta er
besta útkoma flokksins í síðustu
fjórum sveitarstjómarkosningum
eða síðan í stórsigrinum 1978 þeg-
ar Alþýðubandalagið fékk 25,6%
greiddra atkvæða.
Útkoma annarra framboða sem
Alþýðubandalagið á aðild að er
einnig mjög góð. Auðvitað ber þar
sigur R-listans í Reykjavík hæst
en hér í kjördæminu varð niður-
staðan einnig góð. í Olafsfirði
fékk H-listinn 41,6% og á Dalvík
fékk 1-listinn rúm 25%.
Það er því ótvírætt að Alþýðu-
bandalagið hefur endurheimt sína
fyrri stöðu frá hinni slöku útkomu
árið 1990 og er ótvírætt sigurveg-
ari þessara kosninga ásamt sam-
fylkingu félagshyggjuaflanna í
Reykjavík. Þessi niðurstaða er
auðvitað gífurlega mikilvæg fyrir
Alþýðubandalagið. Mér sýnist við
lauslega athugun að tala flokks-
bundinna alþýðubandalagsmanna
í sveitarstjómum landsins tvöfald-
ist að minnsta kosti og þeir séu
orðnir rúmlega 60. Þessi útkoma
hefur virkjað mjög marga til
starfa, sveitarstjómarfólkið, vara-
menn, fólk í nefndum og ráðum á
vegum Alþýðubandalagsins, að
ógleymdum öllum þeim fjölda
sem starfaði fyrir flokkinn í kosn-
ingabaráttunni. Þegar þetta er haft
í huga er augljóst að útkoman er
dýrmæt fyrir flokkinn og gott
veganesti fyrir framtíðina."
Nýir tímar í íslenskum
stjórnmálum?
- Það hafa verið nokkrar vanga-
veltur uppi eftir kosningarnar
hvort í sigri félagshyggjuaflanna
í Reykjavík felist fyrirboði um
nýja tíma í íslenskum stjórn-
málum, jafnvel uppstokkun
flokkakerfisins. Hvað segir þú
um það?
„Eg held að það sé engin
ástæða til að annars en að fagna
því hvemig til tókst í Reykjavík
og vissulega er eðlilegt að menn
velti fyrir sér, og bindi jafnvel við
það vonir, að sigurinn boði upphaf
mikilla og sögulegra breytinga.
A hinn bóginn er náttúrlega
nauðsynlegt að vera með fætuma
á jörðinni og átta sig á því að R-
Iistinn er afsprengi tiltekinna að-
stæðna, aðstæðumar eru síðan allt
aðrar á mörgum stöðum á landinu.
A sama tíma og samstarf félags-
hyggjuflokkanna fellir íhaldið í
Reykjavík þá mistekst það í Vest-
mannaeyjum. Hveragerði tapast
en þar hafði svona samstarf leitt
til sigurs í síðustu kosningum. I
Mosfellsbæ fellur íhaldið með
sterkri útkomu flokksframboða
Alþýðubandalagsins og Fram-
sóknarflokksins. Þetta sýnir að
varast ber allar alhæfingar og of-
túlkanir á kosningaúrslitunum en
það er engu að síður ljóst að það
er afar mikilvægt að þetta sam-
starf í Reykjavík gangi vel.“
Vinstri sveiflan stendur
upp úr
„Ég held að það sem standi upp úr
eftir kosningamar sé hin skýra
vinstri sveifla sem óneitanlega
kemur fram í úrslitunum. Auðvit-
að er það ekkert annað en vinstri
sveifla að íhaldið skuli missa
meirihlutann í Reykjavík. Og auð-
vitað er það betri staðfesting á
vinstri sveiflu en nokkuð annað að
sigurvegarar kosninganna séu
framboðslistar Alþýðubandalags-
ins um land allt. Sumir hafa stillt
sigri R-listans í Reykjavík og sigr-
um G-listanna annars staðar upp
sem mótsögn en ég get ómögulega
fallist á það. Þvert á móti, bæði
þessi atriði staðfesta sveiflu til
vinstri. Að auki má nefna innlegg
fjölmennrar sveitar ungs fólks í
kosningabaráttuna og mikils
áhuga þess á stjómmálum. Það er
óumdeilt að ungt fólk fylkti sér í
verulegum mæli um Alþýðu-
bandalagið og ég túlka það hik-
laust sem vinstri sveiflu, þetta
unga fólk er sem betur fer róttækt
og vill breytingar.
Þetta er enn ein ástæðan fyrir
okkur, alþýðubandalagsfólk, að
vera ánægð með þessa niðurstöðu,
bæði hér í kjördæminu og á lands-
vísu.“
Sigur framsóknar
gufaði upp
-Hvaða áhrif hafa þessi kosn-
ingaúrslit á stjórnmálin á lands-
vísu? Hafa þau t.d. áhrif á sam-
starf stjórnarflokkanna eða
stjórnarmynstur að loknum al-
þingiskosningum?
„Það er auðvitað eðlilegt að
menn velti því fyrir sér. Ég held
að það sé ekkert sérstaklega lík-
legt að kosningaúrslitin hafi afger-
andi áhrif á ríkisstjómarsamstarf-
ið. Ástæðan er fyrst og fremst sú
að stjómarflokkamir koma báðir
sárir út úr þessum kosningum, til-
tölulega jafnmeiddir. Skoðana-
kannanir sýndu að það yrði fyrst
og fremst Alþýðuflokkurinn sem
myndi gjalda afhroð en Sjálfstæð-
isflokkurinn slyppi betur. Raunin
varð hins vegar sú þegar talið var
upp úr kjörkössunum að flokkam-
ir höfðu báðir orðið fyrir áföllum.
Alþýðuflokkurinn tapaði fylgi
víða um land og er áberandi veik-
ari en hann var áður. Sjálfstæðis-
flokkurinn varð auðvitað fyrir
gríðarlegu áfalli í Reykjavík en
hann tapaði víðar fylgi, m.a. á Ak-
ureyri. Maður skyldi því ætla að
flokkamir væru ófúsir að ganga til
kosninga eins og staðan er um
þessar mundir.
Það er líka athyglisvert að sá
mikli sigur, sem ég hef grun um
að framsóknarmenn hafi gert sér
vonir um að þeir ættu í vændum,
gufaði upp og þegar staða Fram-
sóknarflokksins er metin í heild er
hún köflótt og flokkurinn heldur í
grófum dráttum í horfinu.
Staðan er því tiltölulega skýr.
Stjómarflokkamir tapa miklu
fylgi, Framsóknarflokkurinn
stendur í grófum dráttum í stað en
Alþýðubandalagið er ótvíræður
sigurvegari kosninganna. Sú
vinstri sveifla sem staðfest er með
þessum úrslitum hlýtur að gefa
vísbendingar um það sem í vænd-
um er í næstu alþingiskosningum
og vonandi einnig í stjómarmynd-
un í kjölfarið. Ég leyfi mér að trúa
því að þetta auki möguleikana á
myndun vinstri stjómar að lokn-
um kosningum.
Því má bæta við að ég held að
nýjustu stórtíðindin á vettvangi
stjómmálanna, hjaðningavígin í
Alþýðuflokknum, séu líkleg,
ásamt öðru, til að hafa djúpstæð
pólitísk áhrif. Lífdagar ríkisstjóm-
arinnar gætu orðið færri en til
stendur því hafi einhverjum ekki
verið það ljóst að þessi ríkisstjóm
er búin að vera ætti það að hafa
sannast rækilega með þessum
vígaferlum innan annars stjómar-
flokksins og reyndar einnig
skeytasendingum forystumanna
flokkanna í kjölfarið. Það eru
ýmsir að gera sér vonir um að
með haustinu getum við loksins
losnað við ríkisstjórnina og í kjöl-
far kosninga taki ný vinstri stjóm
við völdum. Það er svo sannarlega
ekki vanþörf á, því hver dagur,
sem þessi stjóm situr, er þjóðinni
dýr.“
/
0skum Akureyringum og Iande-
mönnum öllum til hamingju með
hálfrar aldar afmælí
íslenska lýðveldisins
BÚSETI
HUSNCÐISStMVINNUFELAG