Morgunblaðið - 10.02.2010, Síða 15

Daglegt líf 15
ÚR BÆJARLÍFINU
MORGUNBLAÐIÐ MIÐVIKUDAGUR 10. FEBRÚAR 2010
Ekki fer mikið fyrir bæjarpólitíkinni hér í bæ
en eins og venjulega verður líflegt í þessum
málaflokki rétt fyrir kosningar. Sjálfstæð-
ismenn hafa ákveðið prófkjör um miðjan febr-
úar og framsóknamenn ætla að stilla upp og
verður það kunngjört í þessum mánuði. K-
listinn sem hefur verið við völd í Sandgerði í
40 ár, ætlar nú að ganga til samstarfs við
Samfylkinguna um sameiginlegt framboð og
stendur til að halda prófkjör í lok mánaðar.
  
Eldri borgarar Sandgerðis stunda fjölbreytt
starf í Miðhúsum, s.s. handverk í tré og leir,
glerlist, útsaum að ógleymdu því að taka í spil.
Nýlega luku eldri borgarar við stórt og mikið
fæðingarteppi. Byrjað var á teppinu í sept-
ember 2009 en nýverið var það afhent fæð-
ingadeild Heilbrigðisstofnunar Suðurnesja.
Guðrún Guðbjartsdóttir yfirljósmóðir tók við
teppinu og sagði að því yrði fundinn góður
staður.
  
Sandgerðingar eru nú í útrás, reyndar aðeins
til Reykjavíkur! Ætlunin er að allir sem koma
að ferðaþónustu, handverki og listum verði
með fjölbreytta kynningu á mannlífi í Sand-
gerði og hvað hér er í boði, en með tilkomu
vegar frá Sandgerði að Hafnarvegi hefur opn-
ast nýr hringur sem tilvalið er að fara fyrir þá
sem fara Reykjaneshringinn.
  
Marta Eiríksdóttir í Púlsinum hefur í vetur
verið með námskeið fyrir fólk á öllum aldri í
listum, hópefli, dansi og jóga auk þess sem
hún hefur farið víða um landið til að hressa
fólk við.
  
Í vikunni opnuðu Anna Ósk Erlingsdóttir
og Gunnar Gestur Geirmundsson ljós-
myndasýningu í Listatorgi. Gestur er áhuga-
ljósmyndari og hefur náð góðum tökum á
norðurljósamyndum. Anna Ósk er lærður
ljósmyndari og hennar sérsvið eru portrett-
myndir. Sýningin stendur til 14. febrúar.
  
Í Listatorgi er rekið fjölbreytt starf og má þar
nefna að 13. febrúar verður opinn dagur þar
sem gestir og gangandi geta komið og kynnt
sér og fengið að prófa allskonar handverk.
Guðrún Ólafsdóttir verður með Prjónavídd
fimmtudagskvöldið 18. febrúar. Þar kemur
saman prjónaáhugafólk og lærir hvað af öðru.
Kvöldin verða reglulega í vetur.
  
Um þessar mundir vinnur Köfunarþjónusta
Sigurðar að því að setja stærri akkerisfestur
við flotbryggjur í Sandgerðishöfn. Ástæðan
þess að flotbryggurnar hafa verið að draga
akkeri sín er sú að nútíma plasthraðfiskibátar
eru almennt orðnir yfirbyggðir og taka því
meiri vind á sig í roki. Köfunarþjónusta Sig-
urðar hefur á síðasta ári komið þremur bátum
upp á yfirborðið eftir að hafa sokkið. Sigurður
er vel búinn tækjum til að leysa svona verk-
efni með öflugum flotbelgjum og tilheyrandi
búnaði.
Morgunblaðið/Reynir Sveinsson
Teppi Guðrún Guðbjartsdóttir (t.v.) og Kol-
brún Vídalín forstöðukona Miðhúsa við fæð-
ingateppið sem eldri borgarar saumuðu.
SANDGERÐI
Reynir Sveinsson
Veraldarfengur, www.world-fengur.com (WF) er al-þjóðlegur gagnagrunnurog upprunaættbók ís-
lenska hestsins, þróaður af Bænda-
samtökum Íslands og og rekinn af
þeim ásamt Alþjóðasamtökum ís-
lenska hestsins. Þar er haldið utan
um öll skráð íslensk hross, ættern-
isupplýsingar, einkenni, merkingar,
eigendasögu, niðurstöður kynbóta-
dóma og keppnisárangur. Þó svo að
hrossaræktin miði fyrst og fremst að
ræktun reiðhesta er hún einnig mat-
vælaframleiðsla og er hrossakjöt
mikilvæg útflutningsafurð.
Matvælastofnun hefur eftirlit með
matvælaöryggi og rekjanleika afurða
og er m.a. ætlað að tryggja að ekki
séu lyfjaleifar í íslensku kjöti. Til að
gera það eftirlit skilvirkara er nú
verið að koma á rafrænni skráningu
á lyfjanotkun fyrir hross og er sú
skráning byggð inn í gagnagrunninn
WF. Er það forsenda þess að útflutn-
ingur hrossakjöts verði áfram mögu-
legur til Evrópusambandsins (sjá
grein á www.mast.is).
Í Evrópusambandinu er þess kraf-
ist að hverjum hesti fylgi hestapassi,
gefinn út af ræktunarsambandi við-
komandi hestakyns í því landi sem
hesturinn er fæddur. Auk upplýsinga
um hestinn er gert ráð fyrir skrán-
ingu á bólusetningum, tilteknum
lyfjameðhöndlunum og smit-
sjúkdómum sem hesturinn kann að
fá á lífsleiðinni. Einnig gefur hesta-
passinn færi á að eigandinn ákveði í
eitt skipti fyrir öll að hestinum verði
ekki slátrað til manneldis. Hesta-
passinn fylgir hrossinu við eig-
endaskipti, flutninga og að lokum í
sláturhús og gegnir mikilvægu hlut-
verki við að tryggja að ekki séu lyfja-
leifar í hrossakjöti.
Evrópureglugerðin um hestapassa
hefur ekki verið innleidd hér á landi
enda vart talið framkvæmanlegt að
gefa út hestapassa fyrir öll hross hér
á landi. Því óskuðu Matvælastofnun
og Bændasamtök Íslands eftir því
við Evrópusambandið að gagna-
grunnurinn WF, með lyfjaskrán-
ingum, yrði viðurkenndur sem raf-
rænn hestapassi.
Nú hefur þessi viðurkenning feng-
ist og mun sú niðurstaða án efa
styrkja hrossaræktina sem útflutn-
ingsgrein bæði bæði hvað varðar líf-
hross og aðrar afurðir. Engin for-
dæmi eru fyrir rafrænum hestapassa
innan ESB og því má segja að WF
ryðji brautina og hafi reynst hrossa-
ræktendum öflugt tromp á hendi.
Heilbrigði
og velferð dýra
Veraldar-
fengurinn
viðurkennd-
ur af ESB
Dr. Sigríður Björnsdóttir, dýralæknir
hrossasjúkdóma hjá Matvælastofnun.
Eftir Björn Jóhann Björnsson
bjb@mbl.is
Við sáum nú enga ísbirni íferðinni, enda vorum viðað leita að öðru,“ segirArnar Þór Emilsson, klifr-
ari, flugmaður og björgunarsveit-
armaður með meiru, sem fór nýverið
í ískönnunarflug frá Mosfellsbæ um
suðvesturhorn landsins ásamt eig-
inkonu sinni, Berglindi Aðalsteins-
dóttur.
Eins og Arnar nefnir var ekki ætl-
unin að líta eftir ferðum ísbjarna eða
hafísreka heldur kanna ástand til
fjalla fyrir ís- og klettaklifur. Að-
stæður fyrir ísklifur hafa að sögn
Arnars ekki verið góðar hér á landi í
vetur þar sem skortur hefur verið á
tryggum og góðum ís utan í hamra-
veggjunum.
Dæmi eru um að hópar fólks hafi
farið utan til að stunda íþróttina,
m.a. til Noregs og Kanada. Þannig
eru Arnar og Berglind nýlega komin
heim frá Kanada eftir slíka ferð.
„Ísland er gott ísklifurland þegar
ástæður eru góðar. Þá er það á
heimsmælikvarða og mörg dæmi eru
um að erlendir klifrarar komi hingað
til lands,“ segir Arnar en vaxandi
áhugi er fyrir fjallaklifri hér á landi.
Ein mesta gróskan er hjá Íslenska
alpaklúbbnum, félagi áhugamanna
um fjallamennsku og klifur, sjá
www.isalp.is.
Fjallamennska í frítímanum
Í ískönnunarfluginu flugu þau yfir
Esjuna og Hvalfjörð og þaðan yfir
Skarðsheiði með sínum tignarlegu
tindum á borð við Skessuhorn og
Skarðshorn. Náðu þau m.a. myndum
af hópi klifrara úr Flugbjörg-
unarsveitinni í Reykjavík á leið upp
norðausturhrygg Skessuhorns, sem
reyndar varð frá að hverfa skömmu
síðar vegna útkalls frá Langjökli.
Er það nánast regla frekar en
undantekning að klifurkappar séu
jafnframt í björgunarsveit. Þau Arn-
ar og Berglind eru félagar í Hjálp-
arsveit skáta í Garðabæ en hafa
saman farið víða um heim að klifra í
fjöllum, t.d. á Indlandi, Spáni og í
Frakklandi. Arnar hefur stundað
klifur í ein 15 ár og Berglind í tíu ár.
„Það er gaman að geta stundað
þetta saman, nær allur okkar frítími
fer í fjallamennsku og klifur,“ segir
Arnar en um helgina fóru þau Berg-
lind ásamt félögum sínum að klifra í
Tvíburagili í Esjunni við ágætar að-
stæður. Um mjög skemmtilega leið
fyrir klifrara er að ræða þar.
Hvorki ísbirnir né hafís
Skessuhorn Arnar Þór og Berglind flugu framhjá Skessuhorninu, sem er
nærri 1.000 m hátt, en hópurinn á efri myndinni hefur verið merktur hér.
Fóru í ískönn-
unarflug til að
kanna aðstæður til
ísklifurs á suðvest-
urhorni landsins
Undir hamraveggjum Klifrarar úr Flugbjörgunarsveitinni í Reykjavík á leið upp Skessuhornið á dögunum.
Ljósmynd/Berglind Aðalsteinsdóttir
Ljósmynd/Berglind Aðalsteinsdóttir
Víða er hægt að stunda ísklifur
á suðvesturhorninu og fleiri
stöðum um landið, nánast hvar
sem eru traustir og yfirstíg-
anlegir klettar. Íslenska bergið
er nefnilega misgott og -traust,
segir Arnar Þór, og getur grjótið
víða verið mjög laust í sér.
Þau Berlind og Arnar eru van-
ir klifrarar og hafa víða farið.
Þau segja ýmsar góðar klif-
urleiðir í Esjunni; m.a. í Eilífsdal,
og síðan nefna þau Múlafjall,
Brynjudal og Glymsgil í Hval-
firði. Sömuleiðis Skessuhorn,
Skarðshorn og Heiðarhorn. Þá
voru aðstæður til klifurs undir
Eyjafjöllunum á Suðurlandi
óvenjugóðar fyrr í vetur.
Ýmsar klifurleiðir
Klifrarar Berglind Aðalsteins-
dóttir og Arnar Þór Emilsson.