Ísfirðingur - 17.05.1975, Blaðsíða 2

2
ÍSFIRÐINGUR
i--------------------------------------------------------------
8mp tSXmsóknavmanim / vcs/rjABDAuðeucÞu
Otgefandi:
Samband Framsóknarfélaganna i Vestfjarðakjördæmi.
Ritstjórar:
Halldór Kristjánsson og Jón Á. Jóhannsson, áb.
Afgreiðslumaöur:
, Guðmundur Sveinsson, Engjavegi 24, sími 3332.
Verð árgangsins kr. 200,00 — Gjalddagi 1. október.
Réttlát verslun
Eitt af því, sem heyrir til vinstri pólitík og umbótabaráttu
er að sporna við óeðlilegum gróða einstaklinga. í hverju því
landi þar sem almenningur hefur einhver áhrif, er stöðugt
verið að reyna að loka einhverjum gróðaleiðum, en jafnframt
er svo annarra leitað.
Þegar lögboðið hámark er sett á verslunarálagningu er það
gert til þess að koma í veg fyrir óeðlilegan gróða. En svo
kemur tvennt í Ijós. Annað er það, að verslunin græðir á því
að kaupa dýra vöru, geti hún komið henni út. Hitt er það,
að miklu munar hvað dýrt er að reka verslun eftir því hvar
verslað er og með hvað er verslað. Það álagningshlutfall sem
dugar alhliða verslun á Vestfjörðum skapar stórgróða hjá
sérverslun í Reykjavík.
Þessar staðreyndir ættu sérstaklega að minna á það, að
verslun verður ekki fyllilega og örugglega réttlát fyrr en hún
er félagsverslun. Víst geta kaupfélögin verið illa rekin og
misjafnlega er þeim stjórnað. En þau standa öllum opin, hver
félagsmaður hefur eitt atkvæði og félagsmenn velja stjórn
sína. Verði afgangur er hann sameign þeirra, sem í héraðinu
búa hverju sinni. Þar er því það form, sem tryggir að ekki
myndist neinn gróði, sem farið verði með frá þeim, sem
gerðu þau viðskipti, sem mynduðu gróðann. Kaupfélags-
verslunin þarf engum að valda slíkum ótta eða áhyggjum.
Mönnum er nú að verða Ijóst, að það er hvorki réttlátt né
skynsamlegt að valdbjóða sömu álagningu allsstaðar. Því er
nú svo komið, að í alvöru er farið að hugsa um leiðir til þess,
að verslun þurfi ekki að vera dýrari og viðskiptakjör óhag-
stæðari í einu héraði en öðru. Til þess eru ýmsar leiðir
hugsanlegar. Ein er sú, að létta launaskatti af þeirri verslun,
sem er fjarri höfuðstaðnum. Það væri nokkur leiðrétting fyrir
versluina, en mun þó hrökkva skammt til jafnvægis á verð-
lagi. Hinsvegar væri möguleiki að söluskattur væri lægri
í þeim héruðum, sem verða að bera ærinn flutningskostnað
umfram önnur.
Á því sviði er hægt að stíga raunhæft spor til jöfnunar
lífskjara í landinu.
Hálfreiknað dœmi
Stjórnarandstæðingar hafa hert sig að reikna undanfarið.
Þeir hafa reiknað það út að einar og aðrar útflutningsvörur
okkar hafi hækkað í verði. Og þeir hafa reiknað að fram-
leiðslan hafi aukist í vissum greinum. Og þetta er rétt. Og
maður eins og Kjartan Ólafsson kann fjórar höfuðgreinar
reiknings svo, að hann reiknar þetta rétt.
En þó að þessi reikningur allur sé réttur, svo langt sem
hann nær, er hann ekki tæmandi. Dæmið er ekki nema
hálfreiknað. Og það ætti hver venjulegur maður að sjá, að
eitthvað vantar í. Það sýnir sig í því, að gjaldeyrisstaðan
hefur farið versnandi.
í þessum reikningum er nefnilega alltaf gengið fram hjá
því, að innflutningurinn hefur orðið miklu dýrari en áður var.
Það breytir engu hvort þessu er sleppt viljandi úr dæminu
eða bara af vangá. Útkoman er jafn vitlaus hvort heldur er.
Það myndast enginn afgangur þó að tekjur aukist ef til-
kostnaður vex jafnmikið eða meira. Þetta liggur í augum
uppi.
En svo vaknar önnur spurning og hún stendur í nokkru
sambandi við þroska kjósenda.
Vinna menn sér traust og tiltrú og þar með kjörfylgi með
svona reikningum?
Fer það að verða álitsauki að reikna ekkert dæmi nema til
hálfs? H. Kr.
SjÖtugur:
Hjörtur Sturlaugsson
Hjörtur Sturlaugsson, bóndi
í Fagrahvammi í Skutulsfirði,
átti sjötugsafmæli 7. f. m.
Hann var fæddur að Snartar-
tungu í Strandasýslu 7. apríl
1905. Voru foreldrar hans
hjónin Sturlaugur Einarsson
og Guðbjörg Jónsdóttir. Hann
stundaði nám í Hvítárbakka-
ara á ísafirði. Hjördýs, gift
Pétri Sigurðssyni, fram-
kvæmdarstjóra á ísafirði.
Aftur kvæntist Hjörtur á
árinu 1950 Guðrúnu Guð-
mundsdóttur, sem er ættuð af
Ingjaldsisandi í Mýrarhreppi.
Þau eiga þrjú börn: Arndísi,
skólanum og síðar á Hvann-
eyri og þaðan lauk hann
búfræðiprófi eftir tveggja
vetra nám. Eítir að námi
lauk á Hvanneyri var hann
í nokkur ár starfsmaður við
bú föður síns í Snartartungu,
en hóf þar búskap á hluta
jarðarinnar 1930. Það ár
kvæntist Hjörtur fyrri konu
sinni, Arndísi Jónsdóttur, úr
Reykhólasveit. Fáum árum
síðar fluttu þau hjónin að
Hanhóli í Bolungarvík, en þá
jörð höfðu þau þá keypt. Þar
þurfti vissulega að taka til
hendi, bæði hvað viðkom
ræktun jarðarinnar og bygg-
ingu húsa. Þar bjuggu þau
í einn áratug.
Frá Hanhóli fluttu þau
hjónin að Hafrafelli í Skutuls-
firði og bjuggu þar í eitt ár,
en þá hófu þau landnám í
Fagrahvammi og ber jörðin
hvað ræktun og húsakosti við
kemur greinilega vott um það
að myndarlega hefur verið að
verki staðið.
Á árinu 1947 andaðist
Arndís kona Hjartar á besta
aldri. Þau eignuðust fjögur
börn, tvo syni og tvær dætur.
Börnin eru: Sverrir, búsettur
í Noregi, kvæntur noskri
konu. Bernharð, á heima í
Búðardal, var áður kvæntur
Guðrúnu Jensdóttur frá ísa-
firði. Anna, gift Sigurði
Guðmundssyni, málarameist-
Hjörtur Sturlaugsson
sem er gift Finnboga Bern-
ódussyni í Bolungarvík. Einar,
sem er starfsmaður vega-
gerðarinnar, en til heimilis í
Fagrahvammi, og Guðbjörgu,
sem er trúlofuð Magnúsi
Haiidórssyni á ísafirði.
Að félagsm. hefur Hjörtur
unnið mjög mikið. Á yngri
árum tók hann virkan þátt í
starfi ungmennaféiaganna.
Hann hefur verið fulltrúi á
aðalfundum Búnaðarsambands
Vestfjarða í meira en 30 ár
og formaður Búnaðarfélags
Eyrarhrepps í nær þrjá ára-
tugi. Trúnaðarmaður Búnaðar-
félags íslands var hann í
10 ár og íulltrúi á fundum
Stéttarsambands bænda í 6
ár. Hann átti sæti í hrepps-
nefnd Eyrarhrepps í tvö
kjörtímabil. Augljóst er að
þessi og önnur félagsmála-
störf, sem Hjörtur hefur
unnið, hafa tekið mikinn tíma,
en oftast lítið fyrir þau að
hafa fjármunalega séð.
Þeim sem þessar línur
ritar er þó best kunnugt um
félagsmálastörf Hjartar innan
Framsóknarflokksins, en á
þeim vettvangi höfum við
starfað lengi saman, bæði í
Framsóknarfélagi ísfirðinga
og Kjördæmissambandi Fram-
sóknarmanna í Vestfjarða-
kjördæmi. Hann er einn þeirra
sem hvað best hefur sótt
fundi í Framsóknarfélaginu
og flest þing Kjördæmissam-
bandsins hefur hann setið
sem fulitrúi síðan sambandið
var stofnað árið 1960.
Hjörtur í Fagrahvaimmi
hefur á margan hátt verið
gæfumaður. Báðar eiginkonur
hans vel gefnar myndarkonur
og dugmiklar. Ásamt þeim
hefur hann séð margar óskir
sínar og áform rætast í sam-
bandi við atvinnu sína og oft
erfið uppbyggingarstörf. Gest-
risni og alúðlegt viðmót við
þá sem að garði hafa borið
hefur alla tíð eihkennt heimili
Hjartar Sturlaugssonar. Hann
er maður vinsæll og velvilj-
aður og áhugasamur um fram-
faramál héraðs síns og þjóðar.
Um leið og ég þakka Hirti
Sturlaugssyni fyrir ágæt
kynni og samstarf óska ég
honum og fjöls'kyldu hans
allra heilla í tilefni sjötugs
afmælisins.
Jón Á. Jóhannsson.
Slysavarna-
félag íslands
Dregið var í happdrætti
Slysavarnafélags íslands hinn
1. maí s.l. og hlutu eftirtalin
númer vinning:
23120 Citroen Ami 8 1975
18535 Zodiac IVIark III slöngu-
bátur 15 f. m/20 hö
utanb.vél og 6 bjarg-
vestum.
7453 Johnson vélsleði 30 hö.
35342 Sinclair talva m/minni
08837 — —
22556 — —
11267 — —
12670 — —
ATVINNA
Kona óskar eftir skrif-
stofuvinnu á ísafirði eða
nágrenni. Meðmæli ef
óskað er.
Löng starfsreynsla
að baki. Tilboð skilist
á afgreiðslu merkt
skrifstofuvinna fyrir
30 maí.
48720 —
08869 —
42402 —
19965 Bosch borvél
11122 — —
07434 — —
29000 — —
26388 — —
46908 — —
25382 — —
39057 — —
14929 — —
Vinninga sé vitjað til Slysa-
varnafélags íslands, Granda-
garði 14, Reykjavík.
Upplýsingar veittar í síma
27000, á skrifstofutíma.
ísafjarðarkaupstaður
Auglýsing
Hér með tilkynnist þeim aðilum sem eiga reikninga
á bæjarsjóð ísafjarðar að greiðslur reikninga
fara eingöngu fram á mánudögum kl. 10—12
og 13—15.
Reikningar skulu vera samþykktir af úttektaraðila
eða verkbeiðanda.
Bæjargjaldkerinn ísafirði.