Ísfirðingur - 06.09.1975, Blaðsíða 2

2
ÍSFIRÐINGUR
i—:—— --------------—— ---------—~——~———
bíaoTkXmsókwbmanna / vitTrMRMuómuti
Otgefandi:
Samband Framsóknarfélaganna i Vestfjarðakjördæmi.
Ritstjórar:
Halldór Kristjánsson og Jón Á. Jóhannsson, áb.
AfgreiSslumaóur:
Guðmundur Sveinsson, Engjavegi 24, simi 3332.
Verð árgangsins kr. 200,00 — Gjalddagi 1. október.
------------------------------------------------------i
Réttlát verslun
VERSLUN er nauðsyn og góðir verslunarmenn eru þjóð-
hollir starfsmenn.
Verslun er þjónusta, sem alla alþýðu varðar miklu hvernig
er af hendi leyst.
En verslun er líka og hefur lengi verið leið til að draga
saman fé og græða á, ef meira næst fyrir þjónustustarfið
en réttlát og eðlileg laun.
Þess vegna er mikið um verslunarmálin talað. Þess vegna
er rétt að um þau sé hugsað. Þess vegna er skiljanlegt að í
sambandi við þau gæti nokkurrar tortryggni.
Hér sæmir ekki að loka augunum fyrir erfiðleikum þeirra,
sem verslun reka. Stöðugt þarf fleiri og fleiri krónur í sama
rekstur. Hagspekingar þeir, sem stjórna efnahagsmálum
þjóðarinnar, telja farsælast að fé sé lánað með okurvöxtum.
Og lögleg álagning er aldrei miðuð við endurkaupsverð, enda
sjaldnast um það vitað fyrirfram.
Ríkisvaldið hefur alllengi sett reglur um hámarksálagn-
ingu. En í reynd er lífið ekki svo einfalt og óbrotið að
þægilegt sé að fullnægja réttlætinu með því. það er mjög
mismunandi dýrt að versla eftir því hvar er verslað og
hvernig er verslað. Álagning sem dugar alhliða verslun í
afskekktu héraði er langt umfram þarfir fyrir sérverslun á
höfuðborgarsvæðinu. Þess vegna er alveg út í bláinn að vænta
þess að sett verði lög og reglugerðir, sem ein sér tryggi það,
að verslunin verði hagkvæm og réttlát.
Það er einkum tvennt sem almenningur getur gert til
réttlætis í þessum efnum. Annað er að efla samvinnuverslun.
Eina leiðin til að tryggja réttlæti í verslun er að gera
verslunina félagsverslun. Það tryggir raunar ekki hagkvæmni
í rekstri og innkaupum, en ef félagsmenn eru árvakrir og
jákvæðir geta þeir veitt bæði aðhald og hvatningu í þeim
efnum. En félagsformið tryggir það, að verði afgangur er
hann sameign. Og sagan vottar að víða hefur félagsverslunin
myndað þá sameign fólksins í byggðarlaginu sem ómetan-
leg er að þýðingu.
Hitt atriðið varðar byggðastefnu og jöfnuð. Margar vörur
þarf að flytja frá Reykjavík út um land. Neyslan er svo
lítil í fámenninu að ekki er um annað að ræða. Það kostar
nú um 12 krónur á kg. að flytja vörur með bílum frá Reykja-
vík til Vestfjarða, 16 krónur eða meira kg. með flugvélum
og a.m.k. 4 krónur með strandferðaskipum, og gildir það þó
eipkum um sekkjavöru í tonnatali. Þessi flutningskostnaður
segir þó ekki nema brot af því sem varðar dýrari verslunar-
rekstur á Vestfjörðum. Símtöl við Reykjavík eru óhjákvæmi-
leg, sem og meiri vörubirgðir hverju sinni, — einkum ef
verslunin hugsar um að uppfylla þarfir viðskiptamanna.
Þessu þarf að mæta með almennri kröfu um mismunandi
söluskatt. Með misháum söluskatti er hægt að gera búsetuna
jafnari að kostnaði í hinum ýmsu landshlutum en nú er. Það
er réttlætismál, spor í rétta átt. H. Kr.
Frá Gagnfræðaskólanum
Rdðgert er, að skólinn verði settur
15. september nk.
SKÖLASTJÖRI
Dánardægur
Finnbjörn Finnbjörnsson,
málarameistari, Hrannargötu
1 ísafirði, lést 18. ágúst s.l.
Hann var fæddur 18. mars
1892. Hann var áhugamaður
um almenn mál og átti m.a.
sæti í bæjarstjórn um tíma.
Finnbjörn var tvíkvæntur og
eru báðar konur hans, Ragn-
heiður Guðmundsdóttir og
Sigríður Þórðardóttir, látnar.
Finnbjöm var óvinnufær
mörg síðustu árin, en hann
bar sjúkdóm sinn vel.
Gestur Sigfússon,
verkamaður, Tangagötu 31
ísafirði, lést 16. ágúst s.l.
Hann var fæddur 17. des.
1897. Hann var kvæntur
Elinmundu Helgadóttur, en
hún er látin. Gestur var
vandaður eljumaður. Hann
var sjúklingur mörg síðustu
árin.
Guðrún Ólafsdóttir,
Hlíðarvegi 5 Isafirði andaðist
26. júlí s.l. Hún var fædd 6.
júlí 1886.
Ingibjörg Magnúsd. Richter,
Grund í Reykjavik andaðist
25. júlí s.l. Hún var fædd 3.
nóvember 1884. Hún var
ekkja Stefáns Richters, smiðs,
og áttu þau lengi heima hér
í bænum.
Kristjana Jónasdóttir,
kona Helga Björnss. fyrrv.
útgerðarmanns í Hnífsdal,
lést 25. júlí s.l. Hún var fædd
27. maí 1914.
Sigþrúður Guðmundsdóttir
Jessen,
Hrafnistu í Reykjavík, and-
aðist 26. júlí s.l. Hún var
fædd 3. júM 1887, dóttir
hjónanna Guðm. Guðmunds-
sonar og Helgu Símonar-
dóttur, er stunduðu nokkuð
hómópatalækningar. Sigþrúð-
ur giftist ung dönskum manni
J. H. Jessen, er stundaði hér,
með þeim fyrstu, viðgerðir á
mótorvélum. Seinni maður
hennar var Þórður Þórðarson.
Sverre G. Hestnes,
starfsmaður hjá Rafveitu
ísafjarðar, andaðist 20. ágúst
s.l. Hann var fæddur 4.
ágúst 1909. Sverre var kvænt-
ur Klöru Jónasdóttur, en hún
andaðist í desember 1972.
Sverre var maður ljúfur í
viðmóti og hinn besti drengur.
Kr.J.
— Kjördæmis-
þingið
Framhald af 1. síðu
A. Guðsteinsson, Grímur
Arnórsson, Þórður Jónsson og
Örnólfur Guðmundsson.
í miðstjóm Framsóknar-
flokksins voru kosnir: Guð-
mundur Sveinsson, Ólafur E.
Ólafsson, Brynjólfur Sæ-
mundsson, Jón Guðjónsson,
Kristinn Snæland, Jón Al-
freðsson, Eiríkur Sigurðsson
og og Pétur Bjarnason.
Varamenn í miðstjóm:
Guðm. Magnússon, Svavar
Júlíusson, Guðmundur Haga-
línsson, Hjörtur Sturlaugsson,
Jónas R. Jónisson, Geir A.
Guðsteinsson, Magnús Bjöms-
son og Sigþór Ingólfsson.
í blaðstjórn ísfirðings voru
kosnir: Steingrímur Her-
mannsson, Gunnlaugur Finns-
son, Ólafur Þ. Þórðarson,
Haldór Kristjánsson og Guð-
mundur Ingi Kristjánsson.
Endurskoðendur: Jóhannes
G. Jónsson og Theódór Norð-
kvist.
Þegar hér var komið mætti
formaður framsóknarflokks-
ins, Ólafur Jóhannesson, ráð-
herra, á þinginu og flutti
ávarp. Ræddi hann einkum
um hina miklu þýðingu sem
kjördæmasamböndin hefðu í
sambandi við umræður og oft
fmmkvæði um margháttuð
framfaramál héraðanna.
Þá flutti Steingrímur Her-
mannsson ávarp. Að því loknu
flutti Eysteinn G. Gíslason
stutta ræðu. Þakkaði hann
Ólafi Jóhannessyni fyrir kom-
una og sagði m.a. að heim-
sókn hans væri floksstarfsem-
inni mjög mikilvæg. Eysteinn
þakkaði forsetum þingsins,
riturum, alþingismönnum og
fulltrúum vel unnin störf og
sleit síðan þinginu.
TIL SÖLU
Til sölu er fasteignin
Tangagata 16 ísafirði.
Upplýsingar veittar í
síma: 3655.
Mikið úrval
handþeytara
með og ún
undirstöðu!
Ryksugui: NILFISK - PHILIPS
Mikið úrval segulbandstækja
RAFHA eldavélor
RAFÞJÓNUSTA /p 3092
RAFTÆKJASALA \y 3792
Auglýsing
um logtaksúrskurð
í fógetadómi ísafjarðarkaupstaðar og ísafjarðar-
sýslu, þriðjudaginn 1. júlí 1975, var kveðinn
upp úrskurður um heimild til lögtaks fyrir
eftirtöldum gjöldum að átta dögum liðnum
frá birtingu úrskurðarins:
Tekju- og eignaskattur, launaskattur, iðnaðar-
og iðnlánasjóðsgjald, slysatryggingagjald
skv. lögum um almannatryggingar, atvinnuleysis-
tryggingargjald sóknargjald og kirkjugarðsgjald,
söluskattur og sölugjald, bifreiðaskattur, verð-
jöfnunargjald af rafórku, lesta- og vitagjald,
skipulagsgjald, sýsluvegasjóðsgjald, jarðarafgjald
og önnur gjöld, sem heimilt er að taka lögtaki,
samkvæmt Iögum nr. 29, 16. des. 1885, um lögtak
og fjárnám án undanfarins dóms eða sáttar.
Úrskurðurinn var birtur samdægurs.
1. júlí 1975,
Bæjarfógetinn d ísafirði'
*
og sýshrmaður Isafjarðarsýslu